大姑丈即場獻唱《好想約你》 炎明熹甘拜下風：我以後都唔使唱歌喇！

Gigi的大姑丈率領「Gi朋戚友」隊登上《思家大戰》。

《思家大戰》第三季7月16日晚播出一集，有張振朗率領的「靈戲逼人」隊，成員包括龔嘉欣、劉穎鏇、江欣燕和阮嘉敏，對戰由Gigi炎明熹大姑丈率領的「Gi朋戚友」隊，成員有細表哥細Y、表姐兼炎明熹後援會會長JY、表哥大Y和細姑丈Arwick。

張振朗被抬住出場，氣勢十足。（左起：龔嘉欣、張振朗、劉穎鏇、江欣燕、阮嘉敏）

「Gi朋戚友」隊有Gigi嘅大姑丈（右起）、細表哥、表姐、表哥同埋細姑丈。

今集氣氛熱鬧，「靈戲逼人」隊一班女隊員抬住振朗出場，相當架勢。談及熱播劇《靈戲逼人》，振朗應李思捷要求預告劇情並驚爆：「丁一駿（其角色名）同女鬼好好感情，之後嘅劇情有機會係人同隻鬼生BB！」在旁的嘉欣聽畢忍不住吓了一聲，到底孰真孰假？

張振朗爆會喺《靈戲》搞大嘉欣個肚？

「Gi朋戚友」隊則獲Gigi親臨現場支持打氣，戴着口罩的Gigi大晒招牌火星話：「大家都加油，我無話可說！」思捷問到有冇貼士畀大姑丈，Gigi再晒搞笑功說：「唔好咁緊張，今日你做Gigi。」之後大姑丈應思捷要求即場高歌，大姑丈獻唱Gigi的《好想約你》，Gigi聽後再放笑彈：「我以後都唔使唱歌喇，好勁呀！」

Gigi大姑丈難得走上幕前。

Gigi現身支持「Gi朋戚友」。

大姑丈開金口唱《好想約你》，Gigi都讚好聽。

問答環節氣氛同樣熾熱，龔嘉欣上台搶答問題時、化身《靈戲逼人》的女鬼雲柳芳，更鬼馬地匿在思捷身後嚇他，大晒可愛萌爆面。「靈戲逼人」隊全晚表現Hyper，每答對一條問題均會又跳又叫，分貝爆錶，就連站在遠處的思捷亦坦言感到地面震動，認真誇張。而在最後的「終極開口中」，今集有人在第一Round已拎到182分超高分數，表現非常亮眼，想知邊個咁犀利？密切留意周日晚播出的《思家大戰》。

嘉欣扮鬼嚇思捷，咁可愛得唔得架？

嘉欣表現精靈。

「靈戲逼人」隊每答中一條問題都尖叫，氣氛勁好。

John哥：「希望攞啲後生嘅意見。」

由騰訊視頻和TVB聯合製作的《位元堂養陰丸呈獻：企業強人》，逢周一至周五晚八點半翡翠台播映。《企業強人》由「強人」系列金牌監製羅永賢（Marco）、聯同最佳拍檔—編審黃偉強聯手打造，主要演員有陳豪、譚俊彥、龔嘉欣、張曦雯、姜大衞、謝東閔、李芷晴、吳子冲、朱智賢、尹詩沛、李成昌、潘芳芳、余思霆、鄔嘉駿、吳兆麟、黃浩霆。

John哥原本都仲笑笑口。

但話咁快，佢秒變嚴肅。

昨晚（17日）一集，現年77歲的老戲骨姜大衞（John哥飾）單憑兩場簡單場口已搶盡風頭！第二集甫開始，商界奇葩徐道明（譚俊彥飾）向姜大衞飾演的富商邢文浩辭職，為了挽留人才，原本對著徐道明賠笑的邢文浩，瞬間黑臉並勒令大仔Vincent（謝東閔飾）向道明下跪道歉，之後再秒變和顏悅色繼續說服徐道明留職。

而又再話咁快秒變番老狐狸，薑都係老嘅辣。

對於張曦雯唔聽「指令」，姜大衞先係沉默。

另一場戲，邢文浩持著金主身份，半暗示半威脅成峰資本始創合伙人宋翹（張曦雯飾）盡快批出借貸予自己的友好公司，宋翹未肯就範，並以做生意最重要信守承諾暗寸當初表示不會干涉公司任何決定的邢文浩冇口齒；被反將一軍的邢文浩先是扮貪玩著令宋翹不要緊張，之後再故作誇張地表示之前只是試探宋翹，並擺明皮笑肉不笑地表示對宋翹百分百信任，眉宇間盡顯角色的機心、狡猾及識時務，每個微表情變化均是教科書級示範。對於John哥高水平演出，網民當然讚不絕口，直指John哥一出場便自帶「壓逼感」，並大讚John哥瞬間遊走於霸氣及笑臉虎之間的「無縫變臉」相當Impressive，並笑言已是第N次演富商、舉手投足都入型入格的John哥是富商專業戶。

然後先係嚇一嚇對方。

再扮到自己好大方、只係玩吓，實質都係笑住畀下馬威張曦雯。

另John哥是次膝下共有三名仔女及1名私生女，三名仔女分別是謝東閔飾演的二世祖Vincent，吳子冲飾演的乖二仔Michael，及李芷晴飾演女兒Emma；至於私生女，則驚爆是龔嘉欣Katy飾演的方芳。昨晚方芳為了擴充集運生意，不惜冒雨向邢文浩借取50萬，對方芳痛愛萬分的邢文浩一口答應，並希望方芳能叫他一聲爸爸，可惜方芳不但不願妥協，就連眼神也不肯望向邢文浩，令不少網民好奇二人之間的故事…昨晚Katy與John哥這場對手戲獲得不少正評，John哥充滿慈愛的眼神與在商場中的老狐狸tone大相逕庭，John哥受訪時亦笑指，自己的角色是集「大奸商」及「慈父」於一身，並笑謂與仔女對戲時，愛反過來向後生仔女取經，活到老學到老相當敬業，John哥笑言：「我同子冲對戲時，我會話呢場戲我會咁做，然後就做一次畀佢睇，我都希望攞到後生嘅意見，我咁做好冇呢？或者應該加啲咩呢？子冲都有少少提議畀番我，非常之好！」

Katy角色嘅人設其實同陳豪嘅趙愷真係好似。

呢場淋雨戲拍得嘉欣幾型。

姜大衞呢幕戲又係戲味十足。

到底Katy同John哥有咩恩怨？

逆齡瀏海原來係假髮
日前，Katy還曝光了冒雨借錢相關場口拍攝花絮，片中Katy透露為拍淋雨戲包了大量保鮮紙，並笑言感到很熱；另Katy還親解戴帽之謎，以笑指為拍淋雨戲帶定兩條後備底褲：「因為我個蔭係假嘅，所以唔戴帽嘅話（拍淋雨戲）係會穿崩。（工作人員：唔驚淋濕底褲咩？）我自備咗兩條底褲拍架！」Katy如此有準備其實相當精明，片段所見，為增加戲劇效果，嘉欣埋位前需接受工作人員「淋水儀式」，由於是兜頭被淋，Katy被淋至不時大笑及尖叫。對於Katy的Cap帽Look，網民相當受落，還有人搞笑追問如何可買到同款帽子：「看上你的帽子，臉變小了！」

淋雨戲幕後花絮截圖

淋雨戲幕後花絮截圖