「教主」盧瀚霆(Anson Lo)最近日以繼夜為港版《社內相親》趕劇,劇中飾演CEO的他,26日凌晨2時才收工,休息數小時後,AL早上10時又出發,他在社交網貼出自拍照並預告「明天(今天)拍攝整套劇集的初吻」,更開心表示開劇前去剪頭髮,準備迎接12小時的工作。
Anson Lo最近日以繼夜為港版《社內相親》趕劇。
AL在社交網預告「明天拍攝整套劇集的初吻~」。
開工前有時間理髮。
開工前整返個靚髮。
今日要拍足12小時。
大概下午4時,AL以一身恤衫西褲配黑色長褸的型仔look現身外景場地,場口講述和女主角陳漢娜拖住手仔Sweet爆散步拍拖,當行到一間餐廳門口外,AL卻突然停下腳步,並與陳漢娜情深對望,未幾AL溫柔地輕輕摸了對方的頭,情到濃時,正當準備向陳漢娜送吻之際卻被截停了,而在旁觀戰近百名神徒(粉絲暱稱)亦睇到非常肉緊,齊齊叫「唔好呀」,場面搞笑。
點擊看圖輯
Anson Lo最近日以繼夜為港版《社內相親》趕劇。
盧瀚霆拍新劇外景近百人觀戰 欲吻陳漢娜「神徒」肉緊大嗌唔好
盧瀚霆拍新劇外景近百人觀戰 欲吻陳漢娜「神徒」肉緊大嗌唔好
情到濃時想錫錫。
兩人情深對望。
突然又煞停。
神徒大叫唔好嘴咀。
而另一場口,有盧覓雪及歐陽偉豪(Ben Sir)的加入,估計二人是飾演陳漢娜的父母。劇情講述眾人在餐廳內 ,而AL卻慘遭盧覓雪瘋狂責罵,更一度趕他出門口,由於盧覓雪太激動,在旁的Ben Sir 則負責拉著她,其後,AL狼狽地離開,臨走前他亦不忘說: 「麻煩晒世伯、伯母」,而盧覓雪似乎對於這位「未來女婿」不太受落,即反擊謂:「伯咩母,我咩都『有』呀!」而在等埋位期間,向來「寵粉」的AL不時向神徒揮手點頭,而鬼馬的Ben Sir 更搭著AL的膊頭,轉身向餐廳外守候的神徒舉起V字手勢,令現場神徒立即起哄。
同Ben Sir一齊派心。
女友「爸爸」Ben Sir較好友善。
畀劇中女友媽媽盧覓雪趕走。
盧瀚霆拍新劇外景近百人觀戰 欲吻陳漢娜「神徒」肉緊大嗌唔好
盧瀚霆拍新劇外景近百人觀戰 欲吻陳漢娜「神徒」肉緊大嗌唔好
認真地拍攝。
盧覓雪及Ben Sir飾演陳漢娜的父母。
仲指住鬧咗一餐。
認真地拍攝。
拍攝期間有笑容,心情唔錯。
不時望住神徒。
另外,日前AL推出了全新跳唱歌曲《Nah》,他不但參與了作曲的部份,MV的造型亦玩味感十足,為配合歌曲風格,Anson Lo的御用髮型師更特意用了一個專業智能造型,為教主設計perfect match頭髮造型。另MV在YouTube上架短短兩個星期,已火速突破430萬點擊。Anson Lo在社交網預告26日晚8時將在其YouTube頻道分享《Nah》MV Behind The Scenes花絮,令一眾神徒(粉絲暱稱)非常期待。
MV的造型亦玩味感十足。
日前AL推出了全新跳唱歌曲《Nah》。
AL拍CP劇《大叔的愛》同呂爵女嘴咀過。
四子特別遠赴泰國取景拍攝MV,更找來泰版《流星花園》Prim Chanikarn任女主角!
MIRROR將以3個小組推出歌曲,每個月為粉絲們帶來不一樣的團隊作品,率先推出的就有盧瀚霆Anson Lo、呂爵安Edan、李駿傑Jeremy及姜濤合唱的高糖份甜蜜情歌《Strawberry Love》,四子更特別遠赴泰國取景拍攝MV,為歌曲展現完全不一樣的可愛風格。
盧瀚霆(Anson Lo)、呂爵安(Edan)、李駿傑(Jeremy)及姜濤合唱的高糖份甜蜜情歌《Strawberry Love》。
《Strawberry Love》由Serrini填詞,是一首甜蜜情歌,全首歌都濃罩著甜蜜氛圍,是MIRROR或每位成員鮮有會演繹的歌曲作品,Edan都表示:「今次推出比較可愛啲嘅作品,以往自己或MIRROR作品都係比較chok同型少少,未試過呢種咁可愛小男生感覺,應該對大家嚟講都有種新鮮感。」姜濤亦道:「呢首歌比較甜絲絲,好青春好fresh感覺,有別於過去MIRROR嘅歌曲。」首度跟Serrini合作,Anson Lo也沒想過歌詞會令他不曉得如何演唱才好,說:「第一次同Serrini合作,收到份詞有一種好直接嘅歌詞,有一句:I wanna taste your love,唱嘅時候都有啲怕醜。」平時唱開暗黑風格的Jeremy,在錄音時也要調適自己的心態,才能投入去唱,他笑言:「我要迫自己唱得再開心少少,因為自己solo歌唱慣咗dark啲嘅嘢,我第一次錄時,唱到真係好似哭喪,好似唔係幾好,所以轉一轉個tone,要自己笑住唱,催眠自己要好開心咁去唱呢首歌,希望俾到大家甜嘅感覺。」
四子特別遠赴泰國取景拍攝MV。
在公布這次組合之時,四人曾被命名為妹豬組。
今次以四人小組出歌,除了可以讓大家有機會聽到、看到Anson Lo、Jeremy、Edan及姜濤的可愛一面外,其實更大原因是想藉著小組,讓各人可以展現自己的長處,姜濤道:「推出小組,人數少咗,變成發揮自己嘅長處嘅空間會更多,大家可以更加睇到我哋每個人身上嘅閃光點。」這次《Strawberry Love》,都令大家回想起過去的合作,Jeremy回憶道:「我哋4個對上一次合作已經係好多年前,嗰陣時有幻想過,如果我哋4個一齊出歌會係點呢?隔咗咁多年,終於推出《Strawberry Love》。」Edan亦十分認同,他說:「我哋喜好都幾相近,大家都受K-pop嘅影響,好耐之前已經想做一啲跳唱項目,今次終於名正言順可以official做一次,對我哋嚟講都係好大嘅意義,係好難得嘅一次合作。」Anson Lo更說:「呢次合作,令我哋有返排《全民造星》啲item時候嘅感覺。」
在公布這次組合之時,四人曾被命名為妹豬組,Edan搞笑道:「我有個妹,Jeremy係巨豬,所以係妹豬組。」Jeremy側認真地回想起這個組合的由來,他說:「呢個名係因為開live時有fans問呢個組合會做啲咩?會唔會跳妹豬舞,跟住發現我哋真係有cute少少嘅動作,所以嗰陣有同大家講話我哋會有妹豬舞。呢個組名好直接話俾大家聽,我哋啲舞步都幾妹豬,MIRROR都好少做有啲肉麻嘅嘢,但都Ok嘅。其實好多年前嘅合作,我哋有諗過用我哋英文名第一個字,起咗個小組名字叫JAKE。」
泰國版《流星花園》中飾演杉菜的Prim Chanikarn擔任女主角。
MV方面,今次特別遠赴泰國拍攝,並邀請了於泰國版《流星花園》中飾演杉菜的Prim Chanikarn擔任女主角。四子都大讚Prim外貌精緻,出發拍攝前都有留意對方的social media,知道對方在泰國人氣極高!Edan說:「佢真係好犀利,有好多粉絲,所以都驚訝可以同佢合作到,所以好開心,但我哋四個都幾怕醜,全日拍攝都唔係好夠膽同佢講嘢,去到臨收工我先鼓起勇氣同佢講咗兩句說話。」Anson Lo亦大讚Prim道:「今次好榮幸可以同佢合作,佢喺現場真係好專業,一埋位就好快做到導演要求嘅表情同走位。」
姜濤表示要在極高溫天氣下拍攝,實在高難度!
說起泰國拍攝MV點滴,姜濤表示要在極高溫天氣下拍攝,實在高難度,他說:「泰國好熱,咁嘅天氣要保持高糖份係有難度,因為喺好炎熱嘅天氣下,想笑都難,但喺鏡頭前面好專業地笑。」談到搞笑事情,姜濤笑說:「我哋喺沙灘拍攝嘅時候,我件恤衫有好多人以為個圖案係design,其實係我啲汗,啲汗染到件衫由淺藍色變咗深藍色,大家睇MV時可以留意下我啲汗。」Edan亦難忘放煙花玩仙女棒的過程,另外還有扮揸車的部份,但因為仍是P牌,這次未能過足手癮。
「姜神登駿」打頭陣!
這次《Strawberry Love》的派糖福利,相信令粉絲會都接受到那份甜到漏的感覺,被問到今次是期間限定,還是陸續有來,Anson Lo透露:「我哋呢個組合嚟緊都會陸續有唔同嘅表演,大家要留意下喇。」那麼之後還是專責派糖嗎?姜濤笑言:「驚大家糖尿病,甜嘅嘢,得閒食下好喇!希望我哋嘅出現,可以令大家苦悶嘅生活有一點甜啦!」