唔介意海報被指抄羅志祥 姜濤讚「AI尹光」超越原唱考慮邀尹光做個唱嘉賓

好想聽尹光現場唱《Dear my friend》！

姜濤6月11日以HPV教育大使身分，與譚旻萱（Mandy）及岑珈其出席預防HPV微電影「與HPV的距離」首播會，姜濤與Mandy在會上分享拍攝趣事，姜濤指拍攝時撞正學生旅行，笑指學生很有潛質追星，而他又指拍攝前或過程提到HPV時會較尷尬，Mandy更大爆導演因此而改劇情。當大會抽粉絲上台玩遊戲時，被抽中的姜糖（粉絲暱稱）即興奮尖叫，令姜濤嚇窒，影合照時，更叫身旁的男粉絲走開，活動完結後，一眾粉絲即衝前向姜濤送禮物。

姜濤以HPV教育大使身分，與譚旻萱（Mandy）及岑珈其出席預防HPV微電影「與HPV的距離」首播會

譚旻萱、姜濤、岑珈其

大會抽粉絲上台玩遊戲。

姜濤受訪表示剛才被粉絲的高音嚇一嚇，因太熱情有點尷尬，要向粉絲的老公說不好意思，而且叮囑他們要小心，不要迫親。對於「AI尹光」翻唱他的《Dear my friend》引起網民熱烈討論，他說幾得意有不同感覺，更認同尹光超越原唱，大讚前輩唱歌好聽，強調不會搶飯碗，他不會被打擊自信心，希望以後出歌能保持好水準。

姜濤、譚旻萱

姜濤、譚旻萱

姜濤、譚旻萱

姜濤與Mandy在會上分享拍攝趣事

姜濤、譚旻萱

姜濤將於8月舉行演唱會，他透露已完成演唱會的編排，問他會否邀請尹光做嘉賓？他說可以考慮，任何嘉賓及前輩來都開心，不過嘉賓人選有待商量。他的演唱會掀起「搶飛熱」，他指公司會有安排，身邊亦有好多朋友找他撲飛，不會因此而不接電話，暫時他未知自己有幾多門票。說到他的演唱會海報被指向偶像羅志祥（小豬）致敬，他說有看過小豬的宣傳海報，其實有好多類似概念是關於水，他亦不會介意被大家講。

8月舉行演唱會的姜濤，已完成演唱會的編排

對於「AI尹光」翻唱他的《Dear my friend》，他說幾得意有不同感覺

姜濤認同尹光超越原唱，大讚前輩唱歌好聽

問他會否邀請尹光做嘉賓？他說可以考慮

另外，NBA球星達米安利拿特（Damian Lillard）旋風式襲港，姜濤、呂爵安（Edan）及邱士縉變成追星族，姜濤表示見到偶像好開心，覺得偶像來香港好難得，合照時一直望實對方，笑言自己變成追星感覺得意。Edan獲偶像關注，他稱沒有妒忌，因私下沒有溝通，而且Edan的英文比他叻，自己也要進步。

姜濤

姜濤

姜濤

姜糖們

同場譚旻萱表示與姜濤再合作覺得好玩，他們很多時為打波不吃飯。說到她的角色好主動，現實遇到心儀男仔會否如此大膽？她直言鍾意會大聲講的人，又大讚姜濤好迷人。她透露將會有新作品推出，問她想不想與姜濤在唱歌方面合作？她稱當然想，近期亦有跟老師學唱歌，覺得與演戲是兩回事，她承認自己的聲線偏沉，但不擔心被指「鵝公喉」，因唱歌把聲不一樣。

譚旻萱、姜濤

譚旻萱說現實遇到心儀男仔會大聲講出嚟

她又大讚姜濤好迷人。

近期她有跟老師學唱歌

四子特別遠赴泰國取景拍攝MV，更找來泰版《流星花園》Prim Chanikarn任女主角！

MIRROR將以3個小組推出歌曲，每個月為粉絲們帶來不一樣的團隊作品，率先推出的就有盧瀚霆Anson Lo、呂爵安Edan、李駿傑Jeremy及姜濤合唱的高糖份甜蜜情歌《Strawberry Love》，四子更特別遠赴泰國取景拍攝MV，為歌曲展現完全不一樣的可愛風格。

盧瀚霆（Anson Lo）、呂爵安（Edan）、李駿傑（Jeremy）及姜濤合唱的高糖份甜蜜情歌《Strawberry Love》。

《Strawberry Love》由Serrini填詞，是一首甜蜜情歌，全首歌都濃罩著甜蜜氛圍，是MIRROR或每位成員鮮有會演繹的歌曲作品，Edan都表示：「今次推出比較可愛啲嘅作品，以往自己或MIRROR作品都係比較chok同型少少，未試過呢種咁可愛小男生感覺，應該對大家嚟講都有種新鮮感。」姜濤亦道：「呢首歌比較甜絲絲，好青春好fresh感覺，有別於過去MIRROR嘅歌曲。」首度跟Serrini合作，Anson Lo也沒想過歌詞會令他不曉得如何演唱才好，說：「第一次同Serrini合作，收到份詞有一種好直接嘅歌詞，有一句：I wanna taste your love，唱嘅時候都有啲怕醜。」平時唱開暗黑風格的Jeremy，在錄音時也要調適自己的心態，才能投入去唱，他笑言：「我要迫自己唱得再開心少少，因為自己solo歌唱慣咗dark啲嘅嘢，我第一次錄時，唱到真係好似哭喪，好似唔係幾好，所以轉一轉個tone，要自己笑住唱，催眠自己要好開心咁去唱呢首歌，希望俾到大家甜嘅感覺。」

四子特別遠赴泰國取景拍攝MV。

在公布這次組合之時，四人曾被命名為妹豬組。

今次以四人小組出歌，除了可以讓大家有機會聽到、看到Anson Lo、Jeremy、Edan及姜濤的可愛一面外，其實更大原因是想藉著小組，讓各人可以展現自己的長處，姜濤道：「推出小組，人數少咗，變成發揮自己嘅長處嘅空間會更多，大家可以更加睇到我哋每個人身上嘅閃光點。」這次《Strawberry Love》，都令大家回想起過去的合作，Jeremy回憶道：「我哋4個對上一次合作已經係好多年前，嗰陣時有幻想過，如果我哋4個一齊出歌會係點呢？隔咗咁多年，終於推出《Strawberry Love》。」Edan亦十分認同，他說：「我哋喜好都幾相近，大家都受K-pop嘅影響，好耐之前已經想做一啲跳唱項目，今次終於名正言順可以official做一次，對我哋嚟講都係好大嘅意義，係好難得嘅一次合作。」Anson Lo更說：「呢次合作，令我哋有返排《全民造星》啲item時候嘅感覺。」

在公布這次組合之時，四人曾被命名為妹豬組，Edan搞笑道：「我有個妹，Jeremy係巨豬，所以係妹豬組。」Jeremy側認真地回想起這個組合的由來，他說：「呢個名係因為開live時有fans問呢個組合會做啲咩？會唔會跳妹豬舞，跟住發現我哋真係有cute少少嘅動作，所以嗰陣有同大家講話我哋會有妹豬舞。呢個組名好直接話俾大家聽，我哋啲舞步都幾妹豬，MIRROR都好少做有啲肉麻嘅嘢，但都Ok嘅。其實好多年前嘅合作，我哋有諗過用我哋英文名第一個字，起咗個小組名字叫JAKE。」

泰國版《流星花園》中飾演杉菜的Prim Chanikarn擔任女主角。

MV方面，今次特別遠赴泰國拍攝，並邀請了於泰國版《流星花園》中飾演杉菜的Prim Chanikarn擔任女主角。四子都大讚Prim外貌精緻，出發拍攝前都有留意對方的social media，知道對方在泰國人氣極高！Edan說：「佢真係好犀利，有好多粉絲，所以都驚訝可以同佢合作到，所以好開心，但我哋四個都幾怕醜，全日拍攝都唔係好夠膽同佢講嘢，去到臨收工我先鼓起勇氣同佢講咗兩句說話。」Anson Lo亦大讚Prim道：「今次好榮幸可以同佢合作，佢喺現場真係好專業，一埋位就好快做到導演要求嘅表情同走位。」

姜濤表示要在極高溫天氣下拍攝，實在高難度！

說起泰國拍攝MV點滴，姜濤表示要在極高溫天氣下拍攝，實在高難度，他說：「泰國好熱，咁嘅天氣要保持高糖份係有難度，因為喺好炎熱嘅天氣下，想笑都難，但喺鏡頭前面好專業地笑。」談到搞笑事情，姜濤笑說：「我哋喺沙灘拍攝嘅時候，我件恤衫有好多人以為個圖案係design，其實係我啲汗，啲汗染到件衫由淺藍色變咗深藍色，大家睇MV時可以留意下我啲汗。」Edan亦難忘放煙花玩仙女棒的過程，另外還有扮揸車的部份，但因為仍是P牌，這次未能過足手癮。

「姜神登駿」打頭陣！

這次《Strawberry Love》的派糖福利，相信令粉絲會都接受到那份甜到漏的感覺，被問到今次是期間限定，還是陸續有來，Anson Lo透露：「我哋呢個組合嚟緊都會陸續有唔同嘅表演，大家要留意下喇。」那麼之後還是專責派糖嗎？姜濤笑言：「驚大家糖尿病，甜嘅嘢，得閒食下好喇！希望我哋嘅出現，可以令大家苦悶嘅生活有一點甜啦！」