林保怡透露剛將到劇本初稿，「要花啲時間睇，因為呢個係一個幾燒腦嘅劇嚟㗎。」
無綫電視年度壓軸盛事《萬千星輝頒獎典禮2023》請來TVB昔日小生羅嘉良及林保怡擔任頒獎嘉賓，負責頒發新增的大灣區四個獎項，二人表示重見眾多昔日的好友感到好溫暖、好開心，林保怡更笑言見到佘詩曼就回想起以前和她合作好辛苦。
點擊看圖輯
羅嘉良、林保怡（本網記者攝）
本網記者攝
本網記者攝
二人負責頒發新增4個大灣區獎項。
本網記者攝
羅嘉良、林保怡（本網記者攝）
本網記者攝
提到好友佘詩曼憑《新聞女王》再度爆紅，會否都想參演？林保怡：「冇所謂嘅，其實我覺得都係公司安排囉，阿佘我哋都會出去食下飯㗎，咁但係佢都冇提議過搵我拍，咁當然要公司開口啦......我冇所謂係呀係啊真係，OK㗎，最主要個角色啱，有位去、有戲做，咁就得㗎啦。」羅嘉良則表示：「我就啱啱同阿佘拍完啦，《家族榮耀》，我哋拍得好開心。（林保怡：又唔搵我。）」
本網記者攝
有傳林保怡相隔13年重返TVB開拍新劇《刑偵12》，林保怡表示：「我睇個成數呢都係未知之數，因為我覺得都要睇啲劇本先啦，因為個角色如果係啱我嘅話呢，當然會拍囉，其實呢，呢樣嘢係好好嘅，因為佢上個年都已經搵咗我㗎啦，咁我啱啱收到初稿嘅劇本，咁我諗要花啲時間睇，因為呢個係一個幾燒腦嘅劇嚟㗎，所以睇劇本都睇到我有啲燒腦囉，我都要搵佢哋問一問到底係發生咩事。（羅嘉良：冇咩事吖嘛個腦。）有㗎，正話你唔記得我哋live嘅時候我jam咗你一嘢咩，就係因為睇呢個劇本睇到jam晒囉......本來你仲有一段講，我突然jam講咗出嚟啊嘛，我哋不如唔如睇下，咁你即：哦原來仲有一段，就係因為睇嗰個初稿劇本呢睇到個腦有啲問題。（羅嘉良：使唔使睇醫生啊？）」
二人負責頒發新增4個大灣區獎項。
林保怡又表示未知參演的演員有哪幾位，但他很想與羅嘉良及苗僑偉（三哥）合作，「我哋正話見過三哥好開心喎。」羅嘉良就表示：「其實我同阿三哥呢，我哋都講咗好多次，但有冇機會一齊拍戲呢？咁我同保怡呢，我哋冇合作過，從來都冇合作過，第一次喺台上，係台上頒獎。」林保怡補充，與三哥合作可以經常有名貴的冬蟲草湯飲。
本網記者攝
