張敬軒:「祝媽媽青春常駐。」
張敬軒十三場駐場澳門倫敦人的《The Prime Classics張敬軒澳門演唱會》日前完成首三場,軒仔每場都有福利派給歌迷,除了首場自爆初戀,第二場張媽媽前去捧場,軒仔獻歌喊不停,張媽媽亦聽到頻頻拭淚,場面感人;第三場軒仔唱《隱形遊樂場》唱到爆褲鏈,認真驚喜不斷。
![張敬軒十三場駐場澳門倫敦人的《The Prime Classics張敬軒澳門演唱會》日前完成首三場](https://image.bastillepost.com/704x/wp-content/uploads/hongkong/2023/12/SA8_8119a.jpg.webp)
張敬軒十三場駐場澳門倫敦人的《The Prime Classics張敬軒澳門演唱會》日前完成首三場
演唱會第二場,由於成功撲飛,軒仔透露張媽媽亦是當晚的座上客,「如果我冇記錯嘅話,我媽媽應該係睇今晚呢場。」這時歌迷除了歡呼,突然「奶奶」的呼聲此起彼落,軒仔沒好氣的說:「點解你哋可以嗌一個陌生嘅女人做『奶奶』㗎呢?」但隨即又向歌迷說:「你哋再嗌一次俾佢聽吓吖,哈哈。」歌迷十分聽話,全場大叫「奶奶」,搞到軒仔邊笑邊說「黐線」,而張媽媽則十分怕醜以手遮面,軒仔又向張媽媽解釋,「我同佢哋冇『啦lung』㗎吓媽咪,唔好打電話嚟問我。」講完笑後,軒仔便向媽媽來個深情告白,他坦言多年來自己的演唱會中,都未曾試過唱歌給媽媽聽,他指出今年是很忙的一年,沒有太多時間回老家,加上爸爸感染covid後又曾於家中暈倒,最後決定將父母搬到香港居住,「雖然我哋住隔離樓,但我都會抽時間返嚟食吓飯,唱隻歌俾你聽好冇呀媽咪?」張媽媽點頭讚好,軒仔續說:「佢晚晚都有煲定啲湯俾我,同埋佢好鍾意煲埋啲唔知乜嘢嚟,全部都係壯陽,嗰啲海馬呀、咩鞭呀,湯我就唔識煲啦,歌我就識唱,祝媽媽青春常駐。」隨後便唱出《青春常駐》,軒仔特別將一些歌詞改為「媽媽」,而第一句更將「嘉嘉可否不要老」改為「丹丹(張媽媽名字)可否不要老」,不過他唱了第一句後,已忍不住哽咽,中段更唱不下去,歌迷即時接力唱下去,而坐在觀眾席上的張媽媽亦忍不住感動淚,場面感動。唱完後,軒仔說:「哎吔,真係搞唔掂。」
![演唱會第二場,由於成功撲飛,軒仔透露張媽媽亦是當晚的座上客](https://image.bastillepost.com/704x/wp-content/uploads/hongkong/2023/12/SA9_8529a.jpg.webp)
演唱會第二場,由於成功撲飛,軒仔透露張媽媽亦是當晚的座上客
![隨後便唱出《青春常駐》,軒仔特別將一些歌詞改為「媽媽」,而第一句更將「嘉嘉可否不要老」改為「丹丹(張媽媽名字)可否不要老」](https://image.bastillepost.com/704x/wp-content/uploads/hongkong/2023/12/SA9_8499a.jpg.webp)
隨後便唱出《青春常駐》,軒仔特別將一些歌詞改為「媽媽」,而第一句更將「嘉嘉可否不要老」改為「丹丹(張媽媽名字)可否不要老」
![他唱了第一句後,已忍不住哽咽,中段更唱不下去](https://image.bastillepost.com/704x/wp-content/uploads/hongkong/2023/12/SA9_8540a.jpg.webp)
他唱了第一句後,已忍不住哽咽,中段更唱不下去
而在第三晚的演出中,在演唱《隱形遊樂場》前,軒仔積極拉票,更謂:「我會一路出嚟拉票。」隨後便唱出《隱形遊樂場》,唱完後,軒仔在分享一些感受時,台下歌迷突然起哄,初時軒仔未有為意,後來他轉身望大銀幕又再望自己衣服,「等等先,導演話我褲鏈開咗,ok,唔好睇住。」全場觀眾立即爆笑,然後走到台上一邊整理衣物,整理完後再走回台中說道:「唔好意思,對唔住,激動得滯,唱爆咗褲鏈,我條褲鏈爆咗。」原來是褲鏈爆開,全場立即大笑兼大叫「除褲」,弄得軒仔無奈苦笑。
![演唱會現場](https://image.bastillepost.com/469x/wp-content/uploads/hongkong/2023/12/SA9_7956a.jpg.webp)
演唱會現場
![演唱會現場](https://image.bastillepost.com/469x/wp-content/uploads/hongkong/2023/12/SA9_7774a.jpg.webp)
演唱會現場
![演唱會現場](https://image.bastillepost.com/704x/wp-content/uploads/hongkong/2023/12/SA9_7053a.jpg.webp)
演唱會現場
另外,軒仔跟歌迷的互動環節時,其中一位女歌迷表示當日是她的新婚之日,軒仔笑問:「你今朝早結婚,你今晚嚟睇我,咁你個洞房呢?你老公呢?」當女歌迷表示老公沒有前來睇show時,軒仔即謂:「即係我緊要過你老公,係唔係呀?(女歌迷點頭:好明顯啦!)」軒仔隨即調戲女歌迷,「咁你快啲嗌聲老公先啦。」女歌迷二話不說大叫老公,又表示自己老公姓張,嚇得軒仔立即調頭走,「我講吓咋,我連結婚戒指都冇隻,(歌迷立即除下戒指給軒仔)你唔好當真啦,你唔好俾我,我走啦,哈哈。」除此之外,其實每晚軒仔完show後,一眾fans都會在場外等他,寵粉到爆的軒仔每晚show後都會走到場外跟見見fans,sweet到爆。
![演唱會現場](https://image.bastillepost.com/469x/wp-content/uploads/hongkong/2023/12/SA9_6640a.jpg.webp)
演唱會現場
![演唱會現場](https://image.bastillepost.com/704x/wp-content/uploads/hongkong/2023/12/SA9_8233a.jpg.webp)
演唱會現場