楊茜堯（原名楊怡）8月30日44歲生日，在IG曬出與囡囡「小珍珠」的合照。老公羅子溢隔空祝賀示愛。
楊茜堯出PO寫道：「雖然又老一歲，不過最緊要係心境年輕，我在珍珠心目中，永遠都係最漂亮的公主 #牛一 #最幸福就係可以同家人朋友一齊 #珍珠話媽咪係公主，多謝晒。王子，等你返嚟再食飯啦！」相中壽星女被鮮花簇擁，而蛋糕上就寫着「楊咩，生日快樂！」不少圈中好友包括鍾嘉欣、佘詩曼、陳自瑤、胡杏兒、陳敏之、張繼聰等，都紛紛留言祝賀！
楊茜堯（原名楊怡）8月30日44歲生日，在IG曬出與囡囡「小珍珠」的合照。
有花收，蛋糕上就寫着「楊咩，生日快樂！」
雖然老公羅子溢（原名羅仲謙）現身處在馬來西亞拍攝新劇《家族榮耀之繼承者》，但他亦忙裡抽閒隔空送上祝福，好識做：「生日快樂老婆 #天天都美麗 #我不在港要你辛苦帶小朋友 #每天愛你多一些 #工作一點甜。」楊茜堯回覆：「謝謝我家老爺，你努力賺錢俾（畀）我啦。」好放心老公出去好好表現。
老公羅子溢大馬拍劇隔空出PO傳情。其實兩位同月生日．「楊咩」早前都有帶一家大細去預祝生日
劇組都有為羅子溢慶生
其實羅子溢與老婆同為八月生日，他的生日只比楊茜堯早兩日。楊茜堯亦有出Post為老公慶生：「又老一歲啦，老公生日快樂，祝你永遠都開開心心，身體健康 #生日快樂 #39歲的小朋友 #心想事成要咩就有咩啦 #今年冇得一齊慶祝唯有各自各精彩。」羅子溢就Sweet爆回應：「我愛你，你們快樂所以我快樂。我唔喺香港嘅日子辛苦你了。」
