阿SA 阿嬌近日在一影片回答關智斌Kenny定馬天佑較靚仔時，二人答案充分顯示出她們的性格。
蔡卓妍（阿Sa）及鍾欣潼（阿嬌）組成的女子團體Twins已出道22年，二人情同姊妹，一齊走過許多起跌，但眾所周知，二人性格亦很懸殊，阿嬌文靜內向，阿Sa活潑外向。二人近日在一影片玩快問快答時，被問及「Kenny (關智斌) 同馬天佑，覺得邊個靚仔啲？」阿嬌聽完問題，即秒速回答說：「梗係Kenny啦！」一臉理所當然，而阿Sa則表示：「各有各靚啦。」但阿嬌立場堅定，表示：「對唔住，都係Kenny呀。」強調她的確是覺得關智斌比馬天佑更靚仔。
被問及Kenny 同馬天佑邊個靚仔啲
阿嬌不用想就回答是Kenny
阿sa嘗試打圓場
阿嬌仍堅持己見
阿嬌天生直率，而阿Sa一向都被認為是「世界女」，識講說話。網民對此反應兩極，有人認為阿Sa「她一直都比較心機公認的啦」，亦有人指「阿Sa刻意補充完就顯得阿嬌好像不會說話，顯得自己情商很高一樣」，當然，亦有粉絲撐阿Sa「阿sa是小機靈鬼是眾所周知的，圓滑是一種特點不是缺點。」因而掀起一場罵戰。
TWINS 和容祖兒三人私下感情非常好
二人情同姊妹，一齊經歷起跌
阿Sa跟Kenny也是好老友
拍YouTube 都有唔少得著呀。
日前，關智斌（Kenny）、衛詩雅（Michelle）及冤枉娛樂主理人「枉阿姐」受邀，為「Rhythm & Brews by YouTube」期間限定展，並進行以「內容策略如何協助藝人建立形象」為主題的Fireside Chat互動訪談。
六年前，Michelle開始成立自己的YouTube Channel，當中的「衛食攻略」愈拍愈受歡迎，不過原來開始的時候她十分抗拒，「我係嗰啲想好專心做一樣嘢嘅人，我淨係覺得我淨係拍戲！拍戲以外嘅任何嘢我都唔想做！以前嘅我係連訪問都唔鍾意做，我淨係想做關於電影嘅嘢。」不過由於開戲的不穩定性，枉阿姐便建議她投入「YouTuber」行列，「我話唔好啦，枉阿姐就話：『你試吓啦。』冇辦法啦，冇戲拍。『衛食攻略』都係佢哋幫我諗，因為覺得我個人貼地，就話不如拍一個咁樣嘅Channel。」
六年前，Michelle開始成立自己的YouTube Channel
至於Kenny，他坦言由始至終都沒想過自己會做一個YouTuber，疫情期間是一個轉捩點，「平時嘅工作好多都停頓咗，講得白啲即係冇嘢撈，哈哈。嗰段時間我睇多咗好多YouTube，開始覺得我唔使每次有演唱會或者出碟先至見人，其實我可以喺呢啲片入面，同到好多人接觸。拍Youtube唔係淨係拍一、兩條片，係要keep住長期拍挧，你要好有passion先得，人哋可以了解到你最真實嘅一面。」
Kenn沒想過自己會做一個YouTuber
「枉阿姐」絕對是二人的幕後推手，她憶述最初加入公司時，拍了大量不同類型的搞笑短片，但沒有適合平台播放，於是膽粗粗向CEO建議，「『可唔可以開一個Channel喺俾我擺一啲我哋拍嘅片、自家嘅content上去？』佢話：『好吖！你開啦。叫咩名好呀？』我話要玩嘢少少，不如叫『冤枉』啦，即係英皇嘅諧音，開頭諗住講吓嘅啫，點知老闆OK喎，原來佢比我想像中玩得，佢行得好前。我仲記得第一個project係許靖韻嘅『小背心』。」
「枉阿姐」絕對是二人的幕後推手
問到拍片的最大挑戰，Kenny直言在Youtube世界中，藝人不會有特別優勢，因為網民只會對着重短片內容，跟藝人身份毫無關係。但他坦言因為拍攝「斌菲特」系列而增長不少知識，「因為呢個Channel真係要講一啲投資、資訊性嘅嘢，每集嘉賓都係喺自己範疇入面係一個好勁嘅人，我真係唔可以完全乜都唔知就去做呢個訪問，因為咁亦都係好唔respect呢個嘉賓，喺呢一段時間我真係增長咗好多嘅知識。」Michelle則大爆拍攝時撞破偷情男女，「我哋拍『衛食攻略』，經常要去啲小店拍攝，小店多數都比較細間，我哋要避開啲人群嚟拍攝。有一次拍拍下突然間有個男人衝埋嚟，揞住個鏡頭叫我哋唔好怕，原來佢喺度同另外一個女仔偷情。條片係有出嘅，不過其實都影唔到佢哋，哈哈。」
Kenny坦言因為拍攝「斌菲特」系列而增長不少知識
Michelle則大爆拍攝時撞破偷情男女
