前咪神梁政珏血拼親子書教仔

曾是「無綫咪神」的梁政珏（Jeanette），去年初低調嫁給北海道牧場餐廳老闆何思源（John）後便退出幕前，同年尾誕下兒子Johnson。《頭條日報》記者更遇到她帶一邊湊仔一邊到銅鑼灣誠品血拼親子書和兒童書，學做好媽咪。

梁政鈺去年嫁餐廳老闆做人妻兼做人母。

梁政珏家境富裕，出道後憑其34C豐滿上圍打出名堂，但自與John拍拖後，戀愛大過天的她即封胸歸隱，去年更閃婚生B，趕及在35歲高齡產婦前誕下兒子。

前「無綫咪神」以34C豐滿上圍打出名堂。

現時Johnson肥肥白白勁可愛，多得梁政珏凡事親力親為，她曾表示湊B初期好辛苦，剩番半條人命，囝囝患濕疹時最慘，因長時間貼身照顧搞到自己都病埋。

資料圖片

由於湊仔從不假手於人，為了增加教育小朋友的知識，日前她由兩名傭人陪同、帶着兒子到誠品看書。他們直上九樓，梁政珏在「親子教育」區細心挑選，揀揀吓更索性坐在地上邊睇邊揀，再決定是否購買，其間由傭人負責照顧BB。

記者日前遇到梁政珏帶住囝囝遊誠品。

逗留了約45分鐘，她滿心歡喜帶着兒子到樓下選購兒童書，只見她一邊揀一邊給兒子睇，看他有沒有興趣。又揀了大半個鐘，她便拿着一大疊書去畀錢，埋單都近二千元。之後傭人推着BB車及拎住兩袋書跟住Jeanette行去停車場上車返歸。

初為人母的前咪神揀書俾愛兒相當認真。