2023年1月8日是TVB《萬千星輝頒獎典禮2022》的大日子。舞台劇出身的鄧智堅憑《下流上車族》關細孝一角，奪得「最佳男配角」殊榮。
點擊看圖輯
更多相片
《下流上車族》—鄧智堅。
智堅同驄哥默契十足，獲得唔少網友大讚。
早前鄧智堅已憑《下流上車族》先拔頭籌獲得「AEG娛樂人氣王2022：人氣男演員」。
鄧智堅聞獲最佳男配角，即刻爆喊，表現激動。
公屋成長嘅佢演活「哈比家族」。
從舞台轉戰電視，成功不易。
期望和對手合作。
觀看相關影片按連結：https://youtu.be/PYSSPtvHwy0
《下流上車族》—鄧智堅。
智堅同驄哥默契十足，獲得唔少網友大讚。
早前鄧智堅已憑《下流上車族》先拔頭籌獲得「AEG娛樂人氣王2022：人氣男演員」。
鄧智堅在後台受訪時表示：「其實第一個獎就頒（最佳男配角）真係冇諗過。當頭先宣布5強嗰陣已經好激動，因為高手如雲，入到10強已經好開心，能夠入到5強其實已經心滿意足。仲宣布我得獎，其實我係好興奮同埋好意外。我控制住自己，我一定要平復自己，講晒我要多謝嘅人，所以我一講完就好激動地喊！」
鄧智堅聞獲最佳男配角，即刻爆喊，表現激動。
他又再次感謝家人：「同埋我想多謝我嘅成長。因為我就係公屋成長嘅，咁所以今次呢個角色要演活一個來自公屋嘅『哈比家族』，我嘅成長令到我喺演戲或者喺呢個劇裏面都能夠多啲嘅發揮，同埋多啲創意。」
公屋成長嘅佢演活「哈比家族」。
鄧志堅表示從劇場走到電視螢幕，甚至得到最佳男配角獎，過程不容易：「我同自己講我比五年自己試吓啦，即係試吓唔同嘅平台，當我暫停一陣劇場。我用五年時間喺電視度睇吓有啲咩嘅作品可以誕生啦，咁今年其實就係第五年。咁喺第五年能夠攞到呢個獎，我諗係俾咗個答案，自己所以溫柔咁去堅持好重要！」
從舞台轉戰電視，成功不易。
期望和對手合作。
有咩說話給未能攞獎嘅男演員們？鄧志堅回答：「其他入圍嘅(男演員們)我都真心欣賞你哋，我好希望可以快啲同你地合作。我諗其實得到獎項，我當然好興奮好激動，但係亦都好想多啲多啲同對方合作。我諗我哋鍾意嘅就係好劇本同好角色，演員最鍾意係呢樣嘢。」
