撰文：萬事達 aka 小MJ紮記
（粗口，慎入)
上次係點睇大氣候指出，今年丙申年寅巳申三刑變得好好炒，呢個已經係一個事實，同時年中開始吸納殘股，暫時睇黎都無錯，咁黎緊個市應該點行呢？一陣再講。
有一日，某朋友知道小弟對術數有小小認知，搵我起左枝流年卦，順便睇一睇流年。一睇，咦，今年財色兼收，幾好。因為每個堪輿家都應該要依書直說，唯有依卦、依命鐵口直斷。
「今年幾好咁wor，但紮左職後多女性小人囉，不過班女都幾索咁，你想嘅可以搵返個happy下啦。仲有午火呢個月，即西曆6月開始你有人事變動，對你黎計都大變動黎嘅，好好決定啦。秋天時就有硬女朋友架啦，但記住搞野要帶套，唔係好易搞出人命…」
講到呢度，佢打一打斷我。
「咁有女人會唔會炒野冇咁勁？」
我默然左一陣，再用佢會局同今年丙申個運夾多次，一路講，「哦，都係跟返會合刑沖啦，而且炒野好講技術嘅，你就算個運幾勁，條命幾好，鳩炒咪一樣仆街。」
其實命主條命真係適合炒野，一黎食傷生財，二來跌入奴僕宮。可惜嘅係上半年合更好，過左立秋後就會一落千丈。唯有咁講。
「上半年個市其實好炒嘅，你只要跟住我講嘅月份黎做，咁就會獲利架。」
「唯下半年呢？」
「我功力低微，望唔透。」
「屌，咪撚玩啦~」
「老實，上半年搵到嘅錢，跟返個時間價位你一定贏唔少，咁貪只會得個貧。」
「咁你話比我知上半年點炒。」
咁上半年點行，都係之前個d，驛馬嘅月份特別麻煩，亦特別好炒。係氣節位度特別容易轉勢。原因係「進氣」同會合刑沖嘅問題。
所以係下半年，亦即係丙申月起，個氣亦會有所改變，要記住丙申月同本年伏吟，呢樣狀態會令大家都出奇不意，係好事黎，股市其實最重要嘅一環就係等時機黎到。
始終我都認為下半年感覺較易炒，上升嘅力度係大，因此我下半年嘅展望依然係彈，特別係冬月。但切記持盈保泰慢慢黎，始終每個人嘅運都有局限，贏唔到食唔盡都十分正常。
本人言論並不構成任何投資建議，一切予本人及本會無關。
投資任何產品價格都可以急升或急跌，所以投資前請參考個人能力及清楚產品相關風險。
(相片來源：互聯網)
#Facebook專頁 #香港兔蘆術數學會 #Yahoo #ElleBlog #痞客邦
#微博客 #巴士的報 #玄學 #八字 #術數 #面掌相 #香港兔蘆術數學會
香港兔蘆術數學會
** 博客文章文責自負,不代表本公司立場 **
