肥媽爆老公求婚對象唔係自己？ A0游嘉欣「第一次」唔短得嚇親鼎爺

飲食節目《肥媽李鼎》逢周一至三晚10時30分翡翠台播映，節目由Maria Cordero（肥媽）、李家鼎（鼎爺）及游嘉欣（游游）擔任主持。5月15日播出第10集，題目是「愛情來的時候」，肥媽與鼎爺齊齊分享戀愛史。

A0游游睇嚟好想出Pool喎。

肥媽與亡夫Rick十分恩愛。之前曾經歷過一次婚姻失敗的肥媽曾揚言「死都唔再結婚」，惟最終被Rick真誠打動。肥媽笑言：「我哋一齊夾Band，大家會嚟我屋企食飯。食完飯之後大家開始走，我老公係留到兩、三點。最過癮係我阿媽坐喺度釣魚，我叫阿媽返上去瞓，點知阿媽話：『佢又唔返去瞓？』後來有一日我老公頂唔順就同我阿媽講：『Auntie，我同佢結婚啦好冇』，佢唔係同我求婚喎，阿媽知道我哋係認真，之後就返咗上去瞓。」肥媽再爆與徐小鳳之間的趣事：「有一次去睇小鳳姐演唱會，小鳳姐問我經歷過第一次婚姻唔驚咩，點解會嫁第二次。我就問小鳳姐點睇愛情，佢話愛情係一本小說，睇完之後收埋放喺心中。」豈料肥媽之後的神回覆，竟令小鳳姐「笑到踎咗喺度」？！

肥媽同亡夫Rick好恩愛。

肥媽同小鳳姐分享過愛情觀。

閒談期間，鼎爺問肥媽拍拖多久才可以拖手仔。肥媽坦言：「好耐架，唔可以話一拍拖就拖手。」鼎爺則坦言需要一年，並指想錫錫都要問過先，例如：「呢度冇乜人，錫吓你得唔得呀？」相當搞笑。講嘢一舊舊的游游再發表驚人言論，她說：「我覺得第一次時間一定唔可以短。」阿爺聽到眼都凸埋：「咩時間短先？」肥媽見狀即笑著解圍：「死喇，游游答問題都可以有問題，你答拍拖時間唔可以短吖嘛！」身為「A0女神」的游游，經過今集後歸納出「出Pool秘笈」。她說：「今集學識兩樣嘢，女人要識發姣，唔發姣就冇男朋友; 第二就係要多嘗試，失敗都唔好驚，最緊要試到一個啱。」

游游驚人發言嚇窒鼎爺。

笑到面都紅埋。

鬼馬牛肉

雙冬扣鵝掌

爆汁全熟牛扒

豉蒜涼瓜燜桂花

左起：鼎爺、肥媽、游游

16日播出的第11集，主題是「化腐朽為神奇」，肥媽指做人最緊要識執生，她分享自身經歷：「有次登台背住觀眾唱歌，點知人哋啱啱玩完啤酒比賽，成地都係玻璃樽。一個轉身就（踩到玻璃樽）撻咗喺度，我即刻擺Pose喺度唱，佢哋以為我真係咁安排。」原來鼎爺亦有登台經驗，更即場大開金口唱出《禪院鐘聲》。談到「化腐朽為神奇」，游游指現在有不少加工俊男美女，隨即追問肥媽心目中娛樂圈三甲靚女誰屬。肥媽回應：「林鳳、樂蒂同埋林翠，佢哋天生好鬼靚。」肥媽之後憶起林鳳輕生事件。

今集就講化腐朽為神奇，繼續好歡樂。

游游同肥媽做咩打鼎爺呢？

鼎爺開金口唱歌。

肥媽憶述林鳳姐疑因整容失敗輕生事件。

健康版韓式部隊鍋

酸菜蘿蔔牙帶魚

韭菜花炒雞冠

脆皮花膠伴燉蛋

鼎爺自感未盡孝道！

譚玉瑛（阿譚）與何基佑主持的新城節目《QK玉瑛室》，前日（3月26日）邀請了阿譚昔日好拍檔李家鼎（鼎爺）接受直播訪問。

李家鼎接受新城《QK玉瑛室》主持人譚玉瑛、何基佑訪問。

因電視節目《阿爺廚房》鼎爺與阿譚拍檔5年成為好拍檔兼好朋友，兩人在節目中大談拍攝飲食節目點滴。在《阿爺廚房》中煮過逾百道菜式的鼎爺，由切菜到煮菜都不假手於人，對購買材料更是相當有要求，他直言有次就因為買餸被一位女性工作人員差點激暈。在節目開拍前3天，鼎爺準備開拍當日要蒸泥鯭，便與一位女同事一起到街巿教她揀泥鯭，讓她拍攝當天到街市購買時知道點揀：「我話手掌咁大條就蒸，半隻手掌的就用來煲湯！」

到了拍攝當日，攝影師問他條魚點蒸？他一看，「條泥鯭手指公咁大，我真係㷫到出唔到聲！」其他工作人員立即慌了，各人分別將九龍區所有街巿的大泥鯭全買回來，幸而最終都能順利拍攝。

鼎爺自爆拍攝《阿爺廚房》時，因為買餸被一位女性工作人員差點激暈。

跟嚴父學廚如考牌 錯一步驟即放低筷子
主持何基佑直言鼎爺一向給人霸氣、惡形惡相感覺，鼎爺爽快直認：「我教學生時好惡，其實係想佢哋學到嘢啫！」而他的嚴厲及嚴肅原來繼承自「嚴父」。鼎爺童年時已開始跟爸爸學廚，而第一道自己一手一腳煮出的菜式就是木薯麵醬煮肥豬肉，他憶述當年爸爸問道：「點解要你煮呢？想睇你食唔食得出味道係點？」

鼎爺記憶中的爸爸對煮食相當講究和執着，就連落調味料的先次序都不可以錯，「要落糖先，可以扯走啲唔好嘅味。如果落鹽先，會鎖死咗啲味，啲糖入得唔好，食物就只有5成！」只要他做錯任何一個步驟，爸爸就會一言不發走開，着他下次再煮。爸爸從不會落手落腳教導，鼎爺只能在旁偷師，當煮得不好時，爸爸就連一口也不會吃，隨即放低筷子：「你兩兄弟食埋佢啦，又係眼淚餸飯！」更不會提點半句：「叫佢自己諗啦，話畀佢聽只會水過鴨背，等佢諗通了，佢自己呢世都識！」

左起：譚玉瑛、李家鼎、何基佑

鼎爺在節目中自感未盡孝道眼濕濕
講爸爸的事迹時，鼎爺滔滔不絕，但每當提到媽媽，他頓時眼濕濕說：「媽咪真係好錫我！」反而作為兒子的他感到對媽媽有所虧欠，未有做到盡孝本份，連好拍檔阿譚亦說，只要鼎爺一提到媽媽便流淚，為免他再一次淚崩，主持亦只能轉移講題。

鼎爺工作時認真嚴厲，但也有風趣一面，阿譚被鼎爺大爆好鍾意購買「去到邊買到邊」，有次攝制隊到一間香料舖買材料，鼎爺豪言：「今日譚玉瑛唔買嘢，我拎2,000蚊出來萬歲！」最後不出所料，臨收隊前，阿譚折返買了數十元香料，讓大家啼笑皆非。

鼎爺在節目中自感未盡孝道，一度眼濕濕。

詳細精彩內容，請重溫3月26日，新城知訊台《QK玉瑛室》節目 ，重溫網址：https://www.metroradio.com.hk/MetroInfo/