「安心事件」對黃心美影響亦大。
黃心穎在12月14日爆出任職中醫的父親黃沛霖離世，享年75歲。大家姐黃心美一直未有出現，近日終蒲頭接受傳媒訪問，其間細訴爸爸生前點滴外，更罕談經歷「安心事件」低潮期。
黃心美透露爸爸在兩年前突然暴瘦，當時為了方便照顧他，於是便讓爸爸搬到和她一起住，黃心美指﹕「爸爸走之前嗰日都仲撐住身體，我睇住佢幫病人把脈、針灸，爸爸對我哋四個女、媽媽係一個好負責任嘅爸爸，對病人亦係一個好負責任嘅醫生。」黃心美樂觀地面對爸爸離世一事，指自己於爸爸生前有機會盡孝、照顧爸爸。
黃心美與爸爸(左)生前關係好好，指自己有盡孝
至於細妹黃心穎爆出「安心事件」之後，亦連累到她失去不少工作機會及被網民追擊。但她指沒有怪責對方，亦表示亦曾因為黃心穎而令自己知名度提升。她又指細妹已承受惡果，希望外界可以讓她平靜過日子：「希望佢以後活得善良到一個點，係咁不停播啲善嘅種子。」
她沒有怪責黃心穎（中）
可是訪問出街後，有人批評她消費已逝的父親，更有人揭她的「黑歷史」，指已故著名形象設計師張學潤（Nel Nel）曾揞名爆，某電視台女主持搶人夫並嘲有「家族遺傳」，令黃心美成為最大嫌疑人。
有網民批評黃心美消費已逝的父親
今日黃心美於社交平台發文：「過去呢段時間嘅關心同慰問，大家有心。有些人捉都捉不住，有些事死捉住傷身。願我們學懂將人生所有悲歡離合，喜怒哀樂，甜酸苦辣適時地方（放）下，然後活得自在一點。最後祝大家冬至快樂，天氣寒冷，注意保暖，好好保重身體。」疑回應被網民狙擊一事。
今日於社交平台發文，希望能活得自在
View this post on Instagram
