新世代女神譚旻萱首拍麥當勞廣告 初踏錄音室圓唱歌夢

世代女神譚旻萱（Mandy）於2023年上半年的成績表現理想，繼夥拍ERROR完成電影《陰目偵訊》拍攝後，Mandy又獲各品牌的厚愛，最近獲邀代言啤酒品牌Blue Girl Light，跟Edan、Jeffrey拍攝全新廣告；Mandy更為預防HPV出力，跟姜濤與小師妹林熙彤拍攝教育微電影，影視廣告多棲發展迅速。

新世代女神譚旻萱（Mandy）獲得大型連鎖餐廳麥邀請，拍攝全新廣告。

曾透露將挑戰不同領域的Mandy蓄勢待發，最近她便獲得大型連鎖餐廳麥當勞邀請，拍攝全新「深海狹鱈魚柳」精選早晨套餐廣告，大賣青春無敵本色的同時，Mandy更首次踏進錄音室，為全新廣告主唱廣告歌《Sea You Soon》，Mandy笑說：「今次拍攝麥當勞廣告要唱廣告歌，真係非常之有挑戰性，最初聽到首歌嘅demo時，會覺得自己唔會唱到咁高嘅音域，而且係用唔少真聲，加上要配合返好有活力、開心嘅energy，冇得降key，所以對我嚟講真係好大挑戰。去到錄音室嘅時候真係會覺得自己冇可能做到，一開始都唔係太順利，不過唱順咗又OK喎！好驚喜！好自豪自己可以過到呢關、係一個對自己嚟講好大嘅挑戰。令我回想返初入行時嘅寶礦力廣告，同今次一樣好有挑戰，之前就要學踩roller，今次就要學唱歌，人生第一次唱歌表演，真係好有成就感。」

Mandy更首次踏進錄音室，為全新廣告主唱廣告歌。

Mandy被安排在沙灘上高舉滑浪板奔跑。

她在沙灘上滋味的吃深海狹鱈魚柳、拿着咪高峰又唱又跳！

今次麥當勞全新精選早晨套餐廣告拍攝為期四天，包括到沙灘、影樓、天台等取景，為讓Mandy帶出青春活力兼充滿陽光的主題，她被安排在沙灘上高舉滑浪板奔跑、在沙灘上滋味的吃深海狹鱈魚柳、拿着咪高峰又唱又跳等，在炎夏中拍攝，Mandy不但沒有呻辛苦，反而大呼「好爽」，她說：「真心好爽！出一身汗，感覺就好似做完運動，夜晚食多少少都OK嘛，嘻嘻。」而談到唱歌，這可說是Mandy人生的一大挑戰，最終能順利完成，而在拍攝又唱又跳時，Mandy更使出從張敬軒前輩演唱會中學到的「韓式呼吸」，活學活用，她笑說：「我睇張敬軒前輩演唱會時佢講過而家興男團假呼吸，我而家就係熱血地唱、動漫式呼吸，好好玩，一啲都唔辛苦。」超級動漫迷Mandy更笑言經常幻想自己是超級英雄，更祈禱希望擁有最強超能力的女英雄。

Mandy於2023年上半年的成績表現理想。

譚旻萱以性感女神在鬧市拍攝。

譚旻萱（Mandy）由籃球女神搖身一變成為人工智能女神，為金融科技公司X Wallet拍攝全新廣告，Mandy更跳過界，以個人唱跳形式參與拍攝，她又換上全白色露肩裝以性感女神姿態，在鬧市拍攝，惹來不少途人圍觀，有行經的車輛司機更送上花束予Mandy，非常搞笑！

譚旻萱（Mandy）為金融科技公司X Wallet拍攝全新廣告。

Mandy換上全白色露肩裝以性感女神姿態在鬧市拍攝。

Mandy獲途經司機送花。

Mandy對這身造型感到非常驚喜，她笑說：「因為平時衣著比較隨意，所以只有工作嘅時候會着得高貴啲，可以令大家感覺到呢一陣貴氣，我都好開心！今次拍攝要扮演專業人士同Fintech達人咁，仲有唔同造型，相信會帶到驚喜畀大家！另外，今次我哋喺街頭拍攝，因為遇上大雨關係，都擔心唔能夠完成，不過好彩天公造美，去到現場停咗雨，最後順利完成。」提到被途人圍觀，更有途徑的司機送上花束，Mandy說：「好多謝呢位朋友，架車喺我身邊經過，突然送上一束花畀我，真係好好笑。」

Mandy笑說：「好多謝呢位朋友，架車喺我身邊經過，突然送上一束花畀我，真係好好笑。」

惹來不少途人圍觀！

此外，Mandy在廣告中挑戰個人跳唱，客戶為Mandy度身訂造一首廣告歌，加上一輪熱舞，唱歌、錄音、排舞，簡直是MV級的拍攝，今次的Fintech廣告更令Mandy學了很多金與科技的小知識，令Mandy又一突破：「今年真係充滿挑戰嘅一年，今次拍廣告係我第一次挑戰個人跳唱，同相熟嘅排舞老師丹儀一齊練舞、學習，好過癮！下半年會有更多新挑戰，而家好好裝備，學武術、跑山、跑步、打拳，好期待之後有更多新嘅作品見大家。」

Mandy在廣告中挑戰個人跳唱。

熱舞！