「大熊」係咪真人嚟呢？！
「細龍太」陳思圻（Vicky）（前名：陳偉琪）曾在無綫劇集《愛．回家之開心速遞》飾演巴渣「細龍太」，因為勺蠻任性的貴婦、老闆印象好突出，觀眾都覺得好有共鳴，幾鍾意看她演戲。不過，有指Vicky是外國回流，性格豪放，又不怕賣性感，公司認為她不受教。加上2019年醉駕一事令她形象受挫，所以她就被踢出劇組，不久更索性離巢。雖則如此，VickY仍努力找尋其他工作機會，而她的動態也備受關注。
陳思圻在《愛・回家》中與鄭世豪飾演夫妻。
日前Vicky在IG分享外出晚飯的靚相，並寫上：「噚晚去咗一個素食的童話世界。雖然感覺真係好似做了公主一樣，但係其實最難忘唔係大熊向我求婚，而係…好好味嘅芝士條＋餛吞配四川麻辣醬。其實，樣樣都超水準。千祈唔好因為呢度裝修靚得濟，所以以為嘢食係好睇唔好食（未去之前我都係咁諗），咁你就大錯特錯啦！」
近期分享左去餐廳食飯靚相。
陳思圻話自己在餐廳被熊熊用大鑽戒求婚！陳思圻行緊蜜運呢件事......點解一直都好似無人講過嘅？
相中Vicky身穿短裙大曬美腿，但都不及她一句「最難忘唔係大熊向我求婚」令引起注意。網民都好奇問Vicky是否被求婚，又有人八卦追問有無應承。不過，睇相不見Vicky身邊有伴，她本人又未回應大家提問，好可能大熊公仔及巨型戒指只是擺拍的餐廳道具，是Vicky跟大家開的一個玩笑！
大家都好想知係咪真係有「大熊」呢個人、求婚成件事又係點......
