林峯自爆年底或開演唱會 望與MC張天賦 陳蕾合作

林峯時隔6年再現新城廣播接受知訊台台長程凱欣訪問，宣傳新歌《無傷大雅》

近幾年一直忙於影視工作的歌影視三棲藝人林峯今年將全力瞓身音樂方面，新一年推出新歌《無傷大雅》，由徐浩監製、吳林峰作曲、林寶填詞。為宣傳新歌，林峯日前現身新城廣播，擔任星級嘉賓接受知訊台台長程凱欣主持的《原來生活好快樂》錄音訪問。問到幾耐無來電台？林峯笑言：「好耐，耐到我都唔記得咗。不過我覺得好親切，但冷氣好凍。哈哈！」程凱欣即提他已有6年，林峯即笑曬說：「有咁耐咩！」

林峯日前現身新城廣播，擔任星級嘉賓接受知訊台台長程凱欣主持的《原來生活好快樂》錄音訪問

時隔6年再現新城廣播接受知訊台台長程凱欣訪問

原本錄新歌好緊張

對於時隔多年再出新歌，林峯在訪問中透露唱片公司華納不停為他的新歌搵合作，「徐浩好好，令到我在錄音室好舒服。原本都好緊張，驚carry唔到首歌，但演戲絕對可以幫到唱歌，表達能力比較容易啲，快啲入狀態。」

林峯在訪問中透露唱片公司華納不停為他的新歌搵合作

今次新歌組合十分新鮮，而提到作曲的吳林峰，林峯笑指：「對方當初第一句就是問我，知不知他以前不鍾意我？我話唔洗問，我哋同名，佢實俾同學玩咗好多年。亦因為咁，佢話留意我嘅歌好多年，好了解我的聲線。」

今次新歌組合十分新鮮，而提到作曲的吳林峰

鍾情紅館 每次綵排愛躺在地板望上去

繼2016年，舉辦了第五個個人演唱會的林峯坦言鍾意舞台，「我覺得香港藝人好犀利，唔止表演，仲飛天遁地好勁。」以往都在紅館舉行演唱會，談到啟德體育園將啟用，主場館可容納5萬人，林峯直指始終鍾情紅館，「睇過好多四面台場地，始終覺得紅館好有凝聚力，每一次在紅館綵排，都鍾意瞓喺紅館地板上面，望上去，就算未有觀眾入場都感受到力量。

林峯直指始終鍾情紅館

在訪問中，林峯大爆與唱片公司正在聊年底會否開演唱會，所以現在會多收一點歌，「希望計劃2、3個月再出一首新歌，但都會兼顧影視上面，好似電影拍攝。不過後半年會放一點時間在音樂上面。」眼見這幾年多了一班年青歌手又唱得，又作得，他表示希望有機會與同公司的MC張天賦和陳蕾合作。

林峯大爆與唱片公司正在聊年底會否開演唱會，所以現在會多收一點歌

自問唔會太寵個女

與太太張馨月育有一女「格格」的林峯被台長程凱欣問及對於女兒學習態度，林峯說：「我唔會太寵個女，讀萬卷書不如行萬理路。希望趁呢個年紀要俾佢知規矩，人生最緊要開心，基本知識要知就可以，其他由女兒自由發揮。」

Yumi說入行至今最辛苦的是就是拍劇。

鍾柔美（Yumi）接受新城《原來生活好快樂》節目主持程凱欣和麥卓華錄音訪問，現就讀副學士課程的Yumi，在節目中分享如何兼顧學業和拍劇，對此Yumi直言又攰又大壓力，幸得到劇中資深演員教導，才得以順利拍攝。

鍾柔美（Yumi）接受新城《原來生活好快樂》節目訪問。

Yumi在節目中分享如何兼顧學業和拍劇。

Yumi表示入行至今最辛苦的是拍劇，除了經歷幾天通宵拍劇沒睡覺，更試過連續三天放學後趕往開工，「拍劇同返學嘅模式真係好辛苦，尤其我係需要瞓覺嘅人，我唔可以唔瞓覺，唔瞓覺會唔開心、情緒低落，但我好享受工作過程，同跟朋友一齊嘅感覺好唔同，雖然好充實，但太攰的話，我上堂會恰眼瞓。」

喜獲邵美琪傳授演技。

至於拍劇對Yumi來說，最有難度是背劇本，「因為我背書唔係特別叻，套劇我嘅戲份比較重，當我唔夠瞓或者拍到好夜，腦袋就會一片空白，又擔心自己會唔會令導演失望，佢哋會唔會對我要求好高，我都試過NG好多次，壓力就好大，不過佢哋好體諒我，又會鼓勵我，前輩邵美琪做我劇入面嘅媽媽，佢好好人，好用心教我，而且佢好專業，好值得向佢學習。」

Yumi近日推出新歌《Masterpiece》，憑歌帶出人應該要有的自信，而MV中造型多變，「有一種蒙娜麗莎同畫家嘅感覺，我完全未試過，都幾新鮮，希望大家會鍾意。」

重溫節目，請於12月23日登入：https://www.metroradio.com.hk/MetroInfo/

鍾柔美拍劇冇得瞓 獲前輩邵美琪傳授演技：佢好用心教我