現年25歲的前港姐陳偉琪（Vicky）憑解放「神Cup」36E上圍極速上位，有幸同34D張秀文和36E陳婉衡，獲封新一代「無綫咪神」。連高登仔都爭相起佢底，捧佢做高登女神。
上位亦帶來不少煩惱，她自爆經常被網民在其個人網誌inbox留言滋擾，最過份竟有人要求其胸部特寫！對此，新咪神Vicky苦笑說：「由細到大，大胸真係好麻煩，細個寒背，大個就被人眼甘甘。」咁驕人身材，又真係會望多兩眼囉！
由加拿大返港選美入行的陳偉琪，去年在《超強選擇1分鐘》以火辣三點式大騷36E「胸」湧上位。
日前，新咪神連走赤柱和大浪灣為本報拍攝火辣泳照。鬼妹仔的她換三點式搔首弄姿，一小時內自動波夾胸、跑沙灘、浸水等，就算搞到成身泥，一句怨言都無，抵佢瞓身上位！問Vicky知道被封「高登女神」？佢話無留意，但多謝有宅男fans。
其後坦言身材好亦帶來不少煩惱，她說：「好多ig留言話我身材勁，又會傳啲相畀我，我唔敢下載。最過份有人要求我胸部特寫，我唔知呢啲算唔算『性騷擾』。」
早前，陳偉琪(左)在《超強選擇1分鐘》以火辣三點式大騷36E，火辣起朵。
出道快三年，Vicky仲恨出寫真，她說：「我有諗過出寫真O架！不過想出一本同打籃球有關嘅，因為我太鍾意打籃球。」最後，拍過五次拖的她自爆現正單身，勁like荷李活男星里安納度狄卡比奧(Leonardo DiCaprio)的她擇偶條件好簡單，「只要喜歡環保，對我同對我屋企人好就得。」
日前，無線出動5波女宣傳旅遊節目《3日2夜》，同樣擁36E豐乳的陳偉琪(左二)和陳婉衡(中)最激凸。