向衛詩雅剖白從離婚遇到真愛 金燕玲貪圖蘇施黃照顧六年時間磨合

《不日成婚2》中飾演衛詩雅奶奶的金燕玲擔任《衛食攻略》嘉賓

衛詩雅（Michelle）拍攝的網上飲食節目《衛食攻略》，30日上架的一集請來於電影《不日成婚2》中飾演衛詩雅奶奶的金燕玲任嘉賓。為了招待識飲識食的金燕玲，Michelle一早到達出名食中菜的「駿景軒」準備，並謂：「今日一定要妥當啲！」之後洗餐具、向餐廳經理double check食物情況、更連坐位是否風口位也要檢查，認真貼心。金燕玲到場後即大讚Michelle安排的餐廳，「唔係讚你公司，我真係佢哋嘅擁躉，如果晏晝飲廣東茶，我一定嚟呢度飲，晚飯更加唔駛講，唔係賣廣告，係真心，呢度冇乜嘢我覺得唔好食。」

相關影片可以按以下畫面觀看：

影片連結：www.youtube.com/embed/tWSnskfQUcE

衛詩雅（Michelle）拍攝的網上飲食節目《衛食攻略》，30日上架的一集請來於電影《不日成婚2》中飾演衛詩雅奶奶的金燕玲任嘉賓

衛詩雅（Michelle）拍攝的網上飲食節目《衛食攻略》，30日上架的一集請來於電影《不日成婚2》中飾演衛詩雅奶奶的金燕玲任嘉賓

二人邊食邊傾偈，Michelle提到大家對金燕的印象應該是早上六點起床，會看小說，做瑜珈，到花園走走，很寫意的生活，但金燕玲表示：「好似每樣都唔係，我好夜瞓，平均三、四點先瞓，早起身對我嚟講係一件好痛苦嘅事。」她提到曾經有位記者想跟拍她一星期的日常，當中牽涉蘇施黃，「佢意思係點解一個女人好似我咁樣經歷咁多嘢，離過兩次婚、無端百事最後又同個女人一齊，跟住又生兩次cancer，佢會覺得點解一個人身上可以發生咁多事。」問到如何認識蘇施黃？金燕玲坦言二人一開始只是雀友的朋友，一點都不熟，「佢知道我當時嘅處境，可能佢鍾意我啦，又覺得我好慘，佢話：『人哋撈呢行你又撈呢行，你撈得咁淒涼？』嗰陣時我都五十歲，其實我係想講，『我係貪圖你照顧我。』但你係我嘅partner，我哋係一齊住，你出去你都係我嘅the other half！」金燕玲謂並非因為離婚受了刺激而轉性取向，而是因為蘇施黃提供一個照顧她的方案，「但我話：『我唔係攣㗎喎。』同埋我話：『我唔識㗎喎，你要做乜㗎？』哈哈！」

她提到曾經有位記者想跟拍她一星期的日常，當中牽涉蘇施黃

問到如何認識蘇施黃？

金燕玲謂並非因為離婚受了刺激而轉性取向

金燕玲謂並非因為離婚受了刺激而轉性取向

金燕玲又大爆蘇施黃追她追到去英國，「你都唔知佢追我時係幾咁romantic，佢情人節飛嚟倫敦一日。佢呃我話有個朋友會嚟倫敦，問我喺香港有乜嘢需要買，託佢拎俾我。我話英國好難買中式鑊，如果佢朋友唔介意就幫我買兩隻鑊過嚟啦，哈哈。之後一日佢話佢朋友到咗英國，俾咗酒店地址叫我搵佢攞，第二日晏晝去到就係佢囉！之後佢就同我食晏，又請我上佢房，我又好夠膽上去，上到房係完全冇嘢做，只係傾偈。」她坦言二人一起，相處了差不多五、六年的時間，她才覺得舒適。蘇施黃更改變了她的想法，從一個「唔知可以捱到幾耐」的心態跟她開始，「結果我同呢個人嘅時間係長過我兩段婚姻加埋！佢從來冇逼我做任何事。我哋一人一間房，生活獨立、經濟獨立，但係屋企照顧佢做到嘅佢盡量照顧晒。」因為蘇施黃，金燕玲對愛有新的體會，「以前兩段婚姻我係奉獻，對方鍾意呢樣嘢，我就去做，氹佢開心，付出係冇問題，但付出到冇自己就係一個問題。」她更警醒女性們，「為屋企為老公為仔女付出係應該，但你唔可以冇咗自己，你應該要保持自己嘅興趣，同埋工作。」

金燕玲又大爆蘇施黃追她追到去英國

《破．地獄》將於11月14日全港上映，觀眾敬請期待，一同逾越生死。

英皇電影《破．地獄》未上映經已獲多個海外影展關注，首個出征的就有第44屆夏威夷國際電影節，並於當地舉行世界首映！導演陳茂賢與衛詩雅（Michelle）日前親赴夏威夷出席電影節一連串活動，原來Michelle此行更是第一次在大銀幕欣賞電影全片，大呼緊張：「好緊張，第一次喺大銀幕度睇，我哋嚟喇夏威夷！今次係我第一次喺大銀幕度睇，因為之前都係喺細嘅銀幕仔睇部份片段，今日喺正式戲院睇，觀感上放大咗多過十倍。」

導演陳茂賢與衛詩雅日前親赴夏威夷出席電影節一連串活動。

Michelle亦喜見不少前來欣賞電影的香港人，有種他鄉遇故知的感覺，「頭先最開心就係我見到好多香港人，佢哋話好難買飛呀，其中有一個觀眾話買唔到飛，爸爸都嚟唔到睇，下一場放映都已經滿座。」

Michelle見到不少前來欣賞電影的香港人，直言有種他鄉遇故知的感覺。

導演與Michelle此行行程緊密，甫到步即晚便出席世界首映。二人被問到能否適應時差，Michelle笑言：「我喺飛機冇瞓過，瞓唔到因為太興奮，頭先出發前喺酒店補眠兩個鐘，精神好好，因為仍然喺期待嘅心情入面。」；而導演則指：「夏威夷嘅日落好靚，所以喺酒店望出去不停影相，冇特別休息，影到開始天黑就開始預備好心情，出發同觀眾交流。」導演更笑言內心最擔心Michelle首度睇全片的反應，「呢部戲係需要喺戲院睇，觀感上會好唔同，我比較擔心Michelle睇完戲馬上要做Q&A承唔承受到。」

二人甫到步即晚便出席世界首映。

Michelle笑言此行興奮到瞓唔到。

導演則指夏威夷的日落好靚，掛住不停影相，所以沒有特別休息。

電影放映後，觀眾掌聲此起彼落，導演與Michelle更被觀眾紛紛集郵，二人更非常親切逐一拍照及交流。有觀眾更直言Michelle成功駕馭《破．地獄》的角色，演出達到影后水平，祝福她在電影上能夠更上一層樓，Michelle亦深受感動，連忙答謝觀眾支持。

導演與Michelle被觀眾紛紛集郵。

Michelle更獲觀眾大讚演出達到影后水平！