Keep得非常好!
現年44歲的黃祥興與太太Peggy結婚10年,二人育有三名子女,一家五口過得非常幸福。黃祥興對太太最近重拾空手道夢想,作為老公的他當然鼓勵另一半,更透露太太自與自己拍拖後,就放棄了喜歡的運動「空手道」,後來到結婚生小朋友,就更加沒有時間去做自己喜歡的運動,他希望愛妻:「想要或者鍾意就要堅持唔好放棄!」不過網民卻留意到穿上空手道服的Peggy,外表似中學生,大讚好Keep得好。
12月12日,黃祥興在網上貼出新相,當中見到Peggy功架十足的照片,亦有她考獲黑帶資格的證書,黃祥興留言:「自同我拍拖之後你脫離咗空手道,然後結咗婚生咗小朋友,真係搵唔到時間去繼續玩你喜歡嘅運動,而家小朋友算大個咗,你話爭一級就黑帶但需要時間去練習,我覺得你講呢句說話好啱聽,想要或者鍾意就要堅持唔好放棄!今日見到你得到我十分驕傲,除咗戥你開心亦都係一個非常好嘅榜樣畀小朋友!叻叻豬。」不少人留言恭喜外,更笑指黃祥興以後不用擔心,因有太太做保鑣,可以保護全家人。