關心妍美國慈善巡唱與Fans聚舊 囡囡返學無緣赴當地做「嘉賓」

日前關心妍在三藩市舉行兩場慈善演唱會，做善事之餘，又可以同移民嘅Fans見面聚吓舊！

關心妍日前在美國三藩市紅木城Fox Theatre舉行兩場「SHiNE妍亮」福音慈善演唱會，為天津「和平之君」兒童福利院籌款，所有盈利將用作幫助殘疾孤兒。Jade美國粉絲齊集紅木城，門票早已售清，而關心妍一口氣唱出二十多首歌曲，當中不乏金曲反應熱烈：「始終外地做騷都係靠自己執生解決，同埋今次做慈善要慳家，唔敢搵太多工作人員同行，我同經理人、助手3個人攞住十喼歌衫同行李過關，好彩都習慣一腳踢自己照顧自己。我覺得最難嘅係適應時差，所以都早咗成個星期飛嚟做準備，呢個場地都好有歷史，過往都未試過有華人歌手喺度開演唱會，搞到自己都有啲啲緊張。」

關心妍日前在美國三藩市紅木城Fox Theatre舉行兩場「SHiNE妍亮」福音慈善演唱會

關心妍一口氣唱出二十多首歌曲，當中不乏金曲反應熱烈

呢個場地都好有歷史，過往都未試過有華人歌手喺度開演唱會

搞到自己都有啲啲緊張。

呢次福音演唱會巡迴，Jade自爆婉拒歌酬為慈善出分力：「歌酬唔係咁緊要嘅，呢個騷目的係幫人，所以今次做善事之餘，又可以同移民嘅Fans見面聚吓舊，見到佢地一家大細嚟支持，感覺真係好得意！唱唱吓我都忍唔住爆喊，喺香港都未試過，成個騷都好有愛。而我哥哥一直都喺芝加哥，今次佢嚟支持我，所以我都叫佢做『芝加亞哥』，佢見慣大場面梗係捉佢上台唱歌。」

Jade自爆婉拒歌酬為慈善出分力

今次做善事之餘，又可以同移民嘅Fans見面聚吓舊，見到佢地一家大細嚟支持，感覺真係好得意！

大合照

哥哥一直都喺芝加哥，今次佢嚟支持，所以被稱芝加亞哥

Jade笑言早跟囡囡「講掂數」，承諾下次再邀請對方做「嘉賓」：「佢一直都以為我開演唱會就有份上台唱嘛，但係佢要返學同考試，所以就要同爸爸留喺香港，唯有下次佢放假做巡迴先帶埋佢。依家晚晚都會視像傾吓計嘅，好在心心都大個囡，明白媽咪做善事幫人，同埋我出遊可以比機會爸爸同佢獨處啦。」

關心妍日前於天津舉行《關心妍SHiNE妍亮生命》公益演唱會，為內地「和平之君兒童福利院」籌款。

全場爆滿，Jade登場時深受樂迷歡迎，一連唱出《你有心》、《愛是不保留》、《我太強》金曲。Jade表示呢次個唱別具意義，廣東歌亦能打動全場歌迷：「其實我一直都係大灣區做巡唱，終於可以見到北方嘅歌迷，佢地都好熱情，整咗好多禮物比我地。」

關心妍（Jade）日前於天津舉行公益演唱會。

為弱勢兒童籌款。

善心十足！

關心妍演唱會例必邀請愛女做嘉賓，呢次女兒心心亦「快閃」參與：「其實七月佢陪我嚟過天津福利院呢度做探訪，見過呢度腦癱瘓、唐氏綜合症嘅小朋友，佢一直都好期待為大家做啲野，今次比起我個人演唱會更有意義，佢更比心機去練歌。」

大唱多首金曲。

包括《你有心》、《愛是不保留》同《我太強》金曲。

愛女心心做嘉賓。

為呢次演出，心心更需趕航班出席個唱：「星期五放學就要趕飛機，喺飛機度要做晒功課，嚟到更要綵排，短短三日就急急腳返香港返學。見到佢都好生性，後台搵地方溫默書，不過佢覺得辛苦都值得，同啲小朋友再見面佢都覺得好開心。」

Jade表示個唱別具意義。

女兒為了今次演出，更需趕航班出席個唱。