劉俊謙在《罪與罰》中飾演殺人後備受良知責備的輟學學生，而顏卓靈則演繹出於污泥卻保持純真的妓女。
剛剛完成新劇宣傳的劉俊謙日前飛回香港聯同顏卓靈、袁富華、陳湛文、區嘉雯 一衆好戲之人一同參與第52屆香港藝術節節目記者招待會。聯同眾多本地實力演員參演由英國名導菲利普．布林及其創作團隊，攜手煉製這部國際級舞台鉅獻，演繹一場終極的自我審判與救贖。
點擊看圖輯
《罪與罰》門票預訂將於10月13日上午10時起正式開始。
第52屆香港藝術節節目記者招待會。
阿謙日前從台灣完成拍攝和宣傳工作後，匆匆返港出席是次舞台劇記者招待會，「我都有好幾年冇參與舞台劇演出了，疫情過後大家已經重拾心情，再度回到劇場，今次演出我都好希望會多啲人買飛睇啦，劇本原著係俄國大文豪杜斯妥也夫斯基嘅作品，佢嘅作品裏面探討好多關於道德價值嘅嘢啦，存在同人生意義啦，呢啲嘢我覺得係好接近現今世代大家會思考的一些問題！」
陳湛文、顏卓靈、劉俊謙
問到劉俊謙點樣為今次呢個角色去作準備？他表示：「我心情期待緊張，因為未見到導演，唔知道佢會將日本版點樣去改編，並且將呢個故事發生喺香港相信會好特別，期待同導演見面。現在自己開始做吓啲資料蒐集，嚟緊嘅日子就係開始綵排，希望明年年初會帶俾大家一個好睇嘅劇目啦！」
陳湛文、顏卓靈、劉俊謙
香港舞台改編由英國屢獲殊榮著名編劇及導演菲利普．布林操刀，其2019年的日本舞台版由已故知名演員三浦春馬，及影視紅人大島優子擔綱主演，引起迴響，更經當地劇場觀眾票選，於「WOWOW劇場獎」中榮獲最佳舞台劇獎及最佳表演者獎（三浦春馬）。2024年香港版以全新面貌登場，不僅譜上現代色彩，還邀得電影《幻愛》男主角劉俊謙、憑電影《狂舞派》獲金馬獎及金像獎最佳女主角提名的顏卓靈、憑電影《翠絲》獲金像獎最佳男配角的資深演員袁富華，夥拍人氣實力派演員陳湛文、區嘉雯，以及眾多舞台劇實力演員，星級陣容合力打造史詩鉅作。
《罪與罰》故事峰迴路轉，當中劉俊謙飾演殺人後備受良知責備的輟學學生，顏卓靈演繹出於污泥卻保持純真的妓女，袁富華則飾演對劉俊謙窮追猛打的檢察官，二人鬥智鬥力，互飆演技。全劇節奏明快，角色豐富，規模龐大，配合精采的現場音樂，香港一眾優秀的台前幕後，與來自英國的導演、佈景、服裝等創作團隊，攜手傾力煉製這部國際級舞台鉅獻，一場深刻厲害、充滿思辯性的終極善惡交戰，矚目上演。
《罪與罰》門票預訂將於10月13日上午10時起正式開始。
二人在六層樓的高度都有些膽戰心驚！
由梁冠堯（Albert）及梁冠舜（Herbert）聯合執導，劉俊謙、董瑋（Dee哥）、伍允龍（Philip）、蔡思韵主演的電影《武替道》即將於9月26日熱血上映！電影未上畫，先獲各地電影節關注，一連入選四個海外影展，包括：第44屆夏威夷國際電影節、 香港國際電影節「香港電影新動力2024 光影浪潮」東京站、大阪站以及福岡站。當中 10月上旬舉辦的夏威夷國際電影節，導演Albert及Herbert更會親自飛抵當地參與！電影主海報、正式預告，以及最新的電影製作特輯：「演員篇」近日亦同步推出。
《武替道》最新海報
VIDEO
.
觀看相關影片按連結：https://youtu.be/bh4M1ZgDFo8
在電影製作特輯中，幾位主角率先披露戲中重要場面。阿謙今次戲中飾演一位對港產動作片，充滿熱誠的年輕武師李世龍，戲中自然要應付多場動作戲，當中一場就挑戰在油麻地鬧市拍攝槍戰，阿謙對於當日武師團隊效率極為欣賞：「電影預算所限，嗰朝基本上好短時間就完成一整場槍戰戲，一個上晝就拍咗差唔多超過100個鏡頭，好難忘嘅係自己從未試過喺咁短時間內完成，成個拍攝進度、速度要更快，但係動作指導海哥（江道海）好好，手足又好清楚自己要啲咩，自己就好努力跟住去執行。」
《武替道》劇照
《武替道》劇照
《武替道》劇照
為電影擔任武指的江道海坦言拍攝這場槍戰，與時間競賽，他特別感謝一眾手足：「因為拍攝周期只有一日可以拍，但係嗰場戲又確實需要好多鏡頭嚟表達，雖然動作唔係好複雜，但係中間又有路人走位又有槍戰動作，係需要好嘅配合，唯一好處就係我哋當日嘅演員除咗主演之外，都係用咗武師嚟演出，而我哋喺拍攝之前就去到現場多次綵排，肯定每一個人都知道自己當日要做嘅嘢，所以可以喺咁短嘅時間完成呢一場戲。非常好彩嘅就係我哋連汽車撞裝修架，都係能夠一take完成，而且冇人受傷。」海哥為影壇資深動作指導，曾參與《旺角卡門》、《天下無賊》、《雙子神偷》等作品，亦為90年代多套賭片，包括《賭神》擔任賭術指導。
《武替道》劇照
《武替道》劇照
另一場令阿謙難忘的戲份就有六層高的跳樓戲，拍攝時都有點膽戰心驚：「我本身就冇畏高，但企上六樓拍攝都有啲怯，因為就算有『威亞』（wire）吊住，始終自己人生都冇試過企喺大廈嘅邊邊，望住樓下咁高然後之後自己要跳落去。」阿謙成功克服恐懼，更連拍幾次跳樓場面，他指最辛苦是一班手足：「我就咁跳落去都係做少少跳樓反應，最難嘅反而係啲拉『威亞』嘅師兄，即係點樣放『威亞』啊，『威亞』放到去邊度要勒住拉啊。」
阿謙最難忘一場六層高的跳樓戲。
拍攝時都有點膽戰心驚。
阿謙成功克服恐懼，更連拍幾次跳樓場面。
戲中飾演「森哥」的Dee哥亦都挑戰自我拍攝跳樓戲，他跟阿謙不約而同認為最辛苦是一班拉「威也」的手足。今年踏入70歲的Dee哥透露拍攝前自己都有點怯，皆因這次是他廿八年來再度「吊威也」，但最後只需3take就完成拍攝，證明Dee哥寶刀未老，再次展現大師級的專業和實力：「喺條件有限之下，都無咩辦法去試或者夾啊，仲有一個原因，就係真係好『很』高啦，試一次驚一次啦咁，咁不如直接演啦咁樣。」
《武替道》劇照
《武替道》劇照
《武替道》劇照
Dee哥又憶述上一次吊威也已經超過20年，當年擔任武指的他跟劇組到內地拍戲，臨時拉伕要被「吊威也」：「當時因為要拍一個比較複雜嘅鏡頭，要吊住『威亞』去拍攝要揸機 hand held（徒手持機拍攝），又因為係臨時決定去拍呢個鏡頭，而當時我哋器材方面，冇一啲叫做陀螺儀嘅物體，或者係而家較好嘅器材，咁就一定要有個攝影師吊喺空中拍，咁冇理由叫個攝影師上去㗎，咁就唯有我自己揸機，畀啲手足吊我上去拍啦。」
Dee哥時隔28年吊威依然後好專業！
