喬寶寶自爆林村寶碟高手 布偉傑拍片大玩食字GAG

農曆新年在即，香港人當然積極準備過年，不過喬寶寶與布偉傑這兩個「香港人」都唔執輸，趁寶寶返蘇格蘭過農曆前提早去參加香港許願節2024，到訪林村許願樹祈福、拍攝宣傳片。

日前喬寶寶與布偉傑為香港許願節2024拍攝宣傳片，除左介紹活動亮點之外，兩人仲大玩「食字GAG」，場面十分搞笑。去得林村當然要拋寶牒祈福，寶寶就話自己係拋寶碟嘅高手：「其實我以前成日去林村許願樹、其他寺廟參觀嘅，我唔係迷信，而係想了解文化，就要投入落去，所以我好早已經係高手，知道點發力先拋得高。今次拍片要講好多『廣東話』Gag，難唔到我地喇，我地係香港人嚟㗎！」

喬寶寶同布偉傑兩位「外國人」幫林村做宣傳

佢哋原來係拋寶碟高手！

而布偉傑亦大呻孤單過節：「以前我地幾個『鬼佬』過年都會約埋聚吓、見面，不過今年寶寶返左蘇格蘭同家人團聚，得翻我自己一個，如果新年冇工開就會好悶，所以今年準備會去許願節玩下，應吓節湊吓熱鬧、攞個好『意頭』！」二人落力為宣片短片「搞笑」，表現獲許願節召集人鄭倫光主席大讚：「佢地好專業，完全冇悶場！」

短片中仲大玩廣東話Gag。

二人獲許願節召集人鄭倫光主席大讚專業，完全冇悶場！

香港許願節2024活動

香港許願節2024將以「愛與希望」為主題，與麥當勞叔叔之家合作，致力將愛心和希望傳遞給更多有需要人士。除傳統許願節拋寶祈福，屆時將會有超過60檔新春市集、美食廣場，亦會有攤位遊戲嘉年華和音樂會，並增設夜光許願寶，除可用作拋寶牒，亦可作為珍藏祈福的特別物品。適逢情人節，許願節亦會有限定「告白氣球」活動。

香港許願節2024活動詳情
地點：大埔林村許願廣場
開放時間：
2月7日至9日 （年廿八至年三十）：17:30-21:30
2月10日至14日（年初一至年初五）：09:00-21:30
2月15日至24日（年初六至年初十五）：09:00-18:00

兩人拍攝宣傳片時大玩食字GAG！

寶寶話：「難唔到我地喇，我地係香港人嚟㗎！」

喬寶寶返蘇格蘭過農曆前，孖布偉傑提早去參加香港許願節2024。

「新一代螢幕CP」Kyle與Gillian遠赴有「威士忌之鄉」的蘇格蘭展開十日九夜尋醉之旅

品酒旅遊節目《尋醉蘇格蘭》由李爾晨（Kyle）及伍倩彤（Gillian）主持，一共十集，逢周一、二及周四、五晚8點半於TVB Plus（82台）播映。「新一代螢幕CP」Kyle與Gillian遠赴有「威士忌之鄉」的蘇格蘭展開十日九夜尋醉之旅，還會探訪居蘇港人。

（左）Gillian、Kyle

上周五晚（28日）一集，Kyle和Gillian參觀英國十大公園格拉斯哥植物園，及以皇后碼頭倉庫為基地的低地區酒廠The Clydeside Distillery，明晚（2日）二人先後探訪了兩位居蘇港人—素人李先生和前無綫藝人喬寶寶。二人到訪了喬寶寶在蘇格蘭開設的印度餐廳，獲寶寶設宴招待，品嚐酒精濃度達56%的印度威士忌Amrut配搭正宗印度菜。入行前任職二級懲教助理的喬寶寶，因當年獲津貼供大仔到蘇格蘭讀書，加上早已定居蘇格蘭的胞妹指當地人對有色人種格外友善，種種因素令寶寶最終決定移居蘇格蘭。在香港土生土長的寶寶，基於尊重印度傳統文化及母親心願，甘願遵從父母安排從二人精選出的三位印度西施中挑選了現任太太；二人在如此前提下仍能相愛相親34年，令人尊敬又羨慕，寶寶說：「雖然算係盲婚啞嫁，但全球嚟講印度離婚率係最低。我咁多兄弟姊妹都係咁arranged，全部都好開心。」不過作為新一代男神女神的Kyle和Gillian，則異口同聲表示不能接受盲婚啞嫁，並認為婚姻應該建基於互相了解。

Kyle「直男」進化暖男貼心為Gillian撥頭髮！

明晚一集有喬寶寶做嘉賓。

Kyle由「直男」進化做「暖男」，唔知有冇加到分呢？

兩人到訪喬寶寶喺當地開設嘅印度餐廳。

喬寶寶尊重傳統文化，甘願盲婚啞嫁。

Gillian試飲酒精濃度達56%嘅印度威士忌Amrut，辣到伸脷！

喬寶寶同樣熱愛威士忌。

Gillian主持嘅迷你節目《威士忌不能不知的10件事》，第一集已經喺myTV SUPER上架。

移居蘇格蘭逾40年的李先生則帶了Kyle和Gillian遊覽集合知名畫家、街頭藝術者作品的格拉斯哥壁畫街，並聆聽了St Mungo、St Enoch and Child畫作背後的故事。附近的大墓地同樣聞名國際，2022年版的《蝙蝠俠》電影製作團隊便曾在此取景，令該處成為遊客打卡熱點，期間Kyle為Gillian細心整理亂髮一幕更是甜蜜非常。

電影《蝙蝠俠》曾於格拉斯哥大墓地取景拍攝，自此成為打卡熱點。

畫作St Enoch and Child

加開迷你節目講威士忌小知識

另由Gillian主持的迷你節目《威士忌不能不知的10件事》，每集都會講解威士忌的一個小知識，首集「五個威士忌認可產區」已於myTV SUPER上架，想知Macallan出自蘇格蘭哪一區？立即登入myTV SUPER收看啦！

Kyle同Gillian上集參觀英國十大公園格拉斯哥植物園。