胡慧冲繼續帶你遊泰國!
由泰國旅遊達人胡慧冲主持,新一季共20集的《冲遊泰國》,於2月6日起逢周一至周五晚十點半J2(82台)播放。沿用上季班底,有大家喜愛的「叉燒姐」鄺玲玲同「冬蔭家族」的「冬蔭妹」、「冬蔭妹妹」、「冬蔭哥哥」,還有仿如大碼版的胡慧冲「冲為糊」。
點擊看圖輯
冬蔭妹去到Bangkok Mahanakhon頂層,嚇到腳軟。
今季《冲遊泰國》叉燒姐同冬蔭家族繼續登場。
首集播出新一季的《冲遊泰國》,「叉燒姐」鄺玲玲會打頭陣夥拍胡慧冲介紹泰國食玩買之選。頭兩集胡慧冲都會集中講曼谷的美食,豐儉由人有地道60銖(約14港元)一客的海南雞飯,到酒店餐廳出品3,000多銖(約713港元)的港式蒸魚。
叉燒姐去到酒店自然要打卡。
叉燒姐
第一集叉燒姐出場,帶大家去到全泰國最高的建築物Bangkok Mahanakhon打卡,樓高314米共77層。特點是頂層凌空的玻璃地板,企在上面包保腳軟。不過今次胡慧冲推介的,是摩天大廈內新開的酒店The Standard,提供155間房間,平均收費約2,000港元一晚。酒店內的中菜廳,是泰國食家近日慕名幫襯的熱點,叉燒姐最欣賞餐廳的肥燶叉燒,港式水準盛惠1,600銖(約380港元)。還供應港式點心、用蘋果木燒;限量提供的北京填鴨、港式蒸東星斑收費3,000多銖(約713港元)。雖然收費不菲,目前訂位都要等3個月。
冬蔭妹去到Bangkok Mahanakhon頂層,嚇到腳軟。
叉燒姐試肥燶叉最有說服力。
同場加映胡慧冲NG片段,叉燒姐笑得開懐。
7日晚一集繼續講食,要食海南雞飯係香港人都識去水門街。胡慧冲當然不會hea,今次推介的是有「香港明星雞飯店」之稱的Sui Hen海南雞飯,店舖位於Charoen Krung路,超過110年歷史,講到明星雞飯的由來,胡慧冲話︰「有次帶咗任達華同米雪嚟食過,話好好食。一傳十、十傳百咁傳開去。」店內用的是泰國頂級茉莉米,雞飯收費60銖一份,足料靚湯還可以大大碗另外叫。同一條路還有一間連續5年獲米芝蓮推介的魚粥店,用料是新鮮鱸魚同石斑。胡慧冲話此店所謂的粥,是較接近潮州粥底,有別於香港食開較稠的粥底。
胡慧冲推介香港明星海南雞飯。
胡慧冲推介香港明星海南雞飯。
胡慧冲、米雪同任達華獲頒泰國旅遊大使。
同樣有米芝蓮推介的魚粥店。
叉燒姐食得非常滿足。
一食下來就停不到的胡慧冲,接住帶叉燒姐去到另一間老店,位於Silom路巷仔的Charoen Sang Silom豬腳飯店有60年歷史,獲米芝蓮推介獨沽一味鹵水豬手,遠遠已經聞到香味,包保不會蕩失路。後晚壓軸登場有「冬蔭妹」,一上場就「犧牲色相」同胡慧冲享受男女共浴浸溫泉,有幾大膽睇過就知。
胡慧冲介紹米芝蓮推介鹵水豬手。
冬蔭妹同胡慧冲將會共浴。
冬蔭妹妹「浴照」登場。
波波帶定水着期待「泰」解放!
由「泰國通」胡慧冲主持的TVB Plus(82台)長壽節目《冲遊泰國》再添食,即將開拍第10輯!來到第10輯當然要搞搞新意思,除了有胡慧冲和冬蔭家族成員參與拍攝外,還邀來「新一代咪神」 黃婧靈(波波)強勢加盟!波波昨日(11日)從香港國際機場出發泰國曼谷拍攝新一輯《冲遊泰國》。
波波已經出發泰國拍攝喇!
波波話好開心可以向胡慧冲學嘢。
一到泰國就攰到瞓着咗。
問到有份參與新一輯《冲遊泰國》心情,波波受訪時說:「好開心可以參與呢個節目,好多謝公司畀呢個機會我,同埋好期待可以向泰國通胡慧冲學嘢!」問到此行會否水着「泰」解放?波波興奮地說:「呢個一定啦,陽光與海灘喎,絕對唔可以嘥咗呢個機會,已經準備定水着帶去泰國,至於帶咗多套泳衣?呢個就賣下關子先,大家到時睇咪知囉!」提到最近有網友指她發福,問到會否怕美食當前增磅?波波笑言:「我會努力保持最佳狀態㗎喇,至於美食方面就只好淺嚐,唔會食太多,做藝人始終都要身材管理一下。」
開心自拍。
波波話帶定泳衣「泰」解放。
波波話帶定泳衣「泰」解放。
波波話帶定泳衣「泰」解放。
對於《冲遊泰國》開到第10輯,胡慧冲受訪時大嗌感恩:「好多謝 TVB,可以畀我一個節目做咗10輯咁多,不過開心嘅同時亦有啲擔心,今次會唔會係《冲遊泰國》嘅結局篇?定係之後會踏入第11輯?呢個真係唔知,所以要繼續好好地做好個節目!」問到今輯行程?胡慧冲透露:「今次因為有波波出現,梗係要安排啲碧波暢泳嘅場面畀佢啦!之前無論冬蔭妹也好、叉燒姐玲玲也好,去親芭提雅都特別受大家歡迎,所以希望今次去芭提雅都會繼續受歡迎,之後仲會去一個叫大城府嘅地方,之前好多輯都想去嗰度,但結果都係冇去到,希望今次真係去到啦,同埋曼谷梗係唔少得啦!」胡慧冲又預告冬蔭家族會再添新成員,但就「講啲唔講啲」謂:「究竟係美男定係大美女?定抑或係又男又女嘅雌雄同體呢?呢個大家到時就會知!」
胡慧冲話冬蔭家族會再添新成員,仲講到好神秘咁。