由黃永峯監製，新鋭導演岑嘉彥首部執導電影《釀魂》繼去年度於紅隧廣告牌大肆預告上映後，電影公司是日突擊發佈電影主海報，片中全體演員盧瀚霆、姜大衛、陳紫萱、朱栢康、吳肇軒、郭翠怡、袁澧林、林耀聲，瀰漫緊張氛圍，似乎滿懷心事。而海報設計上，更盡見心思，背景的荒野秘境率先帶領觀眾，走入這個隱世之境，而八個登場的角色當中，面孔旁邊都呈現另一個若隱若現的面貌，這些細節位顯露了角色背後都有故事，每個人都隱藏着不為人知的一面，當中千絲萬縷的人物關係尚待被揭開。
《釀魂》故事由盧瀚霆、朱栢康、郭翠怡、吳肇軒四名摯友一次散心郊遊說起，到達四野無人的「赤坎村」之後怪事連連，引致眾人命運交纏。而一眾角色的往事更令他們難以釋懷，勾起沉重的回憶。
《釀魂》海報
隨著電影主海報發佈，落實電影將於暑假檔期上映。導演岑嘉彥率先透露：「《釀魂》這趟迷幻旅程是一個你我他的故事。每個人的心中都住著心魔，可能是一個等待修補的缺口，可能是一個無法彌補的遺憾。一眾角色到『赤坎村』遇上的人和事，到底是疏理心魔的好機會還是命運驅使他們走進這場難以逃脫的惡夢？希望大家密切留意電影上映，在過程中了解他們愛與迷失的瘋狂。」
《釀魂》故事講述子傑（盧瀚霆 飾）、浩天（朱栢康 飾）、神婆（郭翠怡 飾）和珈豪（吳肇軒 飾）四人前往島上一個隱世村落－赤坎村， 村上無人、只得頹垣敗瓦 ，天色由昏暗入黑，酒場開始被百鬼纏繞 ， 各人因各自心魔而遇到怪異幻象，心境逐漸轉變，意外接連發生，各種蛛絲馬跡顯示一股神秘力量真實存在，但各人被困在島嶼上，呼天不應，整個島嶼籠罩一片恐怖氣氛之中，究竟他們是否能逃出小島？
四子特別遠赴泰國取景拍攝MV，更找來泰版《流星花園》Prim Chanikarn任女主角！
MIRROR將以3個小組推出歌曲，每個月為粉絲們帶來不一樣的團隊作品，率先推出的就有盧瀚霆Anson Lo、呂爵安Edan、李駿傑Jeremy及姜濤合唱的高糖份甜蜜情歌《Strawberry Love》，四子更特別遠赴泰國取景拍攝MV，為歌曲展現完全不一樣的可愛風格。
盧瀚霆（Anson Lo）、呂爵安（Edan）、李駿傑（Jeremy）及姜濤合唱的高糖份甜蜜情歌《Strawberry Love》。
《Strawberry Love》由Serrini填詞，是一首甜蜜情歌，全首歌都濃罩著甜蜜氛圍，是MIRROR或每位成員鮮有會演繹的歌曲作品，Edan都表示：「今次推出比較可愛啲嘅作品，以往自己或MIRROR作品都係比較chok同型少少，未試過呢種咁可愛小男生感覺，應該對大家嚟講都有種新鮮感。」姜濤亦道：「呢首歌比較甜絲絲，好青春好fresh感覺，有別於過去MIRROR嘅歌曲。」首度跟Serrini合作，Anson Lo也沒想過歌詞會令他不曉得如何演唱才好，說：「第一次同Serrini合作，收到份詞有一種好直接嘅歌詞，有一句：I wanna taste your love，唱嘅時候都有啲怕醜。」平時唱開暗黑風格的Jeremy，在錄音時也要調適自己的心態，才能投入去唱，他笑言：「我要迫自己唱得再開心少少，因為自己solo歌唱慣咗dark啲嘅嘢，我第一次錄時，唱到真係好似哭喪，好似唔係幾好，所以轉一轉個tone，要自己笑住唱，催眠自己要好開心咁去唱呢首歌，希望俾到大家甜嘅感覺。」
四子特別遠赴泰國取景拍攝MV。
在公布這次組合之時，四人曾被命名為妹豬組。
今次以四人小組出歌，除了可以讓大家有機會聽到、看到Anson Lo、Jeremy、Edan及姜濤的可愛一面外，其實更大原因是想藉著小組，讓各人可以展現自己的長處，姜濤道：「推出小組，人數少咗，變成發揮自己嘅長處嘅空間會更多，大家可以更加睇到我哋每個人身上嘅閃光點。」這次《Strawberry Love》，都令大家回想起過去的合作，Jeremy回憶道：「我哋4個對上一次合作已經係好多年前，嗰陣時有幻想過，如果我哋4個一齊出歌會係點呢？隔咗咁多年，終於推出《Strawberry Love》。」Edan亦十分認同，他說：「我哋喜好都幾相近，大家都受K-pop嘅影響，好耐之前已經想做一啲跳唱項目，今次終於名正言順可以official做一次，對我哋嚟講都係好大嘅意義，係好難得嘅一次合作。」Anson Lo更說：「呢次合作，令我哋有返排《全民造星》啲item時候嘅感覺。」
在公布這次組合之時，四人曾被命名為妹豬組，Edan搞笑道：「我有個妹，Jeremy係巨豬，所以係妹豬組。」Jeremy側認真地回想起這個組合的由來，他說：「呢個名係因為開live時有fans問呢個組合會做啲咩？會唔會跳妹豬舞，跟住發現我哋真係有cute少少嘅動作，所以嗰陣有同大家講話我哋會有妹豬舞。呢個組名好直接話俾大家聽，我哋啲舞步都幾妹豬，MIRROR都好少做有啲肉麻嘅嘢，但都Ok嘅。其實好多年前嘅合作，我哋有諗過用我哋英文名第一個字，起咗個小組名字叫JAKE。」
泰國版《流星花園》中飾演杉菜的Prim Chanikarn擔任女主角。
MV方面，今次特別遠赴泰國拍攝，並邀請了於泰國版《流星花園》中飾演杉菜的Prim Chanikarn擔任女主角。四子都大讚Prim外貌精緻，出發拍攝前都有留意對方的social media，知道對方在泰國人氣極高！Edan說：「佢真係好犀利，有好多粉絲，所以都驚訝可以同佢合作到，所以好開心，但我哋四個都幾怕醜，全日拍攝都唔係好夠膽同佢講嘢，去到臨收工我先鼓起勇氣同佢講咗兩句說話。」Anson Lo亦大讚Prim道：「今次好榮幸可以同佢合作，佢喺現場真係好專業，一埋位就好快做到導演要求嘅表情同走位。」
姜濤表示要在極高溫天氣下拍攝，實在高難度！
說起泰國拍攝MV點滴，姜濤表示要在極高溫天氣下拍攝，實在高難度，他說：「泰國好熱，咁嘅天氣要保持高糖份係有難度，因為喺好炎熱嘅天氣下，想笑都難，但喺鏡頭前面好專業地笑。」談到搞笑事情，姜濤笑說：「我哋喺沙灘拍攝嘅時候，我件恤衫有好多人以為個圖案係design，其實係我啲汗，啲汗染到件衫由淺藍色變咗深藍色，大家睇MV時可以留意下我啲汗。」Edan亦難忘放煙花玩仙女棒的過程，另外還有扮揸車的部份，但因為仍是P牌，這次未能過足手癮。
「姜神登駿」打頭陣！
這次《Strawberry Love》的派糖福利，相信令粉絲會都接受到那份甜到漏的感覺，被問到今次是期間限定，還是陸續有來，Anson Lo透露：「我哋呢個組合嚟緊都會陸續有唔同嘅表演，大家要留意下喇。」那麼之後還是專責派糖嗎？姜濤笑言：「驚大家糖尿病，甜嘅嘢，得閒食下好喇！希望我哋嘅出現，可以令大家苦悶嘅生活有一點甜啦！」
