《飛常日誌》郭柏妍長腿搶Fo獲封「腳柏妍」 台慶練到成腳瘀傷靠幕後落力補粉還原美腿

自《飛常日誌》開播後，郭柏妍的高顏值及美腿一直備受關注！

香港機場管理局全力協助，由陳耀全（Andy）監製、黃偉強擔任編審的《飛常日誌》，逢周一至五晚八點半翡翠台播映，主要演員包括馬國明、蔡思貝、劉穎鏇、朱敏瀚、高海寧、洪永城、吳偉豪、戴祖儀、郭柏妍及徐榮等。

Rosita就係拍呢場戲搞到中暑，好彩休息完後好快冇事。

Rosita劇中同馬國明有唔少對手戲。

郭柏妍中暑真相曝光
昨晚（18日）一集，劇情講到尚偉（馬國明飾）知道下屬可兒（郭柏妍Rosita飾）暗戀自己，惟心繫前妻若玲（蔡思貝飾）的尚偉只當可兒是女兒，好友勝祥（徐榮飾）遂出面勸退可兒，但因詞不達意致可兒會錯意兼鬧出連番笑話。而這場在停機坪拍攝的場口，正是Rosita之前在活動上透露中暑的場口。據知拍攝當日烈日當空，不過基於安全理由，所有人在停機坪上均不能撐傘，結果在烈日當頭硬撐拍攝了數小時的Rosita，最終不支暈倒，幸好被送往陰涼處休息後很快回復狀態。

Rosita話喺馬明身邊學到好多嘢，大讚馬明係好前輩。

Rosita喺劇中經常短打上陣，獲網友封為「腳柏妍」。

Rosita拍《飛常日誌》時咁啱要為台慶練習空中瑜伽，仲練到一雙美腿瘀晒，最終要靠幕後同事落力補粉還原美腿。

感激馬國明體貼易相處：佢同我講Ng咪再嚟過咯
自劇集開播後，Rosita的高顏值及美腿一直備受關注，不少網民對Rosita的修長美腿洗版式讚歎，並搞笑封她為「腳柏妍」。不過查實Rosita美腿背後暗藏不少幕後工作人員的努力，事緣劇集拍攝期間正值台慶，負責表演空中瑜伽的Rosita，除了要排練拍劇瘋狂兩邊走，因為苦練空中瑜伽時「美腿」受罪盡是瘀傷，以致返回劇組拍劇時多了不少工序。Rosita受訪時說：「其實練緊嗰時唔知對腳練到瘀晒，因為一路着住長褲，直至返番去拍劇先發現對腳瘀晒，要勞煩化妝同事係咁幫我對腳補妝，同埋因為啲粉搽喺腳好易甩，要辛苦佢哋不斷冚番啲粉上去，真係辛苦晒佢哋，同埋要好多謝攝影師哥哥幫手就機位。」談到劇中與馬國明有不少對手戲，Rosita說：「對上一次合作係《白色強人II》，嗰時佢飾演我嘅醫生，今次我就飾演佢嘅下屬。一開頭對住視帝係幾緊張，同埋我對白好多專業術語好怕會NG，但佢就好好完全冇畀壓力我，仲話：『NG咪嚟過囉』，令我增加咗好多信心，佢真係一個好好嘅前輩。」

Rosita今晚一集唱K場口在預告片中率先曝光。

令人更期待劇中嘅「完整版」。

睇何晉樂就知芊芊魔音幾咁有威力。

「激昂飆高音版」VS「走音樂底純魔音版」各有各爆笑
今晚（19日）播出一集，曾被封為「魔音芊芊」的Rosita將「載譽歸來」上演唱K場口。劇情講述她知道與馬明無望在一起後，被拉去唱K時大唱《逃避你》發洩情緒。昨晚，無綫官方宣傳平台先後釋出不同版本的「芊芊魔音版」《逃避你》，分別有「激昂飆高音版」及「走音樂底純魔音版」等，搞笑的是，當有音樂伴奏時，Rosita的「魔音度」大增，不但走音、還嚴重甩拍，配以一眾同場演員的趣怪反眼反應，令場口更添喜感；但當走掉音樂後，Rosita的唱功即時變回正常，足證其聲音「可塑度」甚高。對於要應付唱歌場口，Rosita坦言有壓力：「呢場戲除咗唱歌，仲包含一啲情感戲，我喺呢個位反而有壓力，唱歌我都唔太擔心，因為我本身都唔係專業歌手，但都要同大家講定唔好意思先，可能又要傷害到大家耳仔，大家多多包容，我有時間一定會學唱歌！」

劉穎鏇（右一）鄺潔楹（右二）形成「最萌身高差」。

與鄺潔楹構成「最萌空姐身高差」
另之前憑《飛常日誌》黑絲空姐Look熱爆網的劉穎鏇Tiffany，引發了網友「尋寶」決心，結果成功挖出三年前左右的「學是學非」空姐Look，來源是無綫娛樂新聞台的探班片段。片段所見，穿上紫色空姐服的Tiffany今時與當年一樣咁高咁索，站在《學是學非》拍檔鄺潔楹身邊更形成「最萌身高差」。另日前黃建東飾演的醉酒佬大鬧機場一幕，獲不少網友大讚入型入格，原來拍攝當日東東真．飲酒上陣，他受訪時透露：「今次好想畀自己一個突破試吓用方法演技，我本身唔係好飲得嘅人，我拍嗰日帶定威士忌去現場，加加埋埋應該飲咗半支，埋位前開始灌定，想快啲入狀態。但原來當你好想醉時就冇咁易醉，我拍嗰陣係醉得嚟有三分醒，主要Feel到身體好熱，同埋個人free好多，好開心啲觀眾睇咗都覺得似真係飲醉嘅人。」東東笑言拍完戲回家途中才開始真正「酒氣攻心」：「我記得搭嗰程車返屋企時係瞓晒覺、迷迷糊糊咁，返到屋企係連涼都冇沖就撻咗上床，起身時頭痛欲裂，真係有hang over嘅感覺！ 」黃建東續指今次是繼《機場特警》後再與蔡思貝合作，大讚對方是好拍檔。

東東原來今次係用方法演技，真係飲咗酒上陣㗎。

東東話前前後咗半支威士忌，拍攝時就三分醉，返到屋企就酒勁嚟料！

在《大灣區航空桂林及張家界航線呈獻：奪命提示》中飾演神秘訊息情報科（ASIB）頭目的陳山聰，出席劇集前期宣傳活動時，曾揚言手上持有大量「隊友」瞓覺相！昨日（4月15日）山聰帶頭「找數」，在個人社交網「自爆」三張自己的瞓覺相，並hashtag「瞓覺相challenge」，著「隊友」跟著自爆。搞笑的是，走開潮人路線的山聰，就連瞓著覺也不自覺Chok甫，遭「隊友」留言取笑，其中振朗更落足鞋油：「阿頭～犯晒規喎，瞓覺都可以咁型。」

陳山聰瞓得好Chok。

陳山聰瞓得好Chok。

未幾，ASIB其他要員劉佩玥（Moon）、張振朗、劉穎鏇（Tiffany）、丁子朗及郭柏妍（Rosita）相繼上載瞓覺相，當中最吸睛的是丁丁的「半開眼瞓覺相」及Rosita的「企棟棟瞓覺相」；對於丁丁能睜著眼睛睡覺，隊友嘖嘖稱奇，山聰搞笑留言指：「我有理由懷疑你係反我眼」，振朗則抵死留言：「子超，你唔好有事」，令阿Moon也忍不住大笑：「喂呀！」至於Rosita的直立式瞓覺甫，則獲隊友封為「可愛睡模」，她自己亦乘機曲線宣傳：「Julie係咪周公嚟架？」

丁子朗呢吓勁。

Rosita企棟棟瞓覺。

阿Moon

網民讚Tiffany瞓著覺都咁可愛。

網民讚Tiffany瞓著覺都咁可愛。

不過，搞笑還搞笑，Rosita的企棟棟睡姿背後原來有段故，而且更相當專業。事緣Rosita當日原來發高燒，但與韓馬利一樣因不想影響劇組拍攝進度，Rosita一直沒有說出自己發燒實情，就連監製Jazz也是最近才知道Rosita當日頂著高燒拍攝。

Rosita個瞓覺樣好似小朋友。

對此，Rosita接受TVB.COM訪問時，憶述當時情況真的蠻辛苦，幸獲劇組貼心照顧：「嗰時都病得好緊要，同埋發好高燒，但因為嗰時啲Rundown已經排晒，我見到我當日要拍嗰場被綁架戲又涉及好多唔同嘅工作單位，如果甩咗呢場我怕會浪費好多人力物力，所以我都頂硬上，希望可以順利完成。劇組好好，喺唔需要我嘅場口都畀我休息，瞓一瞓好好多。」另照片所見，Rosita的美腿還佈滿蚊赧，原來Rosita之前在南生圍拍攝重頭打鬥場面時，被蚊咬到一腳都是，認真我見猶憐。

對腳真係好多蚊赧陰公。

睇嚟Rosita真係瞓得好淰。

至於振朗與Tiffany的「同框瞓覺甫」，則遭監製Jazz取笑「識睇梗係睇腳」！原來驟眼看振朗恍似將腳晾在Tiffany腳上睡覺，但實情其實只是角度問題，但Tiffany仍搞笑地叫振朗「Please move your leg」，相當識玩。長期口多多的振朗，更搞笑地分享瞓覺必靚秘訣：「識瞓一定係gel晒頭，着晒皮褸，或者着禮服瞓覺，咁喺呢個世界就冇人可以影到我樣衰嘅瞓覺相。」

張振朗都瞓得好Chok。

張振朗都瞓得好Chok。

張振朗雖然望落好似責住Tiffany對腳嚟瞓，但其實只係錯覺，佢仲講笑話腳痺嗰個係佢自己。

連監製文偉鴻Jazz都加入戰團玩埋一份。