《中年好聲音》評審伍仲衡舉行婚禮 新娘Ida顏值超高勁吸睛

恭喜伍生伍太！

現年50歲的音樂人伍仲衡（伍Sir）憑TVB節目《中年好聲音》擔任評審而人氣急升，去年他在音樂會上向PR女友Ida（徐麗芬）求婚成功，今日（1月6日）於假香港嘉里酒店舉行婚禮。一對新人的部分婚禮花絮亦於社交平台陸續流出。

伍仲衡與PR女友Ida今日（6日）大婚。

Ida顏值超高。

昨晚（5日）伍仲衡率先於社交平台開直播，大讚Ida靚女之餘，更是「超人」般能幹的老婆！

講到Ida被指疑肚凸凸有喜，伍仲衡沒好氣回應：「得啖笑，我先係凸肚嗰個嘛。」

他又多謝《中年好聲音》參賽者涂家堯，贊助今次一對新人、雙方父母及兄弟姊妹團的婚紗禮服。

伍仲衡昨晚（5日）於社交平台開直播大爆結婚細節，透露今晨將刪除接新娘行程，並以唱歌表演代替玩新郎環節：「玩音樂仲好啦，所以聽日唔使倒屎咁早，大概10點起身化妝Set頭，之後同兄弟姊妹影吓相，下晝就做少少綵排。」伍仲衡續指婚禮舞台工程大，堪稱「世紀婚禮」：「聽日個Opening將會感動到不能再感動，我覺得我聽日會喊，但我唔會撳住，開心嘅眼淚咪由佢流囉。」

婚宴場內擺滿伍仲衡夫婦的婚照。

婚照主題也離不開音樂。

仲衡夫婦的人形紙牌。

會場門外拱門掛着「Ida & Harry」的燈牌。

伍仲衡坦言因忙於工作無暇分身，故8成以上的婚禮事宜均由Ida籌備：「排位係超繁複，因為要諗呢個唔可以同嗰個坐，嗰個又要同呢個坐，TVB係咪唔可以同ViuTV坐？商台可唔可以同新城坐呢？即係要諗呢啲，嘩，真係超級複雜呢件事，我見到都頭暈，但佢日以繼夜咁改，起碼都改咗一個月。」語畢隨即大叫「老婆 I love you」。

新郎哥深情獻唱周華健的《明天我要嫁給你》，未知是否為婚禮表演環節作準備呢？

兄弟之一的布志綸（Alan）於IG Story，搶先分享一對新人在酒店大堂拍攝的婚照側拍。

伍Sir同Benson都好滿意自己嘅表現！

由香港兒童才藝學院（學院）、光尚娛樂、棋人娛樂、耀榮文化聯合主辦，全港澳「最大型」合家歡兒童音樂劇場2024《神奇學生》，一連四場已經完滿結束，每場表演吸引多位圈中名人，星爸星媽捧場，當中包括黎諾懿，Bob林盛斌，Patrick Sir一家，陳宇琛及太太，波姐馮素波，周國豐，伍文生，中年好聲音好友支嚳儀，吳大強，李佳，譚輝智，梁浩賢等都有帶同家人來支持！

伍仲衡首次參與大型音樂劇。

伍Sir更認為超乎預期：「我最滿意自己有唱歌加如來神掌嗰場嘅表現，做到我自己都相信我真係一個演員! 」

顏志恒（Benson）表示非常滿意自己嘅表現。

指係一個好開心嘅體驗。

首次參與兒童音樂劇，伍仲衡（伍Sir）及顏志恒（Benson）表示非常滿意自己嘅表現，伍Sir更認為超乎預期：「其實對於我嚟講，我已經做咗幾十場巡迴，因為每一次彩排我都當真做!我最滿意自己有唱歌加如來神掌嗰場嘅表現，做到我自己都相信我真係一個演員! 」而Benson亦覺得觀眾的反應非常好：「雖然我就唱慣歌，但係Beatbox對我嚟講完全係一樣新嘢，係一樣新挑戰，但現場嘅反應非常之好!都畀咗好多信心我!」

全港澳「最大型」合家歡兒童音樂劇場 2024《神奇學生》一連四場已經完滿結束。

Benson獲老婆帶著兒子一同撐場支持。

黎諾懿與兒子

Bob林盛斌

支嚳儀與兒子

吳大強

經過幾個月來和小朋友的相處，他們兩位都覺得現在的小朋友非常醒目，表現甚至乎好過大人，那麼有冇有沒有激發起伍sir的父愛呢？：「完全冇喎!小朋友玩人哋嗰啲就好，完全唔使負責任!搣完面豬登就走得，自己就唔好搞啲咁乜嘢喇!」

李佳一家

譚輝智與梁浩賢

周國豐

既然這樣滿意這次做音樂劇的經驗，兩人會唔會從此愛上做舞台劇呢？伍Sir竟然說：「都係冇!因為我真係好憎背嘢!我之前應承做呢套劇，係因為講明唔會太多對白，咁我睇完之後，又覺得我應付到我，又做得開心，咁先至接，除非下一次邀請我做嘅係王家衛，套舞台劇係自由發揮，完全唔使跟劇本咁都可以考慮一下!」Benson亦很認同：「我都同伍Sir一樣背唔到嘢!所以如果再接都要考慮清楚，不過今次真係一個好開心嘅體驗!」

波姐馮素波

陳宇琛及太太

Patrick Sir一家