文頌男希望得到大家的捐款籌集醫藥費。
J2節目《不正常愛情研究所》主持文頌男(Koba)已有一段時間沒有在節目中出現,他日前在IG透露「失蹤」原因,指數月前確診患癌症,椎間近盤骨位置生了一個6厘米大的惡性腫瘤,現正停工接受治療當中。
![《不正常愛情研究所》主持文頌男(Koba)(中)不幸患上癌症。](https://image.bastillepost.com/1024x/wp-content/uploads/hongkong/2023/12/20231221_EN_J2主持文頌男1.png.webp)
《不正常愛情研究所》主持文頌男(Koba)(中)不幸患上癌症。
![Koba日前在IG上自揭數月前確診患癌症。](https://image.bastillepost.com/704x/wp-content/uploads/hongkong/2023/12/20231221_EN_J2主持文頌男2-e1703169672624.jpg.webp)
Koba日前在IG上自揭數月前確診患癌症。
文頌男貼出在病床的照片,並撰寫長文透露自己患癌:「我幾個月前確診自己有癌症,而家有一個大概6×6×4cm 咁大嘅惡性腫瘤喺我嘅椎間近盤骨附近嘅位置,因為壓住咗啲神經,所以行動唔方便同週不時會劇痛。」交代病情的時候,還留下流淚的Emoji,令人都感受到他的痛苦。
![Koba透露停工已兩個月。](https://image.bastillepost.com/704x/wp-content/uploads/hongkong/2023/12/20231221_EN_J2主持文頌男3-e1703169741524.jpg.webp)
Koba透露停工已兩個月。
![貼出多張在病床上的照片。](https://image.bastillepost.com/704x/wp-content/uploads/hongkong/2023/12/20231221_EN_J2主持文頌男4-e1703169809867.jpg.webp)
貼出多張在病床上的照片。
他又表示已經全面停工兩個月,並開始做化療:「我由兩個月前左右已經全面停工休息,最近仲開始咗化療,希望好快可以好返,繼續拍唔同嘅嘢畀大家睇。暫時我都好正面面對,大家唔使擔心。都好多謝呢幾個月嚟不斷陪我出入醫院、照顧我嘅所有朋友們,冇你哋真係搞唔掂。」
![盤骨患癌壓住神經情況嚴重。](https://image.bastillepost.com/704x/wp-content/uploads/hongkong/2023/12/20231221_EN_J2主持文頌男5-e1703169827808.jpg.webp)
盤骨患癌壓住神經情況嚴重。
經濟來源暫停,面對著需要支付的醫療費用也有一定的壓力,所以文頌男前晚(12月20日)亦在IG限時動態以英文寫出一段帖文,希望得到大家的捐款籌集醫藥費:「在我與健康狀況的持續鬥爭中,希望得到你們的支持。你的捐款對我來說意味著整個世界,並給我繼續戰鬥的力量。我真誠地感謝你貢獻的任何金額,你的支持將對我的康復之旅產生重大影響。」
![希望可以籌集醫藥費。](https://image.bastillepost.com/704x/wp-content/uploads/hongkong/2023/12/20231221_EN_J2主持文頌男6-e1703169891178.jpg.webp)
希望可以籌集醫藥費。
今日凌晨(12月21日),文頌男再在IG發文更新病情,同時感激有心人的捐獻:「呢兩日狀況突然有啲差,身體覺得好唔舒服。一瞓醒見到多咗好多人捐獻,真係覺得好受寵若驚,因為我本身冇諗過會有人響應,所以好想喺呢度衷心多謝各方唔同人嘅支持。雖然款項唔多,但我都感受到大家嘅善意同鼓勵,我會盡量好好利用呢啲款項,用喺我嘅治療同生活恆常支出上。再次感謝大家連日嚟嘅鼓勵同捐獻,亦都歡迎有心支持嘅人可以繼續透過 PAYME / FPS / ALIPAY / PAYPAL ,輸入我嘅電郵:cmnclarkhk@gmail.com 或者直接轉帳到我嘅匯豐銀行帳戶 506-231778-292 進行捐獻。」
![文頌男今日凌晨(21日)再在IG發文更新病情。](https://image.bastillepost.com/704x/wp-content/uploads/hongkong/2023/12/20231221_EN_J2主持文頌男9-e1703177106820.jpg.webp)
文頌男今日凌晨(21日)再在IG發文更新病情。
![指身體突然變差。](https://image.bastillepost.com/704x/wp-content/uploads/hongkong/2023/12/20231221_EN_J2主持文頌男10-e1703177142962.jpg.webp)
指身體突然變差。
![答謝有心人的捐獻。](https://image.bastillepost.com/704x/wp-content/uploads/hongkong/2023/12/20231221_EN_J2主持文頌男11-e1703177232895.jpg.webp)
答謝有心人的捐獻。
![文頌男IG圖片](https://image.bastillepost.com/704x/wp-content/uploads/hongkong/2023/12/20231221_EN_J2主持文頌男12-e1703177254338.jpg.webp)
文頌男IG圖片