《極度俏郎君》精彩劇情率先爆 「姑爺仔」193慘被港產AV女優狠飛

ViuTV劇《極度俏郎君》撮合姜皓文（黑哥）和ERROR首度合作，監製及編審陳翹英、監製梁崇勳和導演李浩基坦認劇集為黑哥度身訂造，而黑哥和ERROR以兩代不同搞笑方法撞出不少火花，ERROR更成功令黑哥笑到狂NG。三位製作人更率先爆，劇集神預言有首位港產AV女優誕生。

陳翹英表示最初想到做壞人易過做好人的主題，第一個想到最適合的演員就是姜皓文，「佢同我講過離開亞視後，有10幾年冇小朋友夠膽同佢影相，佢個形象真係會令人怕咗佢，但佢真人其實好溫文儒雅好好人，我就利用佢嘅外形，去做比較生活化嘅喜劇，算係為佢度身訂造。」

​ 監製及編審陳翹英（中）、監製梁崇勳（左）和導演李浩基大讚黑哥和ERROR合作，擦出不少火花。

黑哥和ERROR初次合作好愉快。

對住ERROR正經唔到

講到劇集有大量新生代演員參與，三人都覺得好有驚喜，特別是最多戲份的ERROR，又認為他們跟姜皓文擦出不少火花。李浩基說：「佢哋唔係淨係聽前輩或導演講點做，好有自己諗法，而且係別樹一格。」有場戲講黑哥同ERROR對住個壞了而不停搖的洗衣機，劇本冇寫但四子突然跟住一齊搖，搞到經驗豐富的黑哥忍不住狂笑，NG了10次，「佢哋唔係埋位先嚟爆肚，佢哋會坐埋一邊度，跟住再同導演、對手講一次，所以佢地係好OK。」鏡頭外ERROR亦會令氣氛變得更加輕鬆，「ERROR未入組時，黑哥同宣萱都係認真嚴肅咁去做，但ERROR一埋位，鏡頭前後氣氛都唔同晒，對住佢哋大家都正經唔到。」

黑哥劇中都有不少搞笑場面，風格跟ERROR截然不同。

ERROR演古惑仔，單是騎呢收陀地這場戲已笑爆嘴。

黑哥和宣萱跟ERROR一齊，自然會變得唔多正經。

三位製作人更預告劇中最爆劇情，要算飾演姑爺仔的193慘被女飛，「講佢好鍾意嘉盈，佢成日話『我儲夠錢你就唔好做嘞』，但嘉盈好有理想『你唔啱我，我嘅理想係去日本做AV女優』，後尾仲畀嘉盈成功做到！啲人可能話我哋抄，但係套劇係舊年拍，當時真係未有港產AV女優㗎！」

劇中193演的姑爺仔勁冧嘉盈，兩人仲有親密戲份。

嘉盈Sell性感，扮港產AV女優完全入型入格。

黑哥和ERROR初次合作好愉快。

吳保錡Poki最近獲網路hater的留言啟發，創作出全新派台作品《跑吧，小丑》，他更邀請了多位圈中好友，一同參與以黑白默片方式呈現的MV作品。

Poki推出全新派台作品《跑吧，小丑》。

Poki曾經在網路上看到一位hater的留言，從而得出靈感，與作曲的JNYBeatz、Alex Law，以及作詞的薑檸樂創作了新歌《跑吧，小丑》。Poki道：「有個haters曾經留言話我係跑步小丑，呢個創意好高，所以就啟發我要做呢首歌。」

觀看相關影片按連結：https://youtu.be/cW8SuAMU1is

Poki指新歌是由一位hater的留言得出靈感。

《跑吧，小丑》特別剖白了小丑的荒誕演藝路：舞台聚光燈下有很多種表演者，其中最微妙的是小丑︰只有小丑可以因為錯誤而得到掌聲，也只有小丑有譁眾取寵的通行證。也有本來不是小丑的，悲劇地認清自己技藝不精，卻因尷尬的失誤被大眾捧為明星。從此為了眾人的喜樂，他甘心又精心地策劃著一幕幕繽紛的胡鬧劇，真出錯或假出錯，連熊熊火圈也都甘願衝過。這是最小丑的小丑故事。

《跑吧，小丑》剖白了小丑的荒誕演藝路。

小丑可以因為錯誤而得到掌聲。

既然是一個小丑的故事，所以今次《跑吧，小丑》的MV，也以小丑三人組的故事展開，而Poki更夥拍陳安立Brian、黃凱逸Zelos、蘇皓兒Chloe及鄧子超一同演出。Poki十分感激眾人的參與，「大家喺娛樂圈擔當唔同崗位，但其實都同《跑吧，小丑》呢首歌裡面嘅小丑角色一樣，想喺觀眾面前表現得更好。Brian、Zelos同Chloe都係拍過ERROR團隊嘅節目，好似Brian拍過《ERROR自肥企画》，Chloe拍過《ERROR自作業》，Zelos亦拍過導演阿輝嘅一個節目，所以都係同ERROR息息相關嘅人。」而今次MV特別以黑白默片模式拍攝，Poki解釋：「想向差利卓別靈致敬，因為佢就係第一代諧星笑匠。」

Poki夥拍陳安立Brian、黃凱逸Zelos、蘇皓兒Chloe及鄧子超一同演出MV。

蘇皓兒Chloe

黃凱逸Zelos、陳安立Brian、鄧子超、Poki

Poki又表示想向差利卓別靈致敬。

在《跑吧，小丑》MV裡面，Poki、Brian、Zelos與鄧子超更齊齊赤裸上身拍攝，令人印象深刻，這原來是精心設計的一幕，Poki解說這個鋪排背後的意義，「咁多位男角赤裸上身，係因為大家現實中其實都係赤裸羔羊，不論係做一個藝術家還是小丑，都已經將自己一切俾晒大家睇，就連人生、生活都毫無保留，我哋想透過呢一幕反問觀眾，大家仲想要啲咩？」

Poki在MV中赤裸上身拍攝。

陳安立、Poki、蘇皓兒、黃凱逸

另外，拍攝MV當日，湊巧MIRROR亦在隔離廠拍攝MV，Poki回憶道：「我化咗小丑妝嘅時候，花姐咁啱經過，經住佢話：『嘩！靚仔咗咁多嘅？』跟住我就明，我化呢個小丑妝係靚仔啲，佢講咗呢個事實，係幾開心。」

Pok透露i小丑妝獲花姐讚靚仔！