赴韓出席Samsung發佈會與BTS同場 張敬軒成首位受邀香港藝人

軒仔好欣賞BTS嘅SUGA，覺得佢係超勁嘅rapper，好有talent嘅人！

張敬軒7月26日受邀到韓國出席「Samsung Galaxy Unpacked發佈會」，成為首位參加發佈會的香港藝人，同場還有韓國男子天團BTS成員Suga、人氣女團IVE成員張員瑛及美國新一代性感女神Sydney Sweeney。

張敬軒是首位獲邀到韓國參加Samsung發佈會的香港藝人。

出席完發佈會後，軒仔回到酒店馬上開IG Live，除了立即開箱、分享發佈會上的新產品及所見所聞、更與fans玩遊戲送禮物。軒仔表示作為首位被邀請「Samsung Galaxy Unpacked發佈會」的香港藝人，自己每年都十分期待Samsung推出的創新科技及革新大家對智能裝置的認知和使用習慣，「今晚嘅發佈會好正，人生第一次睇數碼產品首發，係全世界矚目，親身感受Samsung一系列新產品，好正。現場見到有真韓星啦、外國artist同埋BTS嘅SUGA，我覺得佢係超勁嘅rapper，好有talent嘅人，今晚見到真人。」

軒仔指今次是人生第一次睇數碼產品首發。

自己亦好期待Samsung每年推出的產品。

軒仔坦言這是他人生第一次來到韓國首爾，他謂走到街上，很多俊男美女，無論男女都很會打扮，「我覺得學到好多嘢呢幾日喺呢度。」有fans「叮囑」他落機後一定要拍攝「人生四格」相片，「我哋成班同事一齊影相，我好似係第一次同佢哋影呢啲，不過我都趁機影咗一啲好嘔心嘅單人相，哈哈。仲有香蕉奶，佢哋介紹我飲，其實都幾好飲。為咗多謝今晚入嚟睇live嘅朋友，我會送出喺首爾影嘅呢啲好自戀、嘔心到飛起，我自己單人嘅相送俾大家，會簽埋名。」

今次亦是軒仔第一次去韓國。

影了「人生四格」相。

影咗好多。

仲有大合照版。

隨後軒仔便呼籲fans phone in玩遊戲，當晚phone in幾乎清一色女fans來電，不過當中有一位年僅十三歲來自澳門的男fans，他表示軒仔一開live便立即按進來收看，軒仔問他最喜歡聽他哪首歌，少男謂《櫻花樹下》及翻唱的《黃色大門》，問到少男想要他的簽名相、奇異果還是薯片，少男笑說如果要了他的相，同學會問：「點解你會鍾意四十幾歲嘅男歌手。」軒仔聽罷笑謂：「我真係好後悔嗌咗你入嚟。」

幸運歌迷。

13歲少男激親軒仔。

最後，少男表示當然要簽名相，收線前更識做地為電話品牌賣廣告，軒仔大讚他叻仔，十分識做。收線後，軒仔計算，「佢十三歲，即係2010年出世，喂！10後呀！好！10後都睇我嘅IG Live，我今晚又成就解鎖。俾佢激到我有少少爆血管嘅感覺，飲啖水先。豈有此理，我哋呢啲四十幾歲！好嬲呀。」十分搞笑。

張敬軒將首度獻唱《幾分鐘的約會》。

為慶祝港鐵與香港連繫相伴四十五載，港鐵公司將於9月25日（星期三）至29日（星期日）一連五天，在中環海濱活動空間舉辦首個大型戶外嘉年華「Chill Fun 鐵路樂園」，透過機動遊樂設施、攤位遊戲及打卡景點等，與眾同樂。「Chill Fun 鐵路樂園」嘉年華除了一系列多元化遊樂及打卡活動外，向來與流行文化連繫相伴的港鐵，特意在嘉年華內舉辦「Chill精彩音樂會」，誠邀多位本地知名歌手包括張敬軒、吳浩康（Deep）、吳林峰、黃妍、Kiri T、樂隊Zpecial及女團VIVA輪流現身獻唱，並由多個團體包括「香港共融藝術音樂協會 – 樂也融融樂隊」、「香港弦樂團」等，以及一眾獨立歌手為巿民帶來多元化的娛樂表演，將不同類型的音樂與表演連繫大家的日常生活，享受平凡中的小確幸！

張敬軒

吳浩康

張敬軒中環海濱首度獻唱《幾分鐘的約會》
「Chill精彩音樂會」壓軸登場的張敬軒透露，屆時會於現場首唱《幾分鐘的約會》，與眾同樂！他說：「很榮幸可以幫港鐵拍攝45周年的廣告，意義非凡，尤其是有機會翻唱陳百強前輩的經典金曲《幾分鐘的約會》，實在與有榮焉。今次可以在『Chill Fun 鐵路樂園』嘉年華的『Chill精彩音樂會』首次公開獻唱這首歌，心情既緊張又期待，希望『地下鐵碰著他她他』，誠邀各位齊齊入場為我打氣，更可以順道大玩不同遊樂設施，一起歡度周日晚上。」

張敬軒直認與港鐵有緣有份，尤其在提攜新人方面更是不謀而合。他說：「最欣賞港鐵廣邀不同界別的音樂團體及音樂人在『Chill精彩音樂會』演出，包括由傷健人士組成的『樂也融融樂隊』以及一眾年青buskers等，令我十分期待！」同時，軒仔亦希望大家接可以觸更多不同類型的音樂及表演，令樂壇及表演藝術界百花齊放！

VIVA

Zpecial

黃妍

吳林峰

吳浩康重視親子連繫時間 讚免費入場惠及基層巿民
至於身為「職安真漢子」兼人父的Deep非常重視親子連繫時間，最欣賞「Chill Fun 鐵路樂園」嘉年華免費入場，惠及一眾基層巿民！他說：「為人父母要提供最好的生活給子女，不但要安排節目給小朋友又驚使費多，所以免費入場的嘉年華非常適合不同階層人士一齊享天倫！雖然兒子未夠兩歲，但似乎男生天生對車有興趣，每次帶他搭港鐵也超興奮，今次嘉年華有巨型充氣列車，又有全港首個戶外車長訓練模擬駕駛室，幸運的話，甚至能跟港鐵吉祥物驚喜合照，我一定會帶同太太及兒子來嘉年華，相信兒子一定開心得手舞足蹈！」

SiteMap-Colored-14

免費入場 下周二中午12時開始預約周六及周日場次
為了回饋巿民45年來的支持，是次「Chill Fun 鐵路樂園」嘉年華及「Chill精彩音樂會」費用全免，巿民更可欣賞多場港鐵精心籌備的多元音樂藝術表演。周三至周五（即9月25至27日）毋須預先登記入場；周六及周日（即9月28及29日）的兩個場次，即上午10時至下午3時，及下午4時至晚上9時的入場門票，MTR Mobile 登記用戶可由9月10日中午12時起透過 MTR Mobile 預約，名額有限，先到先得。成功登記後將會透過MTR Mobile 獲得二維碼入場門票，每張入場門票可供最多四人同時進場。

港鐵四十五周年嘉年華「Chill Fun 鐵路樂園」
日期：9月25日至9月29日（星期三至星期日）
地點：中環海濱活動空間
免費入場

了解更多活動詳情及門票資訊，可參閱港鐵公司網頁
https://www.mtr.com.hk/ch/customer/main/mtr-carnival.html