趙善恆拍《和解在後》壓力大致暴瘦 大讚Ivy So演出絕對唔似新人

4月10日出post指父親血癌病逝的樂隊ToNick主音趙善恆（恆仔），首次執導兼主演的ViuTV劇《和解在後》勁受連登仔歡迎，播出兩星期已開13個PO（截稿日前）討論劇情，每個PO都過1001，大量「蘇蝦」（蘇雅琳（Ivy）Fans名稱）實時齊講劇情又不斷上載偶像的Cute爆Cap圖，又狂讚故仔過癮拍攝手法亦有新意，為了這個第一次壓力大到暴瘦的恆仔應該飲得杯落。早前，恆仔跟譚杏藍（小花）結束10年情，不願多講的他認同前度的「一世朋友論」。

恆仔除了音樂和導演工作，對演戲同樣熱愛，希望有更多製作人找他演出。

連登仔勁Like開足13個PO討論劇情。

大量「蘇蝦」好有心機Cap晒圖Share。

恆仔4月10日出post指心目中最好的父親血癌病逝，前晚父親更以直播方式最後一次看他演出。

恆仔稱執導劇集跟電影比較是另一種困難，最大分別是週期更長，所以壓力大到難以想像，更拍到暴瘦，「我撞到阿朗（陳健朗），佢啱啱都搞咗部劇，我問佢點佢都係話瘦囉！雖然嗰時我日日食劇組飯盒，又燒味又盛，但愈拍愈瘦，真係唔知啲能量去咗邊食極都瘦，有段時間佢哋叫我睇醫生，大家睇劇應該都會留意到我有時肥啲有時凹凹哋，但係拍完正常生活就冇嘢。」

恆仔雖然身兼《和解在後》的導演和主演壓力大，但亦拍得好開心。

同小花係一世朋友

對於女主角Ivy的表現，不論是導演還是拍檔身份，恆仔都對她讚不絕口，「我覺得佢話自己第一次拍劇係講大話，佢一定係拍過好多劇，如果唔係一定係上一世拍過好多劇，因為佢好快就入咗個角色，好快就熟習片場環境。作為拍檔係好有壓力㗎！我演出經驗多過佢，但係見到佢演得咁好，咁就弊啦！哈哈！」Ivy仲叻到恆仔同岑珈其一齊爆肚都應對到，「初頭佢都唔識得反應，但試過幾次，佢唔單止接到仲識得自己都爆肚𠻹！」

恆仔認為Ivy演出絕對不似新人，對她有讚冇彈。

早前恆仔和小花宣佈結束10年情，小花更指與恆仔會做一世朋友，男方亦很認同，「關係係好難得，其他就唔講嘞！」問到將來會否再跟圈中人拍拖，恆仔就話：「再諗啦！呢啲順其自然，暫時都係工作先。」恆仔的工作計劃除了戲劇，當然也包括ToNick的音樂工作，「完成英國3場演唱會後，嚟緊會計劃再去其他地方演出，暫時未透露得住，遲啲再同大家講。」

恆仔跟小花拍拖10年，分手仍能做朋友。

ToNick早前到英國舉行3場演唱會，見到很多舊雨新知，令恆仔很感動。

《和解在後》主題曲《記得梳頭》，恆仔很榮幸邀請到黃偉文填詞。

Ivy So不但獲兩位國際足球名宿傳授控球技巧，更贈簽名球衣作為見面禮。

由 TIMEWOW﹑World Football Legends（WFL）及ACO Media聯合主辦，中國香港足球總會技術支持的「LEGENDS ASSEMBLE傳奇球星表演賽系列：皇家馬德里球星對巴塞隆拿傳奇」，將於2024年12月20日（星期五）假香港大球場舉行。屆時多位國際知名、曾經效力西班牙甲組足球聯賽球會皇家馬德里及巴塞隆拿的傳奇球星將會來港，於四萬名球迷眼前切磋球技。

女藝人李賢（左）以主辦單位身份跟球星路爾斯．加西亞（右）合照。

今日（10月17日），巴塞傳奇球星路爾斯．加西亞（Luis Garcia）及皇馬名宿摩連迪斯（Fernando Morientes）率先訪港，並前往大會主要贊助單位、致力推動香港運動特別是高爾夫球及網球長遠發展的香港高爾夫球及網球學院（HKGTA） ，參與賽事新聞發佈會。大會更特別邀請最近迷上足球的人氣女團COLLAR成員Ivy So蘇雅琳現身「朝聖」，並即席與路爾斯．加西亞及摩連迪斯交流。

摩連迪斯、蘇雅琳、路爾斯．加西亞

兩位國際足球名宿即場獻技。

兩位國際足球名宿即場獻技。

自從早前擔任了歐洲國家盃大使，Ivy體內的足球基因便被激活，既入球場睇波撐起香港足球、成為前港隊隊長陳偉豪的學生，今日更把握機會近距離接觸國際足球名宿，Ivy也大表興奮：「我細細個已經聽過路爾斯．加西亞及摩連迪斯嘅名字，知道佢哋球技出眾，希望今日可以趁機會向兩位巴塞同皇馬嘅猛將偷師！」

Ivy早前曾擔任歐洲國家盃大使。

能夠距離接觸國際足球名宿，Ivy都大表興奮！

「足球初哥」Ivy果然不負所望，於台上與兩位球星大玩「的波」，獲讚她的基本功扎實。路爾斯．加西亞及摩連迪斯不但向Ivy傳授控球技巧，更贈送了簽名球衣作為見面禮。對於能獲得名師指導，Ivy笑言獲益良多，並表示屆時必定會入場觀賞表演賽以示支持，欣賞眾多經典球星的風采。

Ivy不但獲兩位國際足球名宿傳授控球技巧，更贈送了簽名球衣作為見面禮。