ViuTV為新劇列條款出事可免責？大律師：避免爭拗勿簽署同意書

陸大狀強表示，法律上有好多原則係唔能夠凌駕法律，所以即使簽咗都未必冇得追究。

ViuTV8月22日在社交網公布為新劇《冰上火花》（暫名）招募冰球運動員拍攝，同時上載共30項的「演員海選之條款及條件」，其中有條款提到：「在法律允許的最大程度下，即使是因製作單位及/或廣播公司的疏忽或不當行為造成的傷害、損失、意外等，製作單位及廣播公司都不便承擔任何責任。」又列出在法律允許的最大範圍內，製作單位不會就某些情況負上任何責任等。

ViuTV為運動題材新劇招募演員。

新劇故事以冰球運動為題材。

就ViuTV這份「《冰上火花》（暫名）演員海選之條款及條件」，今日（22日）《星島頭條》問過大律師陸偉雄，他認為其中部份免責條款，即使加入「在法律允許的最大程度下」、「在法律允許的最大範圍內」、「在製作單位沒有任何重大過失下」等字句，其實是「講咗等於冇講」，而且依賴這些字句，在法律上亦未必能成立。他表示：「呢啲免責條款到底喺法律上有冇效，我哋唔可以一概而論佢有冇效，首先人身傷亡，一般來說，任何條款如果是豁免人身傷亡，在法律上來看，這種條款係無效嘅。」不過如果一些損失、費用等，部份可以當成有法律效力。

大律師陸偉雄就劇集《冰上火花》（暫名）演員海選的部份條款講解。

免責條款第14點，雖然列明很多情況，但並非所有情況都可以免責。

陸大狀強調要視乎情況，「佢啲條款本身就緊係想免責啦，但法律上有好多原則係唔能夠凌駕法律，所以呢個情況下，即使簽咗都未必冇得追究。」不過陸大狀都指，如果想避免有進一步爭拗，最好就是不要簽署同意書，或簽署前提出將相關的條款字眼更改，或直接將相關的條款刪除。

有網民關心拍攝的安全問題。

條款中第22點，列明參加者同意豁免和免除製作單位多項情況下的一切責任，到底簽署同意書後，是否有事都不能追究？陸大狀 對於有網民關心，劇集以運動為題材都可能會有一定危險性，關注製作方有否為參加者買保險等問題，陸大狀認為：「製作單位梗係想當參加者係自僱人士，同佢（製作單位）係完全冇關係，因此法律上佢（製作單位）冇需要幫佢哋（自僱人士）買保險，因此日後如果發生咩事，佢（製作單位）就唔使負責，呢個係製作單位嘅立場。但我覺得任何參加者或為了自保個人權益，製作單位唔幫你買保險，自己都應該買。因為人哋又唔幫你買，你自己又唔買呢，到時有意外都冇（保險）賠償。」因此陸大狀強烈建議參加者要自行買保險。

陸大狀提醒：「法律上有好多原則係唔能夠凌駕法律。」

范浩賢全力勇闖唱作人之路！

曾參加《全民造星》並躋身二十強的范浩賢（Neal），在2025年推出他的第一首唱作作品〈光之丘〉，獲得恩師周耀輝及一眾圈中好友力撐，令他更有勇氣與力氣向唱作人之路邁進。

唱作人范浩賢（Neal）推出新歌《光之丘》。

《光之丘》

2018年，Neal參加過《全民造星》後，一度退居幕後，擔任填詞的工作，並曾為胡鴻鈞〈偉業街〉及6號@RubberBand〈太空糖〉等填詞，不過今年他終於再度活躍幕前，以唱作人身份推出新歌〈光之丘〉，他介紹歌曲道：「〈光之丘〉作曲人阿堯最初俾我嘅demo，感覺好似動漫插曲，因為佢錄音嘅時候剛好中咗covid，把聲沙沙地，氣若柔絲，令我聯想到《數碼暴龍》或者王道動漫嘅故事發展，永遠喺主角唔夠打嘅時候，跟住會響起一首插曲，同大家一齊衝，最後打大佬贏咗。」因為這個demo的演繹，令Neal聯想到《數碼暴龍》裡主角太一與亞古獸每次面對打不贏的對手，有危機時才能夠進化的場面，所以他便以動漫當中，故事最初發生的地點東京光之丘為歌曲命名，引伸到「光之丘」是代表著支撐精神與信念的地方，憑藉永不言敗的意志，聚集力量，創造燦爛的去向。

范浩賢曾參加《全民造星》。

Neal很愛打籃球，已故NBA傳奇球星高比拜仁不僅是其偶像，更是他的「光之丘」，Neal道：「 Kobe就算離開咗，佢嘅意志、心態都引領我去做更好嘅自己。」除了Kobe，今次製作〈光之丘〉亦有一班音樂人，伴著Neal闖過迷惘失措，他特別製作了MV，去感謝這一班戰友，Neal說：「我錄音嘅時候拍咗一堆花絮，當初只係諗住用嚟感謝參與過呢件事嘅音樂人，不過睇返啲畫面嘅時候，感覺佢哋正正就好似demo歌名〈集氣歌〉一樣，大家一齊集氣，成就咗〈光之丘〉，所以我就將片段剪輯成為MV，感激佢哋成就咗〈光之丘〉嘅誕生。」

Neal視已故NBA傳奇球星高比拜仁為偶像。

范浩賢穿上Kobe波衫於美國留影。 

范浩賢熱愛籃球，為籃球隊Mediators其中一員。

過去曾參加〈全民造星〉的Neal，曾躋身二十強，不過他當時未有直接出道，反而等了6年才正式推出歌曲，他解釋現在才以唱作人身份再次跟大家見面的原因，道：「當年參加〈全民造星〉唔係諗輸贏問題，而係想喺過程中，搵到自己有乜嘢可以做得更加好，要再去學習、改善。呢幾年真係花咗好多時間再改進，我覺得而家係最適合嘅時間，去將歌曲同埋歌詞擺埋一齊，去話俾人知我而家係一個唱作人，我想用一首代表自己而家心聲嘅作品，向大家再一次介紹自己，我係一個點樣嘅唱作人。」

其實Neal成為唱作人也絕非偶然，在大學時期，他在課堂上已經跟隨殿堂級填詞人周耀輝學習填詞，二人至今亦師亦友，所以在推出〈光之丘〉之前，他特別讓周耀輝先聽為快，Neal道：「我有俾個mix耀輝聽，佢淨係話：『好聽』，冇再講其他特別嘅說話。我覺得係好事，因為我認識嘅耀輝，如果佢覺得麻麻地，會話：『得唔得㗎？』佢冇咁講，我諗過到關啦，聽到份詞應該唔會覺得哽耳，所以開心㗎，仲令我有信心繼續去行呢件事，係一個好大嘅support。」除了得到周耀輝的鼓勵外，另一位填詞人喬靖夫、單車運動員李慧詩，網紅娜姐等亦有拍片力撐，簡單的一句，已給予Neal最大的力量，拼盡全力勇闖唱作人之路。

范浩賢得恩師周耀輝讚賞。

范浩賢曾為李慧詩於浸大歌詞班的導師。