近年麻辣米線和韓式辛辣食物愈來愈受歡迎，不少朋友就算不太能吃辣也被香味迷倒，結果每次食都辣到叫救命，有咩方法可以紓緩一下，盡情享受美食呢？
設計圖片
呷醋
食辣時加少許酸醋於食物或湯內都可減低辣味，令入口無咁辛辣，亦可促進消化。另外，多食白飯和蔬菜都有助中和食物辣味。
乳製品
乳類製品所含的蛋白質，可修復消化道上，被辣椒素「灼傷」的皮黏膜細胞，所以食完辛辣嘢，食杯雪糕或者乳酪，都能有助減辣。好似印度菜出名的凍飲「Lassi」，就係用乳酪加鮮搾水果製成，唔太食得辣的朋友點一杯來配印度咖喱就最好不過。
設計圖片
舌尖上沾糖
可以放一小匙砂糖喺舌頭上含住，以甜制辣，立即消解口腔內的灼熱感。
食青瓜
有時食辣嘢，旁邊會有黃瓜、蕃茄相伴，佢哋解辣效果一流，立即見效。
設計圖片
切勿飲酒
好多人以為食辣時飲冰凍啤酒，可減低辛辣味道，但其實酒精只會增強吸收辣素，飲冰凍的酸梅湯反而有效。