黃建東自薦拍「港版芭比」 染金髮似足男主角Ken

全球Barbie迷期待的真人版《Barbie》電影於7月20日在香港上映，飾演男主角「Ken」的賴恩高斯寧（Ryan Gosling）自選角起多次被外界狠批長相老氣，網民更發起「#NotMyKen」來反對他飾演Ken。現年41歲的無綫藝人黃建東，近年五官被指愈變愈膠，因此被外界取笑似足「港版Ken」！

由瑪歌羅比（Margot Robbie）主演的真人版電影《Barbie芭比》正式在香港上映，勾起不少人的童年回憶！（《Barbie》劇照）

賴恩高斯寧（Ryan Gosling）飾演男主角「Ken」，被外界狠批長相太過老氣毀童年。（《Barbie》劇照）

香港網民指黃建東似足「港版Ken」！（IG圖）

不過黃建東相當大方，7月21日在社交平台公開自己與Ken公仔對照圖，更開玩笑指自己已經準備好開拍港版《Barbie》。黃建東留言表示：「我ready好開工喇，想問吓邊位導演會pick up港版Barbie呢個project?」非常玩得！

黃建東非常玩得，公開自己與Ken公仔對照圖。（IG圖）

黃建東自封「港版Ken」。（IG圖）

仲自薦拍港版《Barbie》！ （IG圖）

不要辜負一個熱愛表演嘅人。

2011年參選香港先生入行的黃建東 (東東)多年來在幕前演出不少，其中以電視劇《食為奴》飾演「九阿哥」一角而為人認識，不過他參演大部分劇集的戲份都不多，因此，多年來仍未成功入屋。

黃建東最近在台慶劇《黑色月光》中扮演王浩信、張頴康的好兄弟，曝光多了，有網民日前在港鐵車廂內捕獲黃建東，並拍下照片，再到社交網留言問到︰「我好似撞到明星，大家覺得似唔似佢。」黃建東回覆直認是相中人，他指﹕「「係我嚟㗎，不過今日着得勁衰去做treatment，希望唔好嚇親大家。我瘦咗30磅，所以呢個角度睇落塊面好似好瘦咁，其實個身唔瘦㗎，仲要再減。」

最近在台慶劇《黑色月光》中扮演王浩信、張頴康的好兄弟

東東親自回應

不過似乎大家都對出PO人以「明星」稱呼黃建東而有所質疑，黃建東似乎不介意，並留言認同自己是暗星，並說︰「我唔係明星，只係一個熱愛表演嘅人，just an 藝人。喑星都得，因為有時候真係暗淡無光到一個點，我自己都嚇親，唉……星途坎坷……不過我會繼續加油，而家仲做埋幕後幫不同的客戶策劃廣告和寫廣告歌，唔知大家有冇聽過嗰首 teka廚餘機歌曲？Have a good Monday everyone~」

其實東東 一向很有創意諗頭，曾一手包辦台前幕後包括創作、導演、監製、演出以及廣告歌，雖然仍未算是多人認識，但仍在不同範疇努力著。

之前一輯廣告幕前幕後一手包辦

又參加《福祿壽訓練學院》大顯搞笑本能

又在《全能司儀選拔大賽》奪獎