Twins演唱會MV被指過度修音

Twins在去年底舉行《Twins LOL Live Around the World》跨年演唱會，當時引起頗大迴響，不少看過的觀眾都表示有如時光倒流，勾起過往的回憶。事隔4個月，唱片公司英皇正陸續推出演唱會DVD及CD，然而有網民投訴聲音被過份修音（Auto-tune），驟聽之下恍如機械人聲。

英皇於13日上載演唱會版MV，好讓網民重溫演唱會歌曲，但卻惹來歌迷不滿。其中《風箏與風》一曲，就有超過200人表示「我不喜歡」，僅28人表示「喜歡」，同時大部份留言都指Twins兩人聲音極不自然：「聽真。走音都好過而家咁兩個Siri對唱啊嘛」、「機械人聲，冇嗮live感覺」。另一歌曲《丟架》亦有相同情況出現，有人就疑問「點解會修到咁怪」。

開騷前遇上當地6級地震，慶幸地震時間很短便停下來，大家也安然無羔。

《Twins Spirit 演唱會》北美巡演，來到最後一站RENO，開騷前遇上當地6級地震，慶幸地震時間很短便停下來，大家也安然無羔。完成RENO之後，Twins 便會先返香港工作，再飛倫敦演出。

上週五早上十點多，阿SA本來還是睡夢當中，「我本來重訓緊㗎，突然聽到房門『啪啪』聲，最初以為有人拍門，然後發覺窗門都搖緊『啪啪』聲，我就電話問工作人員，係咪地震呀？佢地重笑我發開口夢。但係我見到我房浴缸，我放左一缸水，等空氣唔好咁乾，成缸水都搖到有波浪，我好驚呀，未試過感受到咁強地震，即刻就跳上床縮左係一個頭頂冇任何嘢地方囉，我唔知震幾耐嘛，間房天花板上面有個大燈，不過好彩盞燈又冇乜點大搖。但我都其佢會跌落嚟。」

阿SA謂事後有問其他工作crew，在房間的人都感覺到地震，「唔怪得到步之後，有一個工作人員，係酒店用指南針踱方位，幾次都踱唔到，我地重講笑話，係咪有鬼。應該係地殼係前一日已經慢慢移動緊，所以就踱極都怪怪咁。」至於阿嬌就一點也感覺不到地震，她笑言，「我訓繄覺，真係乜都感覺唔到。哈哈。」

明晚(美國時間週六) Twins 將於RENO演出，之後便返香港工作，12月20日再於英國倫敦OVO Arena Wembley演出。

是次北美巡演，到尼瓜拉瓜大瀑布時，兩人一同於瀑布合照，阿SA於IG上放了她與可嬌17年前及這次最新影的合照，笑言想唔認老都唔得。但歌迷就留言，兩人像一點也沒變過一樣，同17 年前一模一樣。阿SA笑言，「歌迷成日問我，係咪冇食飯，點解咁多年個樣冇變，點會冇食飯，我係今次北美巡演，已經破晒戒啦！又過生日呢，所以咩甜嘢，炸嘢，澱粉質都唔理啦，全部都食齊，哈哈。返香港就要『還』啦，要戒返口同做返運動啦。之後返去就要幫電影做宣傳，到12月尾去英國演出完，先至真正有假放。好期待英國站見下英國歌迷，又好期待之後放假係英國玩。」

至於阿嬌返香港後便返北京工作，對於歌迷大讚佢keep得好，十幾年都咁靚，阿嬌表示好耐冇試過同阿SA一齊巡演咁耐：「好開心，今次行程冇咁密，大家都有一齊去行下街影下相玩下咁，細個成日一齊出埠工作個種感覺返晒嚟，都好珍惜今次旅程，唔知下次會係幾時啦。但係無論將來會唔會再有巡演，我地兩個都永遠會係好朋友囉。」