湯洛雯表示十分期待婚後第一個新年，更預備了六位數字派利是！
在去年年底榮升「馬太」的人妻「靚湯」湯洛雯（Roxanne），今日（1月15日）出席婚後首個公開活動，率先參與荷里活廣場「LINE FRIENDS meets PLAZA HOLLYWOOD」新年主題活動，自認是LINE FRIENDS忠心粉絲的Roxanne一到現場，就立即與一眾LINE FRIENDS超人氣朋友開心打卡！她表示最喜歡「LINE FRIENDS『心』鎖情人橋」，更笑言要換領「祝福心鎖」掛到情人橋上，將先生永遠「鎖」在心裡，人妻「靚湯」可謂幸福滿瀉，相信她先生一定心甘情願、義無反顧被「鎖」！
榮升「馬太」的湯洛雯出席婚後首個公開活動。
湯洛雯笑言要換領「祝福心鎖」掛到情人橋上，將先生永遠「鎖」在心裡。
「靚湯」今年更首次以「馬太」身份大派利是，笑言：「以前都會派吓開工利是，但今年就要派雙封，感覺又唔同啲嘅。」更說預備定六位數字，所以會更努力賺錢，而「靚湯」又手持揮春跟大家率先拜年，希望可以為大家送上新年祝福！「靚湯」亦指十分期待婚後第一個新年，她說：「因為係結婚後嘅第一個農曆新年，我已經買咗唔同嘅新年裝飾佈置屋企，當然唔少得利是封，想『逗』利是就要記得嚟搵我同先生拜年啦！」
湯洛雯今年首次以「馬太」身份過農曆新年，透露已預備定六位數字派利是。
談到新婚生活時，Roxanne表示好開心好享受，又說：「先生對我同屋企人都好好，愛屋及烏。」被問到生B計劃，Roxanne表示暫時未有打算，想先好好享受二人世界到不同地方旅行，甜笑說：「大家工作都好忙，一切隨緣！」
湯洛雯表示想先好好享受二人世界，所以生B隨緣。
