七仙羽開騷預告嘉賓陣容強勁 唔敢搵「下世老公」張敬軒幫手

想請ViuTV眾星做嘉賓！

七仙羽（七師傅）將於8月舉行一連兩場《師傅七都識唱笑會》，她分別會以小丸子、白雪公主、神奇女俠、小仙女及女唐僧等百變造型現身。唱笑會內容主要來自她曾主持的節目《七救星》、《七福星》等，當中更包括唱歌、跳舞、Talk Show，保證內容豐富！一向圈中人緣好的七師傅表示內部認購門票反應熱烈，嘉賓陣容強勁！

七師傅心目中的嘉賓名單，想請晒ViuTV的Artist。

工忙繁忙的七師傅表示這次演出的籌備時間很少：「重點會練唱歌，其他嘢都係臨場發揮，平時我上台做嘉賓都無夾過，但係唱歌跳舞就唔得，要記歌詞、記舞步。」從沒學過唱歌的七師傅，坦言今次是個大挑戰，而且工作實在太忙，她表示：「平時又要拍廣告、拍節目、見客做生意，我唔係全職藝人，有人問我點解唔搵下世老公（張敬軒）教唱歌？我唔敢，話明係下世老公，今世timing唔啱。」

七師傅話唔敢搵下世老公張敬軒幫手。

七師傅對演出的造型，笑言着唔着都冇乜嘢睇。

談到上次做張敬軒紅館騷嘉賓，七師傅表示猶如發了一場夢：「好難忘，但係太多缺點，今次觀眾俾錢買我表演嘅飛，所以都要做好啲、專業啲，對人有交代！」至於唱笑會海報印有多個不同造型，她笑言：「我諗大家都唔會好期待我唔着衫或者着好少布，其實着唔着都冇乜嘢睇嘅，我主要都係着返海報上嗰啲衫。」

七師傅話想講MIRROR。

想請Viu眾星做嘉賓

今次唱笑會將拍住潘紹聰一起為大家鎮宅、辟邪、招財、旺丁，被問會否加入靈異環節？七師傅透露：「到時想講咩就講咩，會有少少靈異事件，但唔會好恐怖，都係搞笑成份。」至於內部認購反應熱烈，她笑言：「今次飛唔夠賣，好多人問我攞飛，多謝大家支持！」雖然實名制購票能阻止炒賣，但七師傅表示不會考慮採用實名制，因涉及太多行政管理，但很感激身邊好友支持：「好多人支持，整個流程好順暢，好感恩，感謝我下世老公喺IG幫我宣傳，佢出個post都好貴，好感謝佢免費幫我，好想佢嚟做嘉賓。MIRROR、ERROR、COLLAR等的ViuTV Artist都想請。」

七師傅坦言今次唱笑會是個大挑戰。

七仙羽師傅話望見一班參賽佳麗，激發佢要令自己變得更加靚！

全球首間「perFACE x SkinLab 綜合護膚概念店」昨天（10月16日）於銅鑼灣Fashion Walk正式開幕！這間結合尖端護膚科技與個人化護理體驗的旗艦店，標誌著護膚行業邁向嶄新里程碑。為慶祝這個重要時刻，perFACE 執行董事兼行政總裁符芷晴女士與著名風水大師七仙羽師傅一同為概念店擔任剪綵嘉賓，為新店揭開序幕。

七仙羽師傅昨天（10月15）現身銅鑼灣，為綜合護膚概念店擔任剪綵嘉賓。

即場教路增桃花運貼士。

七仙羽師傅以其深厚的風水專業和吉祥寓意，為店舖進行了象徵好運與繁榮的剪綵儀式，並在隨後的祝酒及醒獅儀式上，為新店送上美好的祝福。

七仙羽師傅活動後大談個人美容及護膚心得，並預測未來運程，她更表示個人護理做得好亦有助增強自己運勢，「2024年的香港經濟有較大嘅波動，相信來年年初情況亦唔會有太大改變，短時間內各位投資時要加倍審慎，我自己對於黃金投資比較樂觀，目前世界上充滿太多不穩定因素，例如係戰爭政治等。嚟到perFACE嘅全新概念店，覺得呢一度風水，地理位置同人流都非常好，有好多人都會專誠過嚟做facial或者其他美容療程。因為perFACE嘅老闆係行緊大運，吸引力法則嘅影響之下，你想行運就一定要同一啲行緊運嘅人多啲接觸，所以不妨多啲行入嚟吸收下呢度嘅運氣。同埋亦有唔少女士走來問我點樣增加桃花運，同大家分享一個秘訣啦，想增加自己嘅桃花運就一定要令自己皮膚有光澤，皮膚唔夠光澤唔夠亮白的話，自信心都減咗一半啦，仲點可以增加到自己桃花運呢？」

七師傅早前為ViuTV選美比賽節目《美麗40路》任嘉賓。

七師傅話有意參選！

提到之前ViuTV拍攝了一個選美比賽節目《美麗40路》，問到七仙羽師傅有沒有興趣參加？她笑說：「我都有喺呢個比賽入面做司儀同嘉賓，其實呢個比賽嘅參加者年紀都唔細架，但係佢哋嘅外貌同年紀完全唔成正比，真人靚好多，所以我經常都走去問導演，其實佢哋個個樣都好似20幾歲，究竟有冇虛報年齡㗎？我自己都諗如果我個樣keep得好似佢地咁好，我出年其實係咪都可以成為參賽佳麗呢！望見佢哋就更加激發我要令自己變得更加靚，我咁後生咁年青冇理由輸俾佢哋嘅！所以我嚟緊會努力去perFACE做多啲Facial做多啲療程裝備好自己，出年同班佳麗決一死戰！」

新店開幕盡享尊貴護膚體驗
「perFACE x SkinLab 綜合護膚概念店」融合尖端護膚技術與高端個人化服務，旨在為顧客帶來全方位的護膚體驗。除繼續秉承perFACE頂尖嶄新醫美科技，專業資深醫學美容團隊致力為客人提供高效安全的醫美療程外，今次與SkinCeuticals合作亦會結合其全面醫學護膚產品，務求提供一站式及全方位護膚體驗俾大家，讓客人可以每分每秒綻放自信美麗嘅光芒。