颱風「妮妲」來勢洶洶，天文台預計今晚會改掛八號風球。不少打工仔「心掛掛」，擔心晚上掛八號風球，到翌日早上已經落波，無假放要如常上班。唔少人都講笑咁話，今次要睇吓「李氏力場」係咪真係咁威猛。
政府新聞網都講李氏力場
不過唔少網民發現，政府新聞網facebook專頁，都有提「李氏力場」。佢哋喺中午出個po，除了講三號強風信號生效，臨尾仲提醒大家「大家記住做足防風措施，留意天文台風暴消息。李氏力場今次會唔會發揮作用呢？」，仲hashtag「＃李氏力場」，呢個帖引起不少網民分享，有網民問「終於承認官商勾結?!」，又有人話「鬼拍後尾枕」，不少人質疑政府官方專頁不應開玩笑。不過亦有網民表示支持「admin都係想搞下gag, take it easy」。