一家三口飛日本過聖誕 何雁詩靠一「小法寶」令囝囝唔煩躁

何雁詩日前在社交平台分享一家三口在機場的照片，並透露靠一件「小法寶」令囝囝瞓得好。

現年31歲的何雁詩與40歲鄭俊弘（Fred）於2020年結婚，並在去年誕下一子鄭讚廷（Asher）。不過，何雁詩早前曾在訪問中透露1歲半大的囝圍有發展遲緩問題，仍未識爬及走路，亦只會講BB話，雖然她和老公都非常擔心，但囝囝目前正接受治療，而且每日都有進步。最近，兩公婆就帶囝囝去旅行，飛到日本過聖誕節！

一家三口好幸福！

何雁詩早前曾在訪問中透露1歲半大的囝圍有發展遲緩問題，目前正接受治療。

何雁詩於冬至（12月22日）在社交平台貼出一家三口去旅行的照片，並留言：「祝大家和家人過一個暖笠笠的冬至！」相中可見Asher眼大大好可愛，而且越來越似爸爸鄭俊弘，雖然上機前非常興奮，但在上到飛機後卻變得木無表情，似乎點不適應，幸好媽媽有一「法寶」！何雁詩以表示：「最近我們出去的時候，Asher睡得不太好，所以我給他買了一個迷你眼罩，效果非常好，當他煩非常煩躁時，只要一戴上眼罩就如施了魔法一樣冷靜下來，但必須在監督下使用。」

一家三口近日飛到日本過聖誕節。

Asher上機前好興奮。

但上機後似乎有些不適。

幸好何雁詩有「小法寶」！

Asher眼大大好可愛！

越來越似爸爸鄭俊弘。

鄭俊弘（Fred）到新城廣播接受昆頓主持的《說故事的人》錄音訪問，大談新歌《爛好人》。Fred上一首歌《左搖右擺》和新歌《爛好人》同樣講述自己性格上的缺陷，他表示：「我性格好懦弱，但呢幾年好啲，可能年紀大咗，又有一啲經歷。」

鄭俊弘（Fred）到新城廣播接受昆頓主持的《說故事的人》錄音訪問，大談新歌《爛好人》

Fred透露自小在單親家庭長大，故形成他的懦弱性格，「因為我冇爸爸畀我做一個榜樣，細個好驚畀人丟低，好驚有日阿爸阿媽會走咗去，由細到大係公公婆婆湊大我，我7、8歲時媽咪組織咗另一個新家庭，呢啲都好影響我同家姐，細個乜都想人開心，會覺得如果你開心，你就唔會離開我，大個都係咁，寧願你開心，委屈我自己，自己喺屋企唔開心就算。」

Fred透露自小在單親家庭長大，故形成他的懦弱性格

直至近兩年，Fred才學識保護自己，由「Yes Man」變成「No Man」，「尤其生咗囝囝（鄭讚廷）之後，犧牲自己都冇問題，但依家所有決定都會影響小朋友，亦學識say no，但要練番嚟，由最初唔好意思去講，都要去講；其實我即刻畀答案你係尊重你，唔會浪費你時間，反而拖住你仲唔好！」

Fred才學識保護自己，由「Yes Man」變成「No Man」

Fred又言早幾年無論拍劇還是唱歌都欠缺信心，「個心好掙扎，但要扮OK，我喺台上一刻好自在好開心，知道呢個台係屬於我，但一落到台又冇晒，又縮埋喺角落頭，所以嗰時好唔開心，尤其之後發生咁多事…..不過依家諗番起，又唔會咁唔開心，依家經歷囝囝嘅健康更加唔開心啦（囝囝患有天使綜合症），覺得以前真係儍，咁少事都唔開心，我個仔嘅病冇藥醫更加慘，話以前唔開心其實又冇乜嘢。」

Fred又言早幾年無論拍劇還是唱歌都欠缺信心

Fred如今已慢慢重拾自信，最大原因是因為兒子，「我個仔畀我知道未發生嘅事唔使太擔心，因為會帶畀自己焦慮，個仔有病後我成日諗將來，我死咗之後佢點呢？但喺佢身上我學到享受今日，一家三口開開心心、健健康康就得，唔好再諗將來，可能聽日會有藥醫，或者第時有好多好嘅照顧畀個仔，學識正面去面對，活在當下。」