AK愛貓離世仍忍痛開工 拍攝新劇外景心情沉重鮮有說話

鏡頭前表現專業鏡頭後好sad！

由陳卓賢（lan）、江𤒹生（AK）及林愷鈴等合演的ViuTV新劇《冰上火花》拍攝得如火如荼，劇集以冰球為題材，兩位男主角在劇中雖然敵對，但亦惺惺相惜。

AK心痛愛貓離世

AK去年11月與隊友楊樂文到加拿大為《造星V》揀蟀時，亦忙裏偷閒於當地睇冰上曲棍球為新劇取經。

AK以一身黑色衞衣及短褲現身球場

日前，AK為劇集拍攝外景，雖然愛貓離世仍忍痛開工，鏡頭後的他明顯心情沉重、鮮有說話，但鏡頭前表現依然專業，每日通宵工作，拍到天光才收工。

親自戴上護踭及護膝等安全配備

早前AK在社交平台透露江家養的第一隻貓「花花」因為年老離世，大感不捨之餘復以長文記錄花花這20年間陪伴他成長的一點一滴，更坦言真的很痛，需要時間去復原。

AK拎着一大袋相當重的裝備到達現場

雖然愛貓離開，但專業的AK仍然忍痛開工。當晚約9時，AK以一身黑色衞衣及短褲現身球場，見他拎着一大袋相當重的裝備，到達後即坐在場邊的長椅，親自戴上護踭及護膝等安全配備，接着穿上Rollerblade後，即向前溜了幾吓，適應後即拎起曲棍球棒溜出場中間開工。

心情沉重鮮有說話

劇情講述AK深夜時分一個人到足球場練球技，地上放了大量波，AK隨即用曲棍球棒左右出棒不斷練習。AK早前曾表示不懂溜冰，但因不想用替身拍攝，亦只好努力練習，雖然沒有受傷，但弄至腳上長了三個水泡。

AK用曲棍球棒左右出棒不斷練習。 ​

當日工作人員亦有指導AK如何用曲棍球棒控制個波，AK非常有耐性虛心學習，由於拍攝當日天氣寒冷，穿着短褲拍攝的AK在等埋位時亦穿上羽絨外套保暖。

在拍攝期間，現場突然傳出巨響，疑似有人在附近放煙花，不少工作人員都興奮拿出手機拍照，而AK在被嚇一跳後則未有理會，繼續專心拍攝，十分專業。

獨家追蹤丨AK強忍愛貓離世哀痛通宵趕劇 鏡頭前表現專業鏡頭後好Sad

化妝師幫AK敷面膜

不過，可能受愛貓的離世影響，AK拍攝當日的心情明顯非常沉重，甚少說話，休息期間亦只是靜靜的坐在一旁看手機，未有與工作人員多作交流。

靠美容機保持狀態

由於已連日通宵拍攝，加上又要處理愛貓的告別禮，AK似乎嚴重睡眠不足，在拍攝前，化妝師亦出盡法寶，除了即場為AK敷面膜，更出動瘦面機幫他去水腫，務求以最佳狀態上鏡。

Ian亦有上傳開工時的照片。

AK連日通宵開工趕戲，之後再被捕獲以一身黑衫現身觀塘，劇情講述他被一班穿上防疫保護衣的人追捕，AK落力奔跑逃脫，更一度跌在地上，拍攝直踩至早上10時多才完成。

雖然AK深受花花離世打擊，但仍然落力拍劇，每日拍攝到清晨才收工，更在社交網留言：「攰，但開心，辛苦大家」，表現敬業；同樣日夜趕工中的Ian亦有上傳開工時的照片。

演唱會主題曲完整版正式推出！

江𤒹生AK最新單曲《Game Of Life》是他首個個唱《ANSON KONG 「THE GAME OF LIFE」 IN MY SIGHT SOLO CONCERT 2024》的主題曲，借遊戲比喻演藝旅程，在MV中，他進入了遊戲世界，拿著仿真槍，型爆向重重關卡進發。

AK推出新歌《Game Of Life》。

《Game Of Life》是AK首個個唱《ANSON KONG 「THE GAME OF LIFE」 IN MY SIGHT SOLO CONCERT 2024》的主題曲。

觀看相關影片按連結：https://youtu.be/NCuJwjcnnr4

AK在暑假籌備演唱會時，就很想做一首以「Game of Life」做主題的歌曲，於是與監製徐浩溝通過後，便與團隊一同製作了《Game Of Life》，AK介紹歌曲內容道：「我入行後，好似入咗一個新嘅遊戲世界，呢5、6年經歷好多唔同嘅難關，有啲比較順利有啲比較難，有啲可能係需要同啲同伴組隊，你先可以跨過嘅一啲關口，有啲你要獨自去面對，今次用咗打機嘅心情，套落首歌。」

AK以遊戲世界比喻演藝旅程。

歌曲率先在演唱會登場，現在正式推出的版本略有不同，AK續道：「演唱會版本細John（姜卓文）rap嘅部分短啲，嗰陣唔夠時間準備full version，亦冇邀請佢上台，今次正式版加長咗細John部分，因為難得佢嚟featuring，就俾多啲air time佢一齊玩，希望下次live版可以同佢喺台面一齊演繹呢首歌。」

今次正式版加長了細John（姜卓文）rap的部分。

《Game Of Life》是一首很有畫面的作品，所以MV方面也順利成章以遊戲世界呈現，AK戴上VR後，走進了遊戲世界，跟細John、隊友們進行連場槍戰。AK表示：「MV會見到有好多槍械，好多平時好少接觸得到嘅事物，例如開槍對峙，亦有一啲teammate同我一齊衝鋒陷陣嘅場面，呢個concept幾好玩。另外，今次算係非常淺嚐咗一下war game，因為每支槍都只係入咗氣，冇實彈、BB彈，只可以感受到開槍嗰一下少少重量，同埋場地所限，只能偷位扮喺一個比較大嘅空間進行，希望下次可以喺一個露天war game場地，多啲人一齊實彈射擊。」

MV以遊戲世界呈現。

AK戴上VR後，走進了遊戲世界，與隊友們進行連場槍戰。

說起槍械，AK也特別興奮，「玩槍幾開心，滿足少少夢想，未去到話真係拍槍戰，但換下子彈，扮下有型，都幾開心，不過開頭拍第一個shot要拎支左輪入子彈，好有型對住個鏡頭，但估唔到仿真槍係咁重，單手攞會搖下搖下，起初花姐見到仲話我咁渣攞支槍都冇力，我就俾佢試下，佢先發現支槍原來係咁重。」

AK直言玩槍幾開心。

造型上，AK這次三套服飾都甚有睇頭，其中半恤衫半皮褸的造型，打造出現實世界上班族與遊戲世界角色的感覺，AK介紹：「套衫分開兩邊，西裝係人，紅色皮褸就係打機角色，好似機械人有啲線路喺身上，眼嘅highlight就係強調返機械人角色，另外仲有指甲，之前喺演唱會整過，結果整上癮，但今次有少少唔同，只係黐上去。」

半恤衫半皮褸的造型，打造出現實世界上班族與遊戲世界角色的感覺。

至於另外兩個造型，則毫不吝嗇大騷身材，AK笑這：「香港咁熱咁潮濕，梗係要服裝上俾自己涼快下，咁我又冇咩可以露，窮剩得返嗰六粒嘢（腹肌），咁咪喺六粒裡面揀兩粒好似健康啲咪露出嚟，不過演唱會嗰陣fit啲，而家肥返少少，出嚟感覺都健康嘅，肌肉上就冇演唱會嗰陣咁勁，但都仲有三根釘喺度，有啲睇頭嘅！」

另外兩個造型，AK則毫不吝嗇大騷身材.

腹肌好吸睛！