連詩雅（Shiga）是呢期的負評王，跟葉蘊儀幫ViuTV拍攝《跟住矛盾去旅行》因表現作狀，被網民狠批為「極級港女」。面對着一大籮的負評，Shiga接受《頭條日報》專訪時坦承唔開心：「呢啲咁有話題性嘅說話當然唔會好聽。」更為自己平反：「我點會係港女？啲人睇得太表面。」
入行六年的連詩雅接受專訪時否認自己是港女。
「紅人」連詩雅新歌《血一般紅》講述被另一半背叛，女方策劃連串報復行動後決定唔再做受害者，所以她狠心剪去10吋長髮來配合，不論歌曲風格及造型都係新嘗試。
點擊看圖輯
入行六年的連詩雅接受專訪時否認自己是港女。
網上圖片
對於失戀，Shiga強調唔心痛，因為維繫唔到就無謂勉強。
Shinga大讚《跟住矛盾去旅行》剪接得好成功營造到效果。
Shiga表示入得這一行便知道要食得鹹魚抵得渴。
傳跟Shiga拍拖3年的麻將大王石鑑輝家族成員石恒聰（Anthony）因第三者介入而移情別戀，對於失戀時演繹失戀新歌，指與自己的現況有所不同：「兩個case唔同，《血一般紅》係講男仔背叛，個故事都幾激，真實版失戀好平靜，人愈大愈變得冷靜，大家都係大人會坐低去傾，受情緒影響會作出唔理智決定，嬲完後會後悔自已意氣用事。」
網上圖片
對於分手一事，她堅持分手原因是雙方都太忙，為事業放棄筍盤，Shiga強調唔心痛，「哈！我都係筍盤啫，睇緣份啦，兩個人拍拖唔一定要睇對方有冇錢，係咪有家底，擁有啲乜。」
她順道澄清，現居的九龍塘寓所由母女兩人租用，並非傳聞中Anthony未下逐客令暫畀兩人住：「屋租係同媽咪一齊分擔，同任何人無關，今時今日我所擁有嘅嘢係媽咪努力工作所得。」
對於失戀，Shiga強調唔心痛，因為維繫唔到就無謂勉強。
Shinga之後又說起自身的過去經歷：「17歲開始已經濟獨立唔使任何人照顧，特別見到父母分開，已明確地同自己講，要有能力養活自已，除咗媽咪無邊個都得，因為永遠唔會知道身邊人幾時會離開。」
在播完《跟住矛盾去旅行》後獲封港女，Shinga立即否認，甚至說：「話我係港女啲人睇得太表面，佢哋唔知我經歷就話我。其實不得不讚《跟住矛盾去旅行》剪接得好成功營造到效果，做到好緊湊同埋好有火花，增加好多娛樂性話題。」
Shinga大讚《跟住矛盾去旅行》剪接得好成功營造到效果。
唔係「極級港女」，連詩雅眼中嘅自己係乜？她大笑說：「熱愛唱歌嘅正常女仔，畢竟係一個人，所以興奮時會變得高音，係咪港女好難有一個準則，每人心目中港女定義都唔同，所以我冇諗得咁複雜呀，最重要係做好本份。」她又指，選擇這份工作已知要食得鹹魚抵得渴，「鍾意你嘅人點都鍾意你；唔鍾意嘅亦都一樣，我又唔係傷害到人，呢啲嘢控制唔到，唯一會提醒自己唔好咁high咁高音。」
Shiga表示入得這一行便知道要食得鹹魚抵得渴。
至於用字中英文夾雜方面，她坦言沒有辦法，因為自己沒有正式學過中文，「拍嘢時諗唔到個Terms只有咁樣去表達意思，而廣東話不時有捲舌R音亦唔係刻意，係我一向冇留意，好難令全世界咁please自己，唔通因為咁以後唔講嘢？唔發Post咩？」
