周六晚上十時，曼城(Manchester City)將在足總盃決賽中迎戰死敵曼聯(Manchester United)，唔少球迷都在搵地方睇波。曼城今屆力爭成為英超史上第二隊三冠王，加上有超級射手艾寧夏蘭特(Erling Haaland)壓陣，仲面對香港有大量球迷兼同巿死敵的曼聯，呢場足總盃決賽實在令廣大球迷熱切期待，加上歐洲主流聯賽都近乎完結，今場大戰絶對成為今周的焦點所在。
曼城有超級射手艾寧夏蘭特(Erling Haaland)壓陣。AP圖片
今季的英格蘭足總盃轉播權由TVB奪得，並全程安排在收費電視MyTV Super Gold轉播，令到唔少未有安裝相關收費電視的球迷非常糾結，期望有奇蹟發生，例如突然安排在免費頻道直播，往年唔少大賽都有機會作如此安排。然而，按TVB(電視廣播有限公司)的最新節目表，這場矚目大戰並無安排在免費頻道直播。
曼城有超級射手艾寧夏蘭特(Erling Haaland)壓陣。AP圖片
兩個辦法睇直播
至目前為止，本報發現今場決賽，只會在MyTV Super Gold的902台直播，各位球迷如想坐在電視機前睇直播，除咗搵有安裝MyTV Super Gold的親朋好友幫手(打搞)，亦可以自行訂購相關頻度，安坐家中睇波，據資料顯示，訂購相關頻度最少只要訂購一年。