《新聞女王》林景程為演活「有口難言」谷到頸都紅 與佘詩曼同場對戲直言五體投地

梁Sir昏迷奇蹟甦醒網民嗌驚喜！

由無綫與優酷聯合製作，謝穎、鍾澍佳總監製、關文深監製的台慶劇《康業信貸快遞呈獻：新聞女王》，今（22日）晚8點35分起翡翠台連續兩小時播出第25集及第26集大結局，今晚《新聞女王》台前幕後更會移師澳門上葡京綜合度假村綠茵勝境花園，與現場觀眾齊齊睇結局歡渡冬至。

梁偉強梁Sir奇蹟甦醒，令觀眾大嘆意想不到。

齋睇相，都感受到梁Sir講嘢係幾咁艱辛。

林景程單靠眼神都清晰表達咗憤怒。

為咗演繹極用力狀態，林景程谷到頸都紅。

面對佐治呢條問題，梁Sir露出一絲失落。

被指結局周高潮迭起的《新聞女王》，昨晚（21日）焦點劇情是當年在賊王案頭部中槍的警察梁偉強（林景程飾）原來並未死亡，更於十年後奇蹟地甦醒，Man姐（佘詩曼飾）因而被邀請前往警署助查。梁Sir甦醒雖然令Man姐終能釋懷，但同時亦成為佐治（馬國明飾）打擊Man姐最強武器，他先漠視梁Sir意願以連串引導性問題引導對方講出對Man姐不利的一句：「我行唔到，精神差，講唔到嘢」，再將Man姐當年在賊王事件中極具爭議性的一句說話：「記者唔應該介入現場，報導先至獨立客觀」一併在新聞時段播出，擺明帶領對Man姐不利風向…事件曝光後，Man姐人間蒸發，佐治則找來陳子傑（譚俊彥飾）務求挖出進一步對Man姐不利材料…

佐治播出梁Sir獨家訪問及當年未曝光賊王案現場片段，令Man姐形象即時插水。

Man姐玩失蹤逃避面對，神情滿是回憶與內疚…

對於梁Sir奇蹟「回歸」，不少網民大感驚喜，相關場口對於今年有份提名飛躍男的林景程更是一大挑戰！由於梁Sir腦部中槍兼昏迷多年，甦醒後不但狀態蒼老、活動能力近乎零，平時主力靠「眉頭眼額」表達自己之餘，只能應付簡單對答，並要費盡力氣才能逐個字「戥」出來。昨晚梁Sir接受佐治訪問時，便因極度用力想表達自己導致頸都紅埋！景程受訪時坦言為了演得更有說服力，正式拍攝前做足功課，並為了掌握「說話節奏」在家一有空便反覆練習：「因為個角色需要講好多對白，好容易就會因為想快啲交代啲嘢而講快咗，所以一定要好狠心去投入角色，令到個角色講嘢時無論如何都要持續地慢同弱。」

譚俊彥呢吓眼神同手勢都好有型。

到底佢會點樣解決佐治帶嚟嘅問題？

揭角色最大難度是忌心急作狀
身為物理治療師的林景程除事前做了不少資料搜集，更仔細到連肌肉協調也列入研究範圍：「主要參考番腦創傷或中風病人嘅個案，始終梁sir爆過頭又昏迷咗咁耐，應該有一個好大嘅痕迹，可能係癱啦又或者完全講唔到嘢。呢個角色講嘢要好lur、好費力，好似諗到隻字但因為嘴部肌肉協調唔到、要好大力谷個字出嚟。」景程續指角色難度是不能Over：「喺肢體形體上基本上我冇乜戲可以做到，因為要郁唔到，唯有靠多啲面部表情、眼神同聲線去表達，呢個反而最難掌握，驚拿捏得唔好會變咗作狀。」景程還感激佳導一再為他細心解讀角色及fine tune造型，令其更易入戲。

呢段回憶戲，阿佘先是演繹出熱戀少女嘅狀態。

但一聽到子傑要離開香港，佢一秒變失望。

譚俊彥呢段戲亦演活咗佢違心嘅心理狀態。

今晚，梁Sir將與Man姐有一場極重要場口，事緣梁Sir約Man姐飲茶，Man趁機真誠致歉之餘並遞上支票希望予以補償：「我一個錯誤決定搞成你咁樣。」梁Sir回應的一番話則淚點爆燈：「我約你唔係要賠償，我要接受現實，冇得怪人。我昏迷咗，但我知你成日探我，追唔番就向前望，我昏迷十年，你十年瞓唔著，計落都算打和。」

阿佘開始堆積眼淚。

阿佘拍喊戲一Take搞掂
談到相關場口，景程直指對Man姐佩服得五體投地，除為幫助對方畀足戲外，更是對情緒掌握揮灑自如：「以我嘅程度係覺得拍喊戲係好難去hold個感情hold得好耐，但Man姐係hold得耐得嚟又好完美。呢場戲係拍咗我先，Man姐雖然只係鏡頭後幫手畀戲,，但我一路講對白都一路見到佢含晒淚光、差唔多喊出嚟咁。咁我當時就即刻盡快做好自己嗰Part，等大家快啲轉機位拍Man姐，而Man姐正式演時佢嘅眼淚情緒比之前更加有、更加靚！我覺得真係好犀利，呢場戲Man姐係一take過，好開心同有幸可以同咁頂級嘅演員對到一場戲，見識到一個頂級演員係可以咁樣將個情緒去運用。」

啲眼淚已經堆到臨界點。

真係喊得又稚氣又淒涼，叫人點忍心吖！

另昨晚阿佘在劇中第N度晒喊功，劇情講述賊王事件發生後，子傑（譚俊彥飾）為免拖累阿Man假裝離開香港工作並提出分手，席間不斷忍痛鼓勵阿Man爭取良機努力向上；想裝作懂事成就男友但又不捨男友的阿Man，邊聽著子傑說話邊默默「堆積淚水」，每次換鏡頭都發現阿佘眼眶淚水量增加；最終因淚水堆得太滿，阿佘說到這句：「如果你影嗰啲相上唔到封面，你唔好返嚟呀！」淚水即如瀑布傾瀉而下，配以阿佘既委屈又哭得像個小孩的腔口，完全演活純真少女面對失戀的痛苦與狀態，亦喊出了忍淚新境界。

今晚林景程與阿佘將有一場重要對手戲。

《黑色月光》貓眼有效播放量衝破6億，成今年港劇第一名！

由優酷視頻和TVB聯合製作的台慶劇《K Cash業主私人貸款呈獻：黑色月光》，由《新聞女王》總監製鍾澍佳與謝穎再度聯手炮製，並由關文深及權香蘭聯合監製，逢周一至周五晚翡翠台九點半播出，主要演員楊茜堯，王浩信、林夏薇、馬志威、黃翠如、楊卓娜、尹揚明、郭鋒、馬貫東、何廣沛及張頴康等。根據資料，《黑色月光》在內地貓眼的有效播放量已衝破6億，目前播放量仍持續上升，但已暫為今年港劇第一名。

焦點圖片

昨晚（1日）播出的第五集《黑色月光》，「復仇女神」余滿月（楊茜堯飾）終得償所願KO首名復仇對象莫Sir！為了將因貪圖金錢利益而壞事做盡的莫Sir繩之於法，滿月以匿名電郵向莫Sir兒子家朗報料；結果在滿月及柏中（楊明飾）合力搞局下，家朗終得知父親莫Sir以往所有惡行，並堅持帶莫Sir前往自首。表面痛定思痛的莫Sir，翌日暗地潛逃，混亂間被車撞死，在遠處全程直擊莫Sir死亡一刻的滿月，先是側著頭、眼神空洞地欣賞好戲，並逐漸流露出爽爆的眼神及奸笑，相當陰森；之後回到家中整理復仇名單時，滿月再度展現了更帶爽感的放肆笑意，表情之絕獲網民指有爭視后潛力：「淨係呢個樣都夠拎視后。」

滿月先係半秒震驚。

但好快已流露帶點變態的心涼奸笑，返到屋企個程度仲要更甚。

至於飾演莫Sir的林景程，自從上年台慶劇《新聞女王》憑「中槍梁Sir」一角彈出後，之後亦先後憑《反黑英雄》的「怕事燦哥」，及《法證先鋒6》的「冼陽真身」贏盡好評，演技及專業程度同時獲得認同。今次景程再次突破自己首演大奸角，更要增齡至少20多年飾演何廣沛父親；值得留意的是，由於現實生活中林景程只比何廣沛大4歲，故這對「父子檔」一推出即引發熱議，對此景程笑言：「最初聽角色我以為係演佢回憶中小時候時嘅爸爸，聽聽吓先發現原來係演依家。」景程續說與廣沛10年前已開始合作，並搞笑地自嘲因保養差要演廣沛爹哋：「我記得我哋喺《M club》演同學，10年後佢仲係keep得好好，而我就保養得好差。」談到化老妝，景程透露上妝時間每次約一個多小時：「每次開工前都要畫白啲頭髮，係用銀筆逐條咁畫，後期大家都熟手同有經驗咗，一個鐘內都搞掂。」

畀個仔揭發後，莫Sir係咁掛住抵賴，不過佢都有心虛嘅。

之後佢扮晒反省咗應承阿仔去自首。

之後佢扮晒反省咗應承阿仔去自首。

點知只係拖時間走佬，但期間遇到不知就裏嘅馬貫東阻頭阻勢，搞到佢好著急。

莫Sir最後被車撞死。

但好快已流露帶點變態的心涼奸笑，返到屋企個程度仲要更甚。

佢喺劇中去揼骨，又令到啲網民諗起《反骨英雄》嘅燦哥都一樣鍾意揼骨，證明角色幾深入民心。

其實林景程這次飾演貪錢壞警察相當有記憶點，皆因莫Sir每次做壞事時不但會露出超奸險笑容及眼神，更會側著頭看著目標，感覺讓人不寒而慄，不少網民留言叫林景程以後不要對著他們笑：「你一笑我感覺就要被推下山了。」而向來Gag爆的林景程，即搞笑回覆：「今天推下山的人數已達標，日內不會再推」，並以「個仔好夜都未瞓」回應網民提問為何要等到第二天早上才潛逃，令阿仔何廣沛亦忍不住留言玩埋一分：「晚上好忙。」二人均相當識做宣傳。

網民話林景程值得一個獎項。

問林景程為何莫Sir經常「側頭奸笑」，他笑言：「因為我想設計一個小動作去貫穿番兩個年代嘅自己，睇劇本時本身諗住就咁笑就算，但係好似唔夠突出，最後諗起自己屋企養嗰隻倉鼠，因為個倉鼠籠放嘅位置比較矮，我成日望佢都要側住個頭，然後我就覺得側頭望好似主人望緊寵物咁、又好似有啲似望住獵物嘅感覺，就側咗頭了喇。」而林景程是次突破點除了化老妝及「側頭奸笑」，昨晚一幕他穿過家中屏風步向何廣沛時，在一秒內瞬間由「勁陰森」變成「懶慈祥」相當有戲味，獲網民大讚很棒：「瞬間變臉」、「你的眼神和笑讓我毛骨悚然」、「演甚麼就是甚麼，完全没有限制」、「做壞人很有潛質」、「林景程今年值得一個獎項」、「今年幾部配角戲感覺都很出」。

但好快已流露帶點變態的心涼奸笑，返到屋企個程度仲要更甚。