今年係羅文逝世20年，嚟緊喺紅館會舉行演唱會，紀念呢位一代歌星。而今晚10點，無綫翡翠台有特備節目《我們都有一首羅文的歌》播出。
多得首《獅子山下》，呢00後都認識呢位傳奇歌手。再後生嗰批，或者真係未聽過羅文都未定。問豬視妹心裏面有邊首羅文的歌，佢都要諗一大輪，然後懶嬌悄咁唱咗兩句「波斯貓～身軀嬌悄」。至於霸戲哥呢，嘿嘿，一定係《激光中》，讀書時已經成日唱，在那激光中穿梭，我用乒乓波……
羅文嘅歌聲係比較另類。跟霸戲哥同輩，唔係哥哥就阿倫，一係就四大天王，好少會話自己鍾意聽羅文。但神奇在於，羅文嘅歌係植根喺我哋舊代人嘅腦海，幾乎首首都唱到幾嘴，好似《小李飛刀》、《前程錦鏽》、《幾許風雨》咁，只要身邊有人哼一句，你自自然然會跟住唱，好神奇。
羅文本身造型妖艷，但唱出嚟嘅歌又正氣無比，或者呢種反差先至令人着迷。
相信今日都幾難再有呢類型歌手。
霸戲哥
** 博客文章文責自負,不代表本公司立場 **