麥玲玲爆網絡工程師老公「狀元」命格 當初志願︰樓梯底整電器

玲玲師傅直言老公具備「讀得書」的面相！

堪輿學家麥玲玲帶領黃紫恩（Jojo）、蔡景行（行仔）和陳欣茵（Yan Yan）主持的清談節目《玲玲友情報》，逢周三晚11點J2（82台）播映。明晚（29日）一集主題為「讀書唔係咁樣讀」，再請來元祖級補習天后June Leung擔任嘉賓。

今節主題是「讀書唔係咁樣讀」，一般父母深信讀到書等如搵到錢。

玲玲師傅話學霸有樣睇，第一樣是睇耳仔高低。

玲玲師傅話額頭飽滿代表讀書叻。

為人父母最關心的，莫過於子女學業，深信讀得書就有好出路。原來是否讀得書確實有樣睇，今集節目玲玲師傅會教大家從面相分析。首先看耳仔，耳仔高過眉代表聰明、記性好；耳仔生得後同低代表鹹濕。眉毛整齊同靚，表示執行能力同計劃能力強，額頭高而飽滿不單讀書叻，而且官祿運非好，高薪厚祿。她自爆老公是讀書叻之人，中七未畢業便以資優生身份入讀大學。

原來耳仔低代表鹹濕。

Jojo斷捨難有儲劇本同學業筆記習慣。

Jojo透露因為母親關係，令自己愛上學習。

玲玲師傅接受訪問時大爆老公年年考第一的威水史，她笑說︰「佢唔係名校出身，喺香港仔一間工業學院畢業，嗰時諗住畢業係樓梯底整電器。」因為成績優異所以中五畢業，便以資優生資格入讀理工，之後再跳入港大修讀孖E學系（電子工程系），玲玲師傅補充話︰「本來醫科都收咗佢，但係佢鍾意計數，佢係第一代從事寬頻嘅電子工程師。」玲玲師傅直言老公具備「讀得書」的面相，包括耳仔高、眉毛齊及具「狀元」的命格。玲玲師傅話不少客人，特別是港媽最關心子女是否讀得書，她語重心長表示︰「我會直接講得定唔得，其實讀書只係其中一樣，小朋友可以有好多樣才能。父母都設身處地諗下，自己細個讀書係咪咁叻，對自己有冇咁樣要求先。」

玲玲師傅老公為網絡工程師，讀書時為學霸一名。

玲玲師傅透露老公經常誇口「唔知咩係考第二」。

林敏驄同玲玲師傅講「年年考包尾」，所以不知道何謂考第二。

節目中Jojo自爆原本對讀書不感興趣，發掘出讀書樂趣，是自小學一年級開始，因為媽咪一項舉動令她大受感動︰「小一入咗間英文小學，讀書唔係太好，自此一返屋企就喊，有日媽咪忽然將我托管咗畀鄰居阿姨。有幾個月嘅星期二8點鐘，媽咪會準時喺屋企消失。」最後謎底解開，有日Jojo返家見到多了份學校的英文教材，才知道媽咪每星期上夜校學英文。受媽咪的身體力行感召，她自此沒有一刻再想過放棄學業。

補習天后June身體力行考公開試，體驗考生感受。

訪談節目變爆料熱線，農夫夾擊麥玲玲笑料百出，C君親揭「首期人情」之謎

堪輿學家麥玲玲帶領施焯日（Arthur）及蔡景行（行仔）主持的清談節目《玲玲友情報》，逢周六晚8點TVB Plus（82台）播映。昨晚（29日）一集邀請了玲玲師傅好友農夫擔任嘉賓，三人一坐低即瘋狂互窒，原本銳意擔任「狙擊手」以尖銳問題殺到出名牙尖嘴利的農夫片甲不留的玲玲姐，最終反過來成為陸永及C君的夾擊對象，相當爆笑。

焦點圖片

農夫VS玲玲。

農夫明明有借有還點解都要被指控？

玲玲一開始便強烈指控農夫是騙徒，指二人經常有意無意要求她轉錢，雖然二人事後全數歸還款項，但玲玲還是揚言因為農夫沒有支付利息，故深感被騙，純粹搞吓笑的師傅邊說時邊忍不住大笑，令農夫大感無奈。「之後玲玲再指控C君當年任職J2創意總監時經常玩失蹤，更無視她的「搲撈」找了蘇民峰師傅擔任J2風水節目主持，不過C君強調真正派檸檬者是玲玲師傅，並笑言多次致電對方表示有愛情節目等埋她埋位時，玲玲都是以一句「我未返嚟香港喎」為由、以致合作未能成事。C君又有意無意玩踢爆，細細聲向玲玲師傅隱名爆謂：「同埋我又唔係搵阿XX（做節目）」，玲玲聞言即激動謂：「咁又係，唔係我就絕交喇。」全程在旁食花生的陸永見狀即加多兩錢肉緊大玩「猜猜我是誰」：「有一位師傅佢（指玲玲）唔係好啱嘅，第一性別唔同，第二連個名都唔同。」

呢一集真係有機會笑到喊，不過就有可能好嘈。

行仔一句辣著C君都好好笑。

陸永大爆玲玲師傅同行天敵嘅特徵，有冇咁八卦先。

被玲玲定型「冷漠派」 C君勁冇癮：拜一次年就講一世

無所不「爆」的三人，席間還提及一件昔日「拜年」趣事，事緣被玲玲定位為「冷漠派」的C君，有一年主動提議到玲玲師傅屋企拜年，竟因而招來玲玲疑神疑鬼，事後農夫更自此於農曆新年期間絕迹玲玲師傅家，事件更離奇地與蕭正楠扯上關係。三人談及當時情景時依然笑個不停，當中尤以玲玲師傅最為興奮：「有一年過年，佢（C君）係都話要嚟我屋企食飯，我以為佢整蠱我，我覺得你係唔會無端端話要拜年嘅。」C君聞言即作冇癮狀：「從此咪冇再拜過咯，拜一次年就講一世！我去拜吓年啫，佢就諗住我哋梗係嚟拍嘢喇。」此時陸永再加一腳：「佢（玲玲）開門見到我哋冇cam man冇剩，失望到哩。」被輪流夾擊的玲玲師傅誓不罷休，即席提出兩大疑點力撐自己：「第一，係都要去我屋企食，第二，佢（C君）個人好ad hoc（意指即興），嗰次四日前問我攞地址，原來就因為嗰個蕭正楠！」原來當時提早想要地址的人是蕭正楠，一個如此正路又簡單的要求也能令玲玲姐內心如此「翻騰」，實在搞笑。

就算玲玲帶起話題時幾咁佔盡上風都好，到最後佢都係會輸畀農夫嘅。

行仔一句辣著C君 玲玲爆自家司機負評農夫外表

即將迎來25周年的農夫，席間大談25周年大計，玲玲即打蛇隨棍上問二人會否考慮改名。之後行仔天真地問農夫：「會唔會搞圍酒？」即時辣著C君，C君說：「你真係覺得我哋毫無音樂價值架喎！」之後眾人東拉西扯將話題扯至有傳聞指C君當年結婚獲玲玲師傅送上價值等同「首期」的人情，對此C君回應：「我唔知師傅喺邊度買樓啦，但佢畀我嗰個人情真係做到首期嘅，如果喺明朝。」玲玲師傅又自爆當初一早已睇好農夫，不過卻遭自家司機潑冷水：「佢兩個好似核爆過後咁喎，你真係覺得佢哋會紅？」說畢惹來哄堂大笑，陸永即忍不住反擊：「你可唔可以出你司機嘅尊容，我想睇一睇啫！」相當搞笑。

玲玲大爆當年嘅司機負評農夫嘅外表。