【TVB頒獎禮】生B隨緣唔強求 馬國明攞最佳衣著獎全靠湯洛雯：老婆開心呢就旺夫

馬國明告誡所有老公，「要對老婆好啲，你個老婆開心呢就旺夫㗎啦！」

新婚的馬國明《萬千星輝頒獎典禮2023》奪得馬來西亞最喜愛TVB男主角，有份主演的劇集《新聞女王》更奪得最佳戲集，他表示：「好開心啊，今年我覺得自己真係好幸運啊，因為我成日都覺得今年，其實我不嬲都係覺得我今年就算冇獎攞，我都會覺得自己贏咗㗎啦，因為我係從來未試過，最高收視嗰三套劇我自己都有份，即係我覺得我自己真係好幸運可以遇到三個咁好嘅團隊，三個劇拍出嚟都咁好睇，咁觀眾都咁鍾意，所以我覺得今年係好幸運。」

本網記者攝

對於個人獎項，馬國明亦很滿意，「其實我冇諗過自己攞獎㗎，正如我頭先所講啦，我又可以拍到三套最高收視嘅劇已經好開心啦，其次就係我今晚係其實我最想林子善攞獎，佢攞獎嘅時候其實佢一路講嘢我喺台下面都有喊，但反而我自己攞獎我冇喊到，我真係好鍾意，好希望林子善可以攞到獎，結果真係如願啦，所以其實今晚所有賽果我都覺得好滿意！呢個show前其實我自己都係Tip阿Mo（陳豪）攞視帝嘅，所以今晚其他大部份嘅獎我都Tip中晒，好開心。」

本網記者攝

提到林子善得獎得爆喊，馬國明自言自己主要的功用是平伏他的情緒，「因為你知佢係幾個咁澎湃㗎啦，咁我儘量去平伏佢啲情緒啦，但係好開心㗎真係，呢位兄弟可以攞到獎對於我嚟講係開心過，就算我今晚有獎攞可能係冇佢攞咗咁開心。」問到會否與「鐵馬家族」慶祝？馬國明就表示：「要睇佢哋再約啦，因為其實大家都比較忙啲近排，要再約囉，其實可能呃睇下新年嘅時候會唔會約到啦？係呀，盡量去約啦，因為你知我哋鐵馬不嬲都好難齊人，咁樣希望會約到啦。」

林子善憑《隱形戰隊》奪「最佳男配角」。（本網記者攝）

至於和太太湯洛雯會否特別慶祝，馬國明就表示：「我諗都係食餐飯啦，我哋好簡單嘅我哋兩個，其實可以去食餐飯，咁兩個人撐下台腳已經好開心。」問到得獎後是否不用洗碗？馬國明笑言：「其實唔使洗碗嘅，其實我屋企有個工人姐姐好好我哋洗碗嘅，好多時都係譬如星期日佢放假我先會洗碗㗎啫。」

本網記者攝

問到生B計劃，馬國明表示和太太對生BB抱隨緣態度，不會強求，「就算生BB，我諗就算依家努力都要年尾㗎啦，咁但呃暫時未知啦，隨緣啦，我同個老婆不嬲都係隨緣嘅，咁有就開心啦，冇我哋都冇壓力嘅，睇下上天會唔會畀呢個禮物我哋啦，如果真係有嘅話我一定會同大家講㗎，多謝大家。」

本網記者攝

馬國明表示和太太對生BB抱隨緣態度。

問到之後會休閒還是繼續工作，馬國明透露原本一月頭要開劇，但現在劇集延遲開拍，「咁變咗我有返少少時間，但係近排屋企都比較多啲嘢忙緊，同埋我哋聽日個劇《飛常日誌》出街啦，咁我就要宣傳啦，咁希望大家幫手留意下《飛常日誌》，因為我每一個劇我有份參與，我都希望佢有好成績嘅，可能我係一個足球員啦，即係我成日覺得我係個足球員嚟㗎，咁我踢每一隊波我都會盡力去踢，亦都希望嗰對波有好成績嘅。」

本網記者攝

提到太太湯洛雯在婚前曾說過因為害羞，所以不敢叫「老公」，馬國明表示：「佢依家都嗌得好順啊，都係叫我老公咁樣囉，都好順啦，冇乜嘢啊。」問到是否冧爆？馬國明甜笑表示：「都冧嘅！你老婆叫你老公你會唔諗冧咩？」至於得到最佳衣著獎，馬國明自言從未想過竟然可以在衣著上贏陳山聰，「因為你見我咁多年都係唔會攞到呢個獎㗎嘛，但係今年第一年就係我老婆幫我揀嘅呢套衫，就攞到獎啦！所以我都話，嗱！所有老公要對老婆好啲，你個老婆開心呢就旺夫㗎啦！」

馬國明直言：「你個老婆開心呢就旺夫㗎啦！」

本網記者攝

廣告施「24變」！

身為香港「土地問題解決師」的24 STORAGE迷你倉，自2022年開始致力為港人解決土地問題，超過40間分店偏佈香港、九龍及新界，24小時全天候提供存取服務。適逢今年是2024年，24 STORAGE不但邀得入行24周年的「佛系視帝」馬國明（馬明）擔任品牌代言人，除了各式各樣的個人倉存服務，更推出全新升級增值服務，包括：「多功能工作艙」、「智能共享工作室」以及「特色迷你倉」如紅酒、單車倉、文件倉、搬屋倉及露營倉等，配合港人的生活節奏與生活所需。

馬國明為迷你倉擔任代言人，破天荒Cosplay上陣！

「玩具珍藏家馬鴨明」

作為24 STORAGE代言人及忠實用家，馬明在廣告中以「24變」造型化身「玩具珍藏家馬鴨明」、「Cosplayer ASMingZ」及「萬能工具王明哥」，利用24 STORAGE提供的個人倉存服務及共享工作空間，實踐演戲以外的抱負。席間馬明大晒視帝級「變臉」演技，對抗另一半的「整理雜物煩音」時，更高呼「唔好俾空間限制你嘅馬明」，勢必成為全港男士的「志氣Bite」！

「萬能工具王明哥」

「Cosplayer ASMingZ」

24 STORAGE代言人馬明透露：「早前養了貓貓，寵物食品及用品同樣堆積如山，我的空間自然越來越少，幸好有24 STORAGE幫忙，可以將我從小珍藏至今的過百件唐老鴨精品好好保存，甚至將一些『不能知的秘密』存倉，例如價值不菲的阿仙奴絕版波衫及球靴、Figure公仔及模型車等，這些奢侈品對於太太來說眼不見為乾淨，我也可以擁有Happy Wife！Happy Life，哈哈！」同時，馬明表示：「拍廣告期間，24 STORAGE送上多支別具意義的紅酒給我品嘗，最適合放在紅酒倉內，可以嚴格控制濕度與溫度，萬無一失，跟朋友聚會前才到倉取酒，方便快捷！」

24 STORAGE不但為市民 提供各式各樣的個人倉存服務，更提供全新升級增值服務，包括：「多功能工作艙」、「智能共享工作室」、「特色迷你倉」、 24小時恆溫系統及VIP專人代收寄件服務，所有空間備有充足燈光、空調及通風系統、24小時監控系統和智能門禁控制；同時於共享空間全年無休提供智能恆溫，為顧客創建私人工作空間，無論是會議、視像報告、教學、工作坊，甚至直播帶貨等，24小時為大家提供舒適、寧靜的工作環境，不再讓空間限制大家的想像！除基本儲存倉型， 24 STORAGE 更另設多款特色倉型，包括：如紅酒倉、單車倉、模型倉、搬屋倉及露營倉等，以滿足客戶需求。

造型百變！

除了邀得視帝馬國明以「24變」造型拍攝全新廣告外，24 STORAGE更悉心安排一連串「24優惠」回饋巿民大眾的支持，勢必令大家「輕2」笑到「4萬咁口」！

馬明過百件唐老鴨精品存倉。