彭秀慧指每一個香港人都好想、好努力將香港文化推廣到其他國家。
彭秀慧（Kearen）早前帶着她執導的電影《阿媽有咗第二個》到捷克布拉格及杜拜出席當地舉行的亞洲電影節（Filmasia）。
點擊看圖輯
彭秀慧早前帶着《阿媽有咗第二個》到捷克布拉格及杜拜出席當地舉行的亞洲電影節。
彭秀慧坦言每次將電影帶去外國，都會十分好奇外國觀眾的反應。
彭秀慧指杜拜出乎她意料地出現很多香港觀眾，反應比香港觀眾更熱情。
有觀眾跟彭秀慧說於電影中看到香港的地方，十分掛念。
彭秀慧早前帶着《阿媽有咗第二個》到捷克布拉格及杜拜出席當地舉行的亞洲電影節。
近年參與過不少外國電影節，也獲得不少獎項的她心情依然興奮，她坦言每次將電影帶去外國，都會十分好奇外國觀眾的反應。首站布拉格的觀眾跟香港類似，「啲笑位佢哋都會笑嘅時候，你就會覺得好開心。最特別係有兩個觀眾由維也納飛過嚟，因為知道呢邊有個電影節，同埋佢哋真係好恨睇港產片，亦都好想睇《阿媽》，所以佢哋更加會過嚟睇。」
彭秀慧坦言每次將電影帶去外國，都會十分好奇外國觀眾的反應。
彭秀慧指布拉格的觀眾真係好恨睇港產片！
至於杜拜，則出乎她意料地出現很多香港觀眾，反應比香港觀眾更熱情，「因為係第一次有港產片喺喺杜拜戲院入面放映，所以好多都係特登嚟支持，佢哋反應好激烈，甚至比起香港觀眾更加熱情。」最令她印象深刻是於當地居住多年的香港人的激動，「佢哋能夠覺得喺杜拜嘅戲院入面，同杜拜當地嘅觀眾一齊分享一部嚟自佢哋屋企嘅作品嘅時候，佢哋係好Proud同好開心。」亦有觀眾跟她說於電影中看到香港的地方，十分掛念，「例如有觀眾講：『嘩！我見番茶餐廳，真係好熟悉，好想即刻返去香港。』我覺得呢樣係電影好獨有嘅嘢，尤其是即將會消失嘅地方或者文化嘅時候，如果我可以用電影保留住，通過電影帶俾唔同國家嘅朋友，我覺得係影展最有意思嘅地方。」
彭秀慧指杜拜出乎她意料地出現很多香港觀眾，反應比香港觀眾更熱情。
有觀眾跟彭秀慧說於電影中看到香港的地方，十分掛念。
聽罷觀眾的提問及感受，彭秀慧亦十分觸動，「覺得好似無論去到世界各地邊一度都好，都有香港人嘅存在，我哋每一個香港人都好想、好努力咁樣將香港嘅文化，例如一套電影，當中無論香港嘅地方、藝人，可以推廣俾其他國家嘅人，我諗呢樣嘢對我嚟講真係好深刻。」
彭秀慧與當地觀眾合照。
除此之外，彭秀慧亦於布拉格接受電台訪問，「我覺得個安排好好，因為我唔熟悉布拉格呢個地方好多嘢，所以當DJ同我傾偈嘅時候，就好似佢個地方同我個地方溝通緊，能夠可以喺一個再mass啲嘅channel去講吓，無論係我套電影、甚至係我自己，其實係好寶貴好寶貴嘅經驗。」她又謂影展對她來說最高興是可以見証文化交流，同時亦趁着這個機會「睇吓世界」，「好似有種鼓勵：『你快啲拍多啲電影啦，再去多啲唔同地方，再睇多啲世界。』同埋希望有機會我可以去外地拍攝。」
彭秀慧再次以自身出發，創作出事業女性在成功背後的迷失與恐慌。
由Kearen Pang Production主辦，彭秀慧Kearen自編自導自演全新獨腳戲《失憶【諒解】備忘鹿》，將於2024年11月1日起假香港演藝學院歌劇院公演，這是Kearen繼《29+1》、《再見不再見》、《月球下的人》及《Tiffany》後，相隔10年，以全新劇本跟劇場觀眾再次聚首。
彭秀慧全新獨腳戲《失憶【諒解】備忘鹿》。
相隔10年再度自編自導自演。
舞台劇演員出身，做過導演，參與過電視節目的演出，Kearen這次重返舞台，感受良多，她回顧道：「今次返嚟獨腳戲嘅舞台，親力親為經營成個演出，其實真係有好多感受，因為呢度就係好多劇場觀眾認識我嘅老地方，但過去10年時間，我好似去咗第二啲地方，做咗好多唔同工作，拍咗兩套戲《29+1》同埋《阿媽有咗第二個》，好似變咗幕後人；又出現過喺電視台嘅節目，過去幾年加入咗一間大公司，到舊年所有嘢完成晒之後，而家回復自由身身分，重新經營自己嘅路。」完成舊公司的合約後，Kearen很期待再次親自落手落腳去完成一件事，她續道：「冇咗大公司嘅悉心照顧，自己再次親力親為，都會令我諗起當日，自己都係膽粗粗，行咗自己嘅事業路出嚟，到而家我仍然執著每個細小事情嘅同時， 我都提醒自己，慶幸自己仍然有呢份勇氣，可以去做自己想做嘅嘗試。」
彭秀慧再次以自身出發。
創作出事業女性在成功背後的迷失與恐慌。
重返舞台，仍然選擇自編自導自演獨腳戲，為何Kearen會如此鍾情這種模式呢？就由她親自解開謎底。「嗰陣一路做緊演員，突然間好想有啲突破轉變，想試下寫劇本，但因為冇信心，唔夠膽搵導演導我嘅劇本，亦都係冇乜錢同成本，於是寫一個獨腳戲，自編自導自演，喺一個100人嘅小劇場演出，呢個就係當年嘅《29+1》。」Kearen從未想過《29+1》隨後會拍成電影，會為她的事業帶來新方向，讓她走得更遠，但即使如此，獨腳戲仍是她鍾情的一種演出方式。「《29+1》之後我繼續再演獨腳戲，然後我發現呢種自編自導自演嘅風格，好似成為一個我同觀眾建立關係嘅方式，香港都冇其他演員做緊同樣嘅事，然後同時紀錄我自己一個人嘅成長，觀眾都同我一齊成長，目擊到我哋喺唔同人生階段，睇到啲乜嘢，關心啲乜嘢事，或者遇到乜嘢問題，就好似今次《失憶【諒解】備忘鹿》，其實我哋去到呢個年紀，未必係繼續向前衝嘅階段，但係『但求安穩』嘅生活之餘，乜嘢先係安穩呢？」
彭秀慧從未想過《29+1》隨後會拍成電影，會為她的事業帶來新方向，讓她走得更遠。
在今次的《失憶【諒解】備忘鹿》中，Kearen再次以自身出發，創作出事業女性在成功背後的迷失與恐慌。Kearen特別劇透今次演出內容，道：「今次嘅女主角係一個本來事業已經去到安穩階段，從來唔覺得需要擔心嘅女人，會因為經濟環境而被裁，但佢冇家庭、仔女、丈夫，佢就發現自己失去咗重心一樣，同一時間，佢發現自己記憶開始變得混亂，開始有失憶嘅徵狀，所以佢就發現人生彷彿要開始倒數嘅情況下，佢必須要處理一啲從未處理過嘅心結，就展開咗整理回憶嘅過程，而其中一個好重要嘅心結，係佢同媽媽嘅關係。」
就讓Kearen以敏銳觸覺、細膩演繹，配合舞台劇獨有的視覺效果，在《失憶【諒解】備忘鹿》跟你分享這個城市內發生中的故事。
彭秀慧重返舞台，仍然選擇自編自導自演獨腳戲。
有關門票將於明天起公開發售，有關詳情如下：
《失憶【諒解】備忘鹿》 (Oh Deer…)
日期：2024 年 11 月 1-3, 5-6, 8日 8pm
2024 年 11 月 3 日 3pm
地點：香港演藝學院 歌劇院
票價：$680 / $580 / $480
門票將於9月10日（明天）早上11時起於Cityline公開發售
網址：https://cultural.cityline.com/tc/2024/ohdeer.html
