港女買烏頭不識「寶」 網民揭盅讚魚販有良心

買魚送「顆粒」？一名女網友近日在魚檔買烏頭魚時，檔販留下一顆粉紅色的圓形物體給她，她真心未見過，於是po上網，希望有網友解答，網友紛紛留言，指圓形顆粒是魚扣，「係好嘢嚟架」，無論清蒸、炆焗、爆炒都十分美味，並大讚檔主有良心，因不少魚販會另外出售，甚至賣80元一碟。

女網友買到烏頭及檔主留給她的魚扣。fb香港街市魚類海鮮研究社

女網民日前在Facebook群組「香港街市魚類海鮮研究社」中發帖，表示從海鮮檔購買一條烏頭，回家處理時發現附有一粒粉紅色圓形物體，於是問道「有冇『大神』知道左上嗰粒係咩嚟？劏魚嗰個人留番粒嘢喺度，但我真係唔識。」

網右留言紛紛讚魚扣是美味食材。fb香港街市魚類海鮮研究社

帖文一出，引來三百多個留言，紛紛指出粉紅色物體是「魚扣」，亦即魚的胃部，形容「爽口好食」，「是在廣東一種流傳的特色美食。只不過在魚身上最不起眼的食材，通常在大排檔做魚扣煲或者爆炒，一般都係用青椒洋蔥直接爆炒。口感幾爽脆，而且據說有補腎養血、滋陰潤燥的功效。」

火鍋店食材烏魚扣。資料圖片

又有網民直指「好野(嘢)來架，要條魚夠大先有咁大個魚扣你食架」、有網民更笑言「魚扣係重點， 條魚可以唔要」、「見過人地劏左(咗)幾十條烏頭，淨係要呢粒野(嘢)，成條魚就俾人。」、「好多魚檔你唔出聲佢會偷偷抽起，拎嚟賣或者佢哋自己人拎返屋企食，呢檔魚好有良心俾番你。」

事主看到網友留言後直言「學到嘢」，「講解到咁詳盡，先袋落袋先，下次有機會發揮下post 上黎（嚟）交功課。」她最後採用「鹽焗」的方式烹煮。

帖文轉載自fb香港街市魚類海鮮研究社

有網友買烏頭送粉紅顆粒。fb香港街市魚類海鮮研究社

近日網上流傳一段短片，片中白衣男子懷疑正將港鐵站的樓梯當滑梯玩，有人擔心安全問題，有人則笑言：清潔姐姐多謝佢！

樓梯中央扶手當軌道

樓主以「這位男子咁樣落樓梯，會舒服啲嗎？#某某地鐵站」為題，在facebook群組「西環變幻時」發帖上載片段。短片長約8秒，可以見到，片中白衣黑褲戴腰包的男子如小朋友般，將樓梯中央扶手當軌道，以倒豎蔥方式從樓梯頂一路向下衝。

FB截圖

網民議論紛紛

雖然下降速度不太高，但已經令人觸目驚心，在現場的旁人都為之側目。網民紛紛回應帖文，並表示「我唔會咁樣傷害自己」、「好危險囉，傷自己又傷人」；也有人坦言「細個成日想咁做，大個面皮薄唔敢做」、「我發夢有做過！ 」。

FB截圖

網民代清潔姐姐多謝佢

有網民則笑言「代清潔姐姐多謝佢」、「唔該師兄，乾淨晒」、「咁樣抹，乾淨啲」。有網民形容情況如「臥虎藏龍」，也有人估計，白衣男可能直接就是「清潔工」本尊。

FB截圖

有人影片地點逐個估

有網民更關心影片地點出自哪個地鐵站，便開始在影片中尋找蛛絲馬跡。因應港鐵站橙色的紙皮石，有網民估計現場可能是天后站，不過同樣以橙色作主色的車站，還有北角、利東、啟德、寶琳和荔枝角等站。

FB截圖