《中年好聲音2》劉可重拾大魔王本色 獲肥媽提點：唔好畀好勝嘥咗自己機會

肥媽點醒劉可唔好畀好勝影響到自己！

歌唱真人騷《香港李衆勝堂保濟丸呈獻：中年好聲音2》，本周日晚（28日）9點翡翠台播出，節目由車婉婉擔任主持。是集是第八部曲第二回《中一生助陣人生之歌！爭入十四強！》下半場，繼續有肥媽、伍仲衡、張佳添、周國豐和陳慧嫻擔任評審。出場名單如下：龍婷＋陳燕娜《漫步人生路》、周吉佩＋古淖文《友共情》、李佳＋劉可《我是一隻小小鳥》、魏嘉信+黃劍文《Shall We Talk》、顏志恒＋梁浩賢《最佳損友》、林鉫徫＋劉威煌《今日》和羅啟豪＋譚輝智《今天等我來》。

大魔王劉可返嚟喇！

李佳再嚟神助攻。

兩人好合拍。

李佳笑言劉可都幾難Connect。

肥媽點醒劉可唔好畀好勝影響到自己。

李佳評劉可勁搞笑：真係唔知點同佢Connect
近幾集狀態低迷的劉可是集終於回勇！今集劉可孖住「和音之鬼」李佳合唱《我是一隻小小鳥》，在李佳神助攻下，劉可重拾大魔王本色，整個演出充滿激情。兩人演唱完畢後，婉婉笑問李佳：「呢個仔難唔難湊？」李佳坦言：「其實真係唔知點同佢Connect，佢有自己嘅嘢，但亦都係有聽人講嘢，同埋真係有做到，你（劉可）要信自己，努力做最好嘅自己。」對於兩人演出，周國豐說：「《中年》選咗李佳出嚟，真係我哋嘅驕傲，多謝李佳將久違嘅劉可帶返番嚟！」肥媽語重心長提點劉可：「你返嚟喇，你之前走咗好遠喎，上個禮拜由中環走到去筲箕灣，做藝人係要有態度，但有時太過份嘅態度會令人唔舒服，唔好畀好勝嘥咗自己機會。」

吉吉（圖右）同古淖文充滿兄弟情。

全場都好興奮。

陳慧嫻笑言再次愛上古淖文。

合唱《友共情》的古淖文、周吉佩同樣值得關注，兩位大男孩在台上一唱一和默契十足，感染全場觀眾齊齊拍手，婉婉笑言：「感覺好年青，好似喺球場交緊波咁！」身為「古粉」的陳慧嫻再度化身小迷妹：「今日我又一次愛上你喇古淖文，你已經搣甩咗好多江湖味！」肥媽則說：「你同吉吉好似兄弟，感覺好正，感染到全場觀眾。」黃劍文＋魏嘉信同樣合拍，由於二人都是斯文Style，唱畢後獲婉婉笑言唱出了《Shall We Talk》禮貌版本。陳慧嫻說：「要讚劍文，你係屬於好有內涵，把聲好耐聽，每一次你都有新嘢畀到我，希望你之後有更多嘅你畀我睇到！」肥媽亦說：「劍文一路進步緊，呢首《Shall We Talk》唱晒啲心聲出嚟，聽得好舒服。」

黃劍文（圖左）、魏嘉信同樣斯斯文文，被取笑合唱禮貌版《Shall We Talk》。

陳燕娜（圖左）、龍婷

梁浩賢（左）、顏志恒

劉威煌（右）、林鉫徫

譚輝智（右）、羅啟豪

《中年好聲音3》周日（11月17日）一集是香港賽區百強第四輪比拼，僅剩45個晉級名額，戰況愈來愈激烈！

講到本集焦點選手，來自澳洲悉尼的36歲聲樂導師吳海楊，無論歌唱演出抑或撐著拐杖示人的形象同樣令人深刻；當晚他獻唱與樂隊一同創作的歌曲《命中注定的雨》，在移動舞台上邊唱、邊隨著拍子搖擺身體；直到下台的一瞬間，評審們和觀眾才驚覺他需要靠拐杖行動。

吳海楊喺移動舞台嘅演出，睇到一眾評審好enjoy。

吳海楊喺移動舞台嘅演出，睇到一眾評審好enjoy。

吳海楊透露海選後返回澳洲時，在酒吧登台時因搬器材弄傷椎間盤，坦言痛得其中一條腿不能伸直：「我非常熱愛音樂，我可以堅持下來。」對於吳海楊的精彩演出，曾飽受腰痛困擾的周國豐激讚，點評時興奮得夾雜普通話與廣東話說：「為甚麼還可以唱得那麼好？最犀利係佢好痛，但佢好享受，令到我哋5位評審跟住旋律䟴，真係值得好大力嘅鼓掌！」張佳添形容音樂就像有止痛作用，投入唱歌時讓他將所有痛楚都拋諸腦後：「本身你選自己寫的歌是很危險，但幸好這首歌很容易接受，很討好。」

由於椎間盤受傷，吳海楊需要撐拐杖落台。

由於椎間盤受傷，吳海楊需要撐拐杖落台。

周國豐舉拇指讚好！

同樣36歲、現為招聘公司總監的羅逸軒，其95歲嫲嫲是「中年好粉絲」，為給予對方驚喜秘密參加海選，如今能夠踏上《中年》舞台演出，令他感到很安慰。當晚羅嫲嫲亦有現身錄影廠，為孫仔打氣。羅逸軒選歌《歲月流情》作賽，演出獲得不少正評，尤其近期人氣急升的「音樂女神」海兒，更當眾向羅逸軒「示愛」：「我覺得你真係暖男呀，我鍾意！」並補充意思是指羅「把聲好暖」。這位暖男演出亦獲得伍仲衡讚賞：「感情做得好好，頭先好似睇緊musical版《歲月流情》。」

羅逸軒為畀驚喜95歲嫲嫲，秘密參加比賽。

羅逸軒為畀驚喜95歲嫲嫲，秘密參加比賽。

羅逸軒為畀驚喜95歲嫲嫲，秘密參加比賽。

獲女神海兒主動「示愛」：「我覺得你真係暖男呀，我鍾意！」

本集雲集多位唱得之人，且表演相當精彩，分別有65歲森林戴假髮神模仿許冠傑獻唱《天才與白痴》、「譚校長2.0」52歲楊炳德獻唱《一首歌一個故事》、曾簽唱片公司出道的47歲陸東成獻唱《望月》、及chok爆「收咪」獻唱《黃金時代》的35歲梁華勝！想欣賞他們的精彩演出？密切留意周日晚播出的《中年好聲音3》。

森林戴假髮神模仿許冠傑獻唱《天才與白痴》。

森林戴假髮神模仿許冠傑獻唱《天才與白痴》。

梁華勝chok爆「收咪」台風。

梁華勝chok爆「收咪」台風。

成功吸引張佳添同伍仲衡眼球！

「譚校長2.0」楊炳德獻唱《一首歌一個故事》。

「譚校長2.0」楊炳德獻唱《一首歌一個故事》。

陸東成曾簽唱片公司出道。

陸東成曾簽唱片公司出道。

此外，今集製作組搞搞新意思，於節目中先後播出《中年》四位「鐵腳」評審肥媽、張佳添、周國豐、伍仲衡，以及主持車婉婉大談對節目感受的片段。當中換了一頭Cute爆齊蔭髮型的肥媽，談到自己因幾乎給每位參賽撳燈，而被伍仲衡形容為「長明燈」一事時說：「《中年好聲音》要經過好多嘢，家庭、隔籬鄰舍、屋企人、同事，識與唔識嘅人，好多嘢要交代，能夠跳出comfort zone參加，嗰盞燈唔值咩？」

肥媽大談被封「長明燈」感受，並為參賽者發聲。

伍仲衡

周國豐指從前的自己，會裝作開心去完成一件事，如今人到中年則改變了態度：「我完全隨心，開心同唔開心冇得呃。」車婉婉則自認是一個「冇嘢覺得自己做得好」的人：「Unless好好地做晒功課，例如中年，我會煲晒200幾條片，就算睇少5個人，觀眾都會知道。」

周國豐話以前嘅自己，會裝作開心去完成一件事。

車婉婉為主持節目做足功課。

張佳添