《靈戲逼人》拍攝遇真靈異事件 天花現怪手魯振順燒衣仲出事

劇集《靈戲逼人》進入結局篇，劇情愈加緊張。有份演出的謝雪心、江欣燕和魯振順，自爆拍攝這部懸幻劇時，真的遇過的不少靈異事件。

劇集《靈戲逼人》進入結局篇，劇情愈加緊張。雲柳芳真正死因揭盅。

雲柳芳知道自己死於一場意外，沒有怪責方雪海及閻小菲。

謝雪心憶述其中一幕，她說服一班功利家長讓孩子到「龍鳳陞」劇團學藝。那場戲是在搭建嘅酒樓場景內拍攝，拍攝期間導演突然叫停。心姐透露：「原來鏡頭右上方有隻手！但攝影師見唔到有隻手......嘩！大家睇Playback啦，片段內喺右上角天花板嘅位置，有隻手伸咗落嚟，然後縮番上去！喂，但係嗰度搭建場景，天花有頂蓋，唔可能有人喺上面......」這都未係最令人心寒。

就係呢場出現怪手，不過出街時又睇唔到。

謝雪心再大爆，有工作人員粗暴對待跟隨她多年的洋娃娃，竟將公仔腳弄斷了。事後該名工作人員的手不能郁動，令人不禁覺得不可思議。直播期間，謝雪心嘗試郁動公仔，本打算展示公仔眼睛可以開合，但未能成功，洋娃娃像有靈性和脾氣一樣，一直瞪大眼睛。

心姐個公仔好似有性咁......

劇中飾演紙紮用品店舖老闆閻小菲的魯振順，跟扮演女鬼的龔嘉欣有不少對手戲。劇中魯振順經常燒衣紙給對方，有次拍攝就發生怪事。魯振順說：「有一場戲拍攝我燒衣，化寶時啲煙向一個方向飄走，真係好似有人攞緊嘢走咁！我覺得好奇怪......雙手合十，口中唸唸有詞，『唔好意思，我哋嚟拍嘢咋』。導演即時叫我哋快啲拍完快啲離開。」

魯振順自爆拍燒衣戲同外景好多怪事。

另外拍外景時都有不少怪事，謝雪心和魯振順經常坐車去鄉郊的一所士多，但有次司機GPS無法位，後來才發現該處原來在拍攝當日發生事故。

謝雪心爆有韓國傳媒在愛琴海遇溺。

謝雪心（心姐）日前到新城廣播接受「鬼王」潘紹聰主持的《恐怖熱線》錄音訪問，踏入農曆7月14日盂蘭節鬼門關大開，坊間有不少傳統禁忌及習俗，經常遇到靈異事件的心姐，不忘在節目上忠告各位聽眾，「呢個月唔好流連喺街，唔好飲酒，個人神智不清都易撞到，亦唔好玩水，唔好行夜山。」潘紹聰則提醒大人燒街衣時勿帶同小朋友，「因為唔知佢哋陽氣夠唔夠，同埋唔好踩到衣紙、祭品。」

謝雪心接受新城《恐怖熱線》潘紹聽訪問。

入住酒店先去洗手間沖水
眾所周知心姐有不少靈異經歷，潘紹聰問會否害怕「鬼節」？心姐直言經常周圍拍戲，住酒店多過屋企，所以無得驚，但她有酒店防鬼必殺技，「喺酒店床邊擺『拖鞋陣』，入房又會敲門，床頭一定會放把較剪，近期有人教去洗手間沖水，但如非必要都唔打開衣櫃門，盡量唔掛衫入去，除非要掛戲服先開。」

盂蘭節有不少神功戲，心姐亦都經常獲邀演出，但原來戲班都有不少禁忌要遵守，其中有個女工作人員，因不聽心姐勸告把弄大戲的服飾，疑似撞邪，「我教咗佢唔好玩啲道具同服飾，佢話佢多手玩佢，玩完嗰件嘢就掰大眼望住佢，但嗰件道具係冇眼，嚇到佢面都青晒，我話以後真係要聽話。」

心姐指盂蘭節神功戲禁忌。

戲服勿亂玩！

有韓國傳媒在愛琴海遇溺
心姐近日亦趕上巴黎奧運熱潮，追看各種運動賽事，原來心姐年輕時亦是游泳健將，亦曾代表香港出賽，卻在下榻酒店遇上恐怖的靈異事件，令心姐嚇破膽。「當年我哋6個女仔代表到台灣比賽，瞓到半夜有個隊友推醒我話有鬼，佢好驚，要同我孖舖；第二朝我哋好早練完水，練完返酒店補眠，我瞓瞓吓有把聲叫我個名，把聲好空洞，我望住一個着黑色長衫好瘦嘅男人，喺好高飄落嚟，我全身郁唔到，叫又叫唔到，掙扎咗好耐終於郁得番，後尾問番半夜叫醒我個隊友，原來佢個經歷同我一模一樣，喺唔同時間見到同一個靈體。」

到2004年雅典奧運，心姐飛到當地採訪奧運閉幕，並入住傳媒村，她笑言：「都係冇冷氣。」惟剛抵步即發生詭異事件，「第一晚去到，好記得係8月，我11月要喺任姐（任劍輝）忌辰演唱，所以夜晚對住愛琴海練聲，突然感應到好多隻眼望住我，一望過去有好多隻狗望住我，我一個人又好驚，我話我嚟採訪，唔好咬我。第二日做嘢，先知我哋嚟之前，有個韓國傳媒喺個海浸死咗。」潘紹聰即謂，「咁可能啲狗唔係望住你，係望住你後面，你啲歌聲吸引咗佢上嚟！」令人毛骨悚然。

謝雪心曾到雅典採訪奧運。

半夜望著愛琴海練聲遇恐怖經歷。

更多精彩內容，請留意8月10日，晚上11時至凌晨1時正，新城知訊台《恐怖熱線》節目 ，收聽網址：https://www.metroradio.com.hk/MetroInfo/