《隱形戰隊》三大女主角分別身陷險境 劉佩玥遭容天佑摸腰搜身零尷尬

由文偉鴻（Jazz）監製、林麗媚、梁恩東編審的《隱形戰隊》，逢周一至五晚八點半翡翠台播映，主要演員包括馬國明、陳山聰、陳展鵬（煎Pan）、江美儀、唐詩詠、劉佩玥、劉穎鏇（Tiffany）、林子善、歐瑞偉、樊亦敏、伍樂怡、郭子豪、楊證樺及程可為等。

網民大讚每集都好有電影感， 仲要節奏明快緊湊。

邢風一嘢整斷手上索帶，夠晒型英帥。

網民對於有夜視鏡同夜視效果，覺得製作認真又有新鮮感。

唔少網民大讚Tiffany演技再有進步。

10月10日晚一集，三大女主角Madam Q（唐詩詠飾）、邢風（劉穎鏇Tiffany飾）及Shadow（劉佩玥Moon飾）各自身陷險境。劇情講述邢風及Shadow等人為了偵查活人狩獵案，不惜犧牲色相以水著Look混入「狩獵四人組」的泳池派對，其間Shadow與邢風先後與Billy哥（容天佑飾）爆發衝突，邢風意外辣著「四人組」頭目鏗少（阮浩棕飾），對手鏈女有「仇恨情意結」的鏗少，遂鎖定邢風為下一個目標，混亂間Madam Q亦一同被麻醉槍打中及被捉走。二人先在荒廢小屋中被水淋醒，之後經過數輪對峙，邢風整斷手上索帶，與Madam Q一起展開深夜森林逃亡，拿著獵槍及戴著夜視鏡的四人組，則從後追趕及射殺二人。最終邢風與Madam Q兵分兩路，其間Cool Sir雖在危急關頭救了邢風，邢風卻在掙脫期間撞樹重傷暈倒；至於腳部嚴重受創的Madam Q，在預告片中見到Ocean緊張的抱著她直奔，與邢風一樣生死成謎…

呢個就係夜視效果喇。

呢張相，清楚可以見到Tiffany條腰唔單止係瘦，仲要非常多肌肉，好勁！

Cool Sir喺危急關頭殺到。

呢招「一打二」喺宣傳片出街時已惹起不少迴響，終於正式出街有Full Version睇。

邢風掙脫期間成個人衝埋樹。

擔心死媽咪江美儀。

邢風到底有冇事呢？

Madam Q同樣身受重傷。

只Focus做靚動作
10月10日晚的「活人獵殺」個案，絕對是本周單元高潮所在，不少網民看後大呼緊張，並大讚劇集節奏明快：「雖然知道死唔去，但都好緊張」、「每集都好刺激，節奏好快」、「每個單元故事設定讓觀眾容易明白」、「暫時最精彩一集」、「拍攝手法像拍電影」。至於獲讚有特種部隊外形的Tiffany，受訪時笑指拍攝相關場口雖然辛苦，但也蠻好玩：「未試過任何武器都冇，只能夠逃走，佢哋仲要有晒槍，我記得好似喺南生圍拍，我哋要利用好多位置走嚟走去。嗰一晚除咗要不斷跑嚟跑去，仲要跌落個榻榻米度，我嗰刻其實乜都冇諗，個focus只係點樣做靚個動作。」談到難忘點滴，怕凍的Tiffany笑指：「我覺得嗰場都算豁出去，個環境又污糟，又要瞓地下，又要撼落棵樹度，已經冇得顧慮太多，同埋嗰晚又係超級凍（之前拍泳池派對都係好凍），但我哋又要吓吓都噴濕個身，因為講我哋係畀人淋醒，所以係喺超級凍嘅情況下拍攝，每次一cut機都要即刻攞番件褸或搵暖爐保暖。」

阿Moon呢幕飲酒同搜身戲正呀。

阿Moon咁樣跳落去天佑度，呢場戲嘅「受害人」似係天佑多啲。

阿Moon話同天佑已經好有默契，所以拍呢場戲唔尷尬。

壁咚

因為好多親密場口，製作組都用鏡頭遷就咗，所以阿Moon拍得好放心。

除了邢風，Shadow因為要埋Billy身偷電話攞料，除了「拜金女」上身向對方瘋狂放電外，又約對方飲酒；正當Billy仔手多多摸大髀期間，因發現手機不翼而飛向Shadow大發雷霆，其間更以搜電話為由對Shadow上下其手；相關場口亦是拍得相當緊張，觀眾生怕Shadow隨時會穿煲之餘，亦有網民指如此親密場口看得人血脈沸騰。談到與天佑拍攝如此場口會否尷尬，阿Moon大讚台前幕後都很專業貼心，所以拍得安心又放心：「因為我同天佑唔係首次合作，所以可以好直接溝通、去傾應該點做，監製Jazz亦有清楚指明我哋可以喺咩位做到咩效果，亦都有用鏡頭去遷就番，所以所有嘢都係點到即止，唔會話有咩唔舒服或者尷尬。」

阿Moon做拜金女好似。

佢嘅八婆嘴臉都好入型入格，所以其實佢幾有喜感。

邢風就係呢一下激嬲咗鏗少。

咁樣嘅阮浩棕係咪好少見呢？

唐詩詠鼓勵大家多多關注野生大熊貓及其他瀕危物種。

香港海洋公園保育基金（保育基金）的年度慈善跑「生態保衛賽 2024」已圓滿結束，吸引超過2500名跑手及義工參與。藝人唐詩詠一直積極參與環境保育及推廣的工作，對於守護野生大熊貓，作為喜愛動物的她亦有深切體會。

「生態保衛賽 2024」已圓滿結束

「生態保衛賽 2024」已圓滿結束

唐詩詠

今年的「生態保衛賽」於香港海洋公園及海洋公園水上樂園舉行，並以「齊來守護大熊貓棲息地」為主題，讓參加者不但可體驗精彩的賽跑活動，亦可加強對野生大熊貓及其棲息地的關注。活動得到贊助商、參加者及義工的鼎力支持，籌得的善款將用作支持保育基金在本地及亞洲的野生生態保育項目。

保育基金自2005年擴展以來， 已撥款超過1億1千2百萬資助587項研究，研究物種包括鯨豚、大熊貓 以及淡水龜等物種。今年的「生態保衛賽」獲社會各界的支持及參與，並為參加者加油打氣，共同攜手守護野生大熊貓及其他珍稀物種，逆轉生態危機。

香港海洋公園保育基金主席陳晴致詞時表示：「大熊貓憨態可掬的形象深受全球喜愛，但其 野外棲息地卻因人類活動及自然因素影響持續退化及破碎化，令野生大熊貓的生存受到嚴重 威脅。趁着全城牽起大熊貓熱潮之際，今年的『生態保衞賽』特別以守護大熊貓棲息地為主 題，一方面讓參加者享受賽跑的樂趣，同時亦希望凝聚社會各界的力量，進一步推廣保育野 生大熊貓及其他珍稀物種的訊息，一起為保護自然環境出一分力。」

唐詩詠

唐詩詠一直積極參與環境保育及推廣的工作

唐詩詠一直積極參與環境保育及推廣的工作

唐詩詠說：「香港有很多愛護動物的朋友，都會和我一樣希望動物在野外得到保護、不受威脅地在野外好好生活，也是我們的心願。我鼓勵大家多多關注野生大熊貓及其他瀕危物種，同時支持不同形式的保育活動，讓美麗的自然生態能繼續維持下去。」

「生態保衛賽 2024」設有不同組別，包括5公里計時賽(男子/女子個人組)、4公里體驗 跑(個人組)、4公里體驗跑（家庭組）及1公里熊貓歡樂跑(家庭組)。其中1公里熊貓歡樂跑的路線中設有5個遊戲攤位，小朋友化身成可愛的大熊貓保育英雄，與隊員合力勇闖不同挑戰，從中了解大熊貓棲息地當前面對的危機。參賽者完成賽事後可獲得紀念獎牌及豐富禮品。除了緊張刺激的跑步賽事外，活動當天亦舉行了「第29屆海洋公園保育日」，通過一系列互 動遊戲和工作坊，如「大熊貓擴香石製作工作坊」，以及保育日限定的導賞團及主題講座， 讓參加者以輕鬆有趣的方式了解更多保育大熊貓及其棲息地的知識，一起守護野生大熊貓。

唐詩詠分享：「𠵱家全城大熊貓熱，梗係有留意佢哋嘅消息啦！大熊貓真係好可愛，我都好期待就快可以同安安、可可，同埋盈盈、樂樂一家４口見面， 特別見到家姐、細佬長大得好快，多左好多表情同動作，真係好得意。我其實好希望可以做一日奶媽湊下佢哋，應該會係好特別嘅體驗！」

對於今年香港海洋公園以生態保衛賽的主題是「守護大熊貓棲息地」，唐詩詠都很喜歡動物，跟大家分享對保育野生大熊貓的看法，「講到保育大熊貓，我諗好多愛護動物嘅朋友都同我有一樣嘅諗法，就係希望動物喺野外都可以得到保護，可以喺野外不受威脅繼續生活。所以我呢次出席生態保衞賽呢個活動，都係希望可以通過自己小小嘅力量感染大家，鼓勵更多人關注野生大熊貓同其他瀕危物種，仲要支持唔同形式嘅保育活動，令我哋嘅自然環境同生態可以一路保持落去。」