港女買烏頭不識「寶」 網民揭盅讚魚販有良心

買魚送「顆粒」？一名女網友近日在魚檔買烏頭魚時，檔販留下一顆粉紅色的圓形物體給她，她真心未見過，於是po上網，希望有網友解答，網友紛紛留言，指圓形顆粒是魚扣，「係好嘢嚟架」，無論清蒸、炆焗、爆炒都十分美味，並大讚檔主有良心，因不少魚販會另外出售，甚至賣80元一碟。

女網友買到烏頭及檔主留給她的魚扣。fb香港街市魚類海鮮研究社

女網民日前在Facebook群組「香港街市魚類海鮮研究社」中發帖，表示從海鮮檔購買一條烏頭，回家處理時發現附有一粒粉紅色圓形物體，於是問道「有冇『大神』知道左上嗰粒係咩嚟？劏魚嗰個人留番粒嘢喺度，但我真係唔識。」

網右留言紛紛讚魚扣是美味食材。fb香港街市魚類海鮮研究社

帖文一出，引來三百多個留言，紛紛指出粉紅色物體是「魚扣」，亦即魚的胃部，形容「爽口好食」，「是在廣東一種流傳的特色美食。只不過在魚身上最不起眼的食材，通常在大排檔做魚扣煲或者爆炒，一般都係用青椒洋蔥直接爆炒。口感幾爽脆，而且據說有補腎養血、滋陰潤燥的功效。」

火鍋店食材烏魚扣。資料圖片

又有網民直指「好野(嘢)來架，要條魚夠大先有咁大個魚扣你食架」、有網民更笑言「魚扣係重點， 條魚可以唔要」、「見過人地劏左(咗)幾十條烏頭，淨係要呢粒野(嘢)，成條魚就俾人。」、「好多魚檔你唔出聲佢會偷偷抽起，拎嚟賣或者佢哋自己人拎返屋企食，呢檔魚好有良心俾番你。」

事主看到網友留言後直言「學到嘢」，「講解到咁詳盡，先袋落袋先，下次有機會發揮下post 上黎（嚟）交功課。」她最後採用「鹽焗」的方式烹煮。

帖文轉載自fb香港街市魚類海鮮研究社

有網友買烏頭送粉紅顆粒。fb香港街市魚類海鮮研究社

日前有網民途經街市時，發現街邊居然有人賣老鼠，更索價$50一隻，網民紛紛猜測用途。

街市有人賣老鼠

樓主大感震驚，馬上在threads發帖表示，「街市進化到賣老鼠？！」。從相片可見，街市攤販在地面擺放了1個鐵籠，裡面則有一隻老鼠，並標價為$50一隻。

threads圖片

$50已經「特價」

更離譜的是，後方有紙牌標示為「特價」，更有「帶佢返屋企」的字句。

網民笑言是《五星級大鼠》：抵到爛

帖文掀起網民熱議，有人笑言老鼠是《五星級大鼠》主角之一，「廚師嚟㗎呢隻，$50抵到爛」、「家有一『老』，如有一寶」、「領養代替購買」、「賣嘅係米奇不妙屋」。

示意圖。設計圖片

有留言就提及政府於2023至2024年度，用於防治蟲鼠的預算高達8.08億元，所以平均每隻花費近萬元，故戲稱「捉老鼠成本貴，成萬蚊先捉到隻，$50買返隻扮自己捉咗，抵喇」、「我琴日先捉到隻，交咗俾食環…蠢咗」。

示意圖。設計圖片

網民紛紛猜測用途

有留言疑惑買老鼠回家到底有何用途，「邊度有售」、「太超前啦，我接受唔到」、「買嚟做咩？」、「佢可能以為會有白痴以為係倉鼠」，其他人則回覆指，「有可能有人買返去餵蛇」。

示意圖。設計圖片